Jeremiah 17:12 - Tedim Bible Revision 2017

¹² I biakinnpi pen a kipat cil-in mual tungah a om a minthang mahmah kumpi tokhom tawh kibang hi.

Tedim Bible

¹² I biakinnpi in a kipat cila mual tunga om a minthang kumpi tokhom tawh kibang hi.

Jeremiah 17:12 Referans Kwoze

Late 96:6

Pahtawina le liatnate ama mai ah om a, hatna le hoihnate ama omna mun siangtho ah om hi.

Ezekiel 43:7

“Mihing ahi Ezekiel aw, hih lai munah ka kumpi tokhom om hi. Israel mite lak hih lai munah ka teng dinga, amaute ka uk tawntung ding hi. Israel mite le a kumpite un pasian dang biakna tawh ahi a, a kumpi si sate uh phawk nading mual bawlna tawh ahi zongin ka min siangtho daisak ngei nawn lo ding uh hi.

Jeremiah 3:17

Tua hun ciangin Jerusalem khua pen Topaʼ kumpi tokhom kici dinga, Jerusalem khua Topaʼ omna ah gam khempeuh hong kikhawmin, amaute in amauʼ mawhnopna lungsim uh a zui tentan nawn kei ding uh hi.

Ezekiel 1:26

Tua kuum tungzang ah, sapfaia suangmanpha tawh a kibawl kumpi tokhom bang pian khat om a, tua tokhom tungah mi tawh a kibang pian lim khat a tu hi.

Jeremiah 14:21

Nangma min na khualna-in kote hong nolh kei inla, a vanglian na tokhom mindaisak kei ta in. Kote tawh nong thuciamna hong phawk inla, hong ciampel kei ta in.

Mangmuhna 3:21

Keimah zong gualzo-in ka Paʼ tokhom ah ka tut khawm uh mah bangin a gualzote khempeuh zong kei tawh ka tokhom tungah hong tut khawm theih nadingun thu ka pia ding hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Hebru 4:16

Tua ahih manin a kisap hunin, eite a hong huh dingin hehpihna le dikna thupha i ngah theih nadingin, kimuanna lungsim tawh hehpihna tokhom va zuan ciat ni.

Isaiah 6:1

Kumpi Uzziah a sih kumin, a sang mahmah, a lian kumpi tokhom tungah Topa a tu ka mu hi. Ama kumpi puanpi pen biakinn sungteng a dim hi.

Mattiu 25:31

“Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei adingin koi lai ah inn lam dinga, keima tawlngak nading mun koi lai ahi hiam?

Late 103:19

Topa in vantungah ama tokhom phut khin a, amah in mun khempeuh a uk hi.