Jeremiah 16:19 - Tedim Bible Revision 2017

¹⁹ Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuau thu le bangmahin a kimang lo milimte longal bangmah dang a luah kei ding uh hi.

Tedim Bible

¹⁹ Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.

Jeremiah 16:19 Referans Kwoze

Isaiah 25:4

Bang hang hiam cih leh nang pen mizawngte adingin mun muanhuai, a cimawh mite adingin a lungkhamna uh ah mun muanhuai, huihpi panin bukna le nisa panin niliim na hi hi. Bang hang hiam cih leh thu khual lo miteʼ hihna pen huihpi in kulh a nawk gawp tawh kibang a,

Nahum 1:7

Topa hoih hi; lungkham hunin a mite huh a, amah a beel mite limtakin a kem hi.

Jeremiah 17:17

Kei hong lausak kei in. Gimna hong tun ciangin kong belh pa na hi hi.

1 PETER MASA 1:18

Na pu na pate uh nuntak zia, bangmahin a kimang lo nuntakna panin a hong suahtaksak nadingin Pasian in noteʼ man dingin a piak pen a man a kiam thei ngun le khamte bang hi lo a,

Jeremiah 10:5

A milimte uh, tangmai huanah vasateʼ lau nadingin a kikhai milimte tawh kibangin pau thei lo uh a, lam pai thei lo uh ahih manin puak a kul hi. Tuate kihta kei un; siatna bawl thei lo uh a, phatna zong bangmah bawl thei lo uh hi,” a ci hi.

Jeremiah 2:11

Gam khat peuhpeuh in pasian ahi taktak beek lo a pasian-te uh nangawn a khek ngei peuhmah uh hiam? Ahih hangin ka mite in a minthanna uh ahi keimah, bangmahin a kimang lo na peuh tawh hong khek tazen uh hi.

Isaiah 44:10

Bangmahin a kimang lo pasian kua in bawl a, milim kua in sung ahi hiam?

Late 86:9

Topa aw, na bawl sa minam khempeuh hong pai-in na mai ah hong kun ding uh a, nangma min hong phat ding uh hi.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih dinga, tua ciangin note kiangah kei a hong sawl ahihna thu na thei ding uh hi.

Habakkuk 3:19

Topa Pasian, keima thahatna ahi hi; sakhi khe bangin ka khe hong zaptelsak a, mun sangna ah lungmuang takin kei hong paisak hi.

Ezekiel 11:16

Tua ahih ciangin na salpihte kiangah hih bangin keima thugente va gen sawn in: A gamlapi gamah a teeng dingin pua khia-in, gam dangah a thehthang pa pen keimah ka hi hi. Ahi zongin amauteʼ omna gam dangah tawl khat sung bek kei a hong bia dingin ka omsak hi.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Late 62:2

Kei hong huhpa le hong honpa amah bek hi a, ka guallel ngei kei ding hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Jeremiah 3:23

Mualtungte le mual sangteʼ tungah gamlum lialuanate zuaupi taktak hi a, Israel mite hotkhiat nading Topa eiteʼ Pasianʼ kiang bekah om takpi hi.

Isaiah 62:2

Minamte in na gualzawhna mu ding uh a, kumpi khempeuh in na minthanna mu ding uh hi. Topa in nang a hong phuah min thak tawh nang hong kisam ding hi.

Isaiah 32:2

Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

Paunak 18:10

Topaʼ min pen tausang muanhuai tawh kibang a, thuman mite in belin lungmuangin om thei uh hi.

Late 68:31

Egypt gam panin sumngo la khiasak inla, Pasianʼ tungah thungetna-in Ethiopia gam a khut zansak mengmeng in.

Late 62:7

Keima suahtakna le ka minphatna Pasianʼ hang ahi hi. A muanhuai ka belh pa, ka bukna Pasian ahi hi.

Late 46:11

Vanglian Topa, eite tawh hong om khawm a, Jakobʼ Pasian, eima belh ahi hi.

Late 46:7

Vanglian Topa eite tawh hong om khawm a, Jakob Pasian eima belh ahi hi.

Late 46:1

Pasian, i belh leh i thahatna hi a, haksat hunin a hong huh pahpah pa ahi hi.

Late 27:5

Bang hang hiam cih leh haksat hun ciangin amah in a buk sungah kei hong seel ding hi. A puanbuk khuhna nuai ah kei hong seel dinga, a sangna suang tungah kei hong koih ding hi.

Late 19:14

Topa, ka belh suangpi le keimah hong tan khia pa aw, ka kammal le ka lungsim ngaihsutnate nangma muhna ah a sanhuai suaksak ta in!

ROM (Romans) 1:25

Amaute in a man ahi Pasianʼ thu um nuam lo uh a, a tawntungin phat dingin a kilawm a Piangsak pa bia loin, Pasianʼ bawl sa nate bia-in a zui uh hi. Tu-a bangin hi takpi uh hi.

1 KUMPI MASATE 20:23

Tua ciangin Syria kumpipaʼ nasemte in ama kiangah, “Amauteʼ pasian-te pen mual tung pasian-te hi a, tua ahih ciangin eite sangin amaute hat zaw uh hi. Ahih hangin zanglei ah amaute do lehang amaute sangin eite i hat zaw taktak ding hi.

Isaiah 44:20

Amah pen vut a nete tawh kibang lel hi. A lungsim haina in amah lam pialpih khin a, amah le amah kihon khia thei loin, “Ka khut sungah ka tawi milim pen a zumhuai hi lo ahi hiam?” cih zong phawk thei lo hi.

Isaiah 45:14

Topa in Israel tungah, “Egyptʼ hauhna le Ethiopia sumbuk vante le a tun a sang Seba mite nangma kiangah hong pai-in nangma aʼ hong hi ding uh a, amaute in nang hong zui ding uh hi. Amaute sikkhau kibulh sa-in hong pai ding uh a, nangma kiangah hong kun ding uh hi. Amaute in nangma kiangah thumna hong bawl ding uh a, ‘Nangmah bek tawh Pasian om khawm a, kuamah dang om loin, amah sim loh pasian dang om lo hi,’ hong ci ding uh hi.

Jeremiah 2:8

Siampite in, ‘Topa koi ah om ahi hiam?’ ci-in dong lo uh hi. Thukham a theite nangawn in kei hong thei lo uh hi. Kei tungah kumpi uliante hong khial khin uh a, kamsangte in Baal min tawh thu genin kimanna a nei lo milimte a bia uh hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak uh leh gam khempeuh in thupha ka piak ding hong ngen ding uh a, keiʼ sungah amaute a lungdam ding uh hi,” a ci hi.

Jeremiah 12:16

Tua ciangin, ka miteʼ om dan hoihtakin a sin uh a, Baal min tawh a kiciam dingin ka mite a sinsak mah bangun, ‘Topa a nuntak mah bangin,’ ci-in keima min tawh kiciam ding a sin uh leh ka mite lakah kip takin a om ding uh hi.

Jeremiah 33:9

Jerusalem khuapi pen kei adingin lungdamna, minphatna le minthanna ahi hi. A sunga om mite tungah hoihna le hauhna ka tunsakna thu a za minam dangte lau-in a liing ding uh hi.

Joel 3:16

Zion Mual panin Topa hong hawk suk a, Jerusalem panin hong awngkek a, vanpi le leipi a liing damdam hi. Ahi zongin Topa pen ama miteʼ belh pa hi a, Israel mite a hu ding hi.

Amos 2:4

Topa in hih bangin ci hi: Judah mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in ka thukhamte nialin ka thuhilhnate zui lo uh hi. A pu a pate un a na biak sa pasian man lote mah in amaute lam pialsak uh hi.

Late 18:3

A phat taak Topa ka sam a, ka galte kiang panin kei hong hon khia hi.

Late 65:3

Ka mawhnate un kote hong zawh ciangin, nangmah in tuate na hong maisak hi.

Jeremiah 10:3

Hih miteʼ ngeinate a kimanna om lo hi. Gamlak ah sing khat kiphuk a, khutsiam pa in a hei tawh milimin a bawl hi.

Jeremiah 14:8

Israel miteʼ lamet pa aw, haksat hun ciangin ko a hong hon khia pa na hi hi. Bang hangin ka gam sung uh ah khualmi bangin nang omin khualzin zan khat bek a taam bangin hong om na hi hiam?