Jeremiah 16:12 - Tedim Bible Revision 2017

¹² Note, na pu na pate sangun na siahuai zaw uh hi. Bang hang hiam cih leh en un, noteʼ utna bang ciat na zui tentan uh a, ka thu nong ngai nuam kei uh hi.

Tedim Bible

¹² Note in na pu na pate sangun na siahuai zaw uh hi. Bang hang hiam cih leh, en un, note’ utna bang ciat na zui tentan uh a, ka thu nong ngai nuam kei uh hi.

Jeremiah 16:12 Referans Kwoze

Jeremiah 13:10

Ka thu hong ngai nuam loin amauʼ ngaihsutna bang bekin a pai tentan nuam, pasian dangteʼ na a sem ding le a bia dingin a nung a zui hih migilote pen zat theih ding ahi nawn lo, hih dialkaih bang ahi ding uh hi.

Jeremiah 7:26

ahih hangin amau in ka kamsangteʼ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a sia zaw uh hi.

Jeremiah 9:14

amauʼ lungsim deihna zui tentanin a pu a pate uh hilhna bangin Baal nung a zuih man uh ahi hi.

Thuhilh-sia 9:3

Mi khempeuhʼ thumong kibang kim a, hih pen leitung a thupiang lakah a man het lo khat ahi hi. Mihingte a nuntak lai teng gitlohna le a mawkna thu tawh a lungsim uh kidim a, theih kholh lohin mihingte sipak uh hi.

Marka 7:21

Bang hang hiam cih leh mihingteʼ lungsim sung panin nungak tangval mawhnopna, guktaakna, mi thahna, zilepasal nei sate tawh mawhnopna,

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amauʼ gitlohna lungsim uh zui-in amauʼ thuthu-in a om zaw uh a, mainawt loin a nungkin zaw uh hi.

1 SAMUEL MASA 15:23

Bang hang hiam cih leh lehdona pen ai san mawhna bangmah hi a, lungkhauhna pen mawhna le milim biakna mah a bang ahi hi. Nangmah in Topaʼ thu nial khin na hih manin, amah in zong kumpi hihna pan nang hong nolh khin hi,” a ci hi.

Thukhente 2:19

Ahih hangin thukhente a sih peuhpeuh ciangin amaute kiheikikin a pu a pate uh sangin a sia zaw-in gamta zel uh hi. A dang pasian-teʼ nung zui uh a, amauteʼ na semin a mai uh ah kun uh hi. Amauteʼ gamtatnate uh ahi a, a lungkhauhnate uh ahi zongin khia lo uh hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na om khak loh nadingun na kingaihsun un.

2 TIMOTI NIHNA 3:13

migilote le thu thei kineihin mi khem theite zong siat tat semsemin, amaute in mi khemkhemin, amaute mah in zong khemna a thuak ding mah uh ahi hi.

Jeremiah 17:9

“Na khempeuh lakah lungsim a khem hat pen hi a, a kisia pha mahmah ahi hi. Kua in lungsim thei zo ding ahi hiam?

Thuhilh-sia 8:12

Mawhnei khat in zavei dong siatna bawl napi-in a khansau veve hi. Ahi zongin “Pasian a zahtakte adingin thu khempeuh nuam ding hi.

Thu-hilhkikna 9:27

Na nasem Abraham, Isaac le Jakob phawk inla, hih mihingteʼ lungsim khauhna hitaleh a gitlohna uh hitaleh a khialhna uh hitaleh thusim kei in.

Piancilna 8:21

Topa in a namtui gimnam a zak ciangin, a lungsim sungah, “Mihingʼ gamtatna hangin leitang ka samsiakik ngei nawn kei ding hi. Bang hang hiam cih leh mihingʼ lungsim ngaihsutna pen a tangval lai panin a gilo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.

Piancilna 6:5

Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.

Jeremiah 18:12

Amaute in, ‘Tua bang gen kul lo hi. Koʼ ngimna bangin ka gamta ding uh a, mi khempeuh ama lungsim siaʼ deihna bangin a gamta ding uh hi,’ hong ci ding uh hi.

Kah la 5:7

Ka pu ka pate un mawhna a bawl manun a si khin uh hi. Amauteʼ mawhna kote in ka thuak uh hi.

Ezekiel 20:30

Tua ahih ciangin Israel mite tungah Topa Pasian ahi keima thugen hih bangin gen in: Na pu na pate un a bawl mawhnate mah note in zong bawlin a milimte mah uh sulzuih ding na hi uh hiam?

Amos 2:4

Topa in hih bangin ci hi: Judah mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in ka thukhamte nialin ka thuhilhnate zui lo uh hi. A pu a pate un a na biak sa pasian man lote mah in amaute lam pialsak uh hi.

Malakhi 3:7

Na pu na pate uh mah bangin ka thukhamte panin note na pial khia uh a, ka thukhamte na zui kei uh hi. Ahi zongin keima lamah hong kiheikik un; kei zong note lamah kong kihei ding hi. Ahi zongin note in, ‘Nang lamah hong bangci kihei ding ka hi uh hiam?’ na ci uh hi.

Jeremiah 22:28

Jehoiakhin, kuama deih loh a kipaai mang beel kitam tawh kibang ta ahi hiam? Bang hangin amah le a tate kilawn khia a, a theih loh uh gamah kipaai mang ahi hiam?