Jeremiah 15:8 - Tedim Bible Revision 2017

⁸ Tuipi a sehnel omzah sangin nupi meigong ka tamsak zaw ding hi. Na tangvalte uh a khan laitakin ka that dinga, a nute uh ka lunggimsak ding hi. Noteʼ tungah thakhat thu-in lungkhamna le launa ka hong tungsak ding hi.

Tedim Bible

⁸ Tuipi-a sehnel om zah sangin nupi meigong ka tamsak zaw ding hi; na tangvalte uh a khan’ cin laitakin ka that ding a, a nute uh ka thuaksak ding hi. No’ tungah thakhat thu-in lungkhamna leh launa kong tungsak ding hi.

Jeremiah 15:8 Referans Kwoze

Isaiah 3:25

Na mite, namsau tawh si ding uh a, a vanglian na mite, gal sungah kisia ding uh hi.

Luka 21:35

Theih kholh lohin thang kisai bangin leitung mi khempeuh tungah hih thu hong piang vat ding hi.

Jeremiah 5:6

Tua ahih manin tulak panin humpinelkai in amaute that dinga, sehnel gam panin keivom in amaute a pet gawp ding hi. Kamkei in a khuapite uh limtakin vil gige a, a pusuak khia peuhpeuh balzan gawp ding hi. Bang hang hiam cih leh amauteʼ mawhna tam lua a, hong taisan mun lua uh hi.

Jeremiah 4:16

Minamte kiangah va gen unla, Jerusalem kiangah va taangko un. “Gamlapi panin mite hong pai uh a, Judah gam khuapite langpangin hong kiko uh hi.

Isaiah 3:26

Khuapi kongpi tau-in thum ding hi. Khuapi, gamkhing suak dinga, a guaktang a om nupi leilak ah a tucip tawh kibang ding hi.

Isaiah 4:1

Tua ni ciangin nupi sagih in papi khat neikhawm ding uh a, “Kote in komauʼ an ciat ne-in, komauʼ puan ciat mah ka silh ding uh hi. Kote pen, nangma zi cih min bek hong puasak in; ka min siatna teng uh hong hum in,” ci ding uh hi.

Jeremiah 16:3

Bang hang hiam cih leh hih mun a suak tanu tapate le a nute uh tawh kisai-in Topa in ka cih in ah:

Jeremiah 18:21

Tua ahih manin a tate uh kial tawh puksisak inla, amaute namsau-in sisak in. A zite uh ta neisak kei inla, meigong suaksak in. A pasalte uh pulnatna tawh sisak inla, a tangvalte uh gal sungah namsau tawh kithat lumsak in.

Jeremiah 22:7

Nangʼ lang khat ah a hong susia ding mi ka kithawisak dinga, a hei uh hong keng ding uh hi. Amaute in na sidar khuam hoih pente hong phuksakin mei ah hong khulsak ding uh hi.

Kah la 5:3

Ka pate uh gal in hong thahsak khin a, ka nute uh meigong suak khin uh hi.

Ezekiel 22:25

A uliante uh, ganhing a that humpinelkai hawk tawh kibang uh hi. Amaute in mi thatin, a sum le a neihsa khempeuh laksak uh a, a mi thahna hangun numei tampi tak meigong suaksak uh hi.

Hosea 4:5

A sun a zan cih om loin na nasepnate uh a kimanna mel om lo hi; kamsangte zong note bangmah hi lel hi. Na nu uh Israel ka susia ding hi.

Jeremiah 6:26

Topa in, “Ka miteʼ tanu aw, puanhampi silh inla, vut lakah kikhuk in. Tapa khat neihsun a si bangin kap vangvang in. Bang hang hiam cih leh a hong susia ding pa thakhatin hong tung ding hi.