Jeremiah 15:6 - Tedim Bible Revision 2017

⁶ Nangmah in kei nong taisan zo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ip zo nawn kei hi.

Tedim Bible

⁶ Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Jeremiah 15:6 Referans Kwoze

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amauʼ gitlohna lungsim uh zui-in amauʼ thuthu-in a om zaw uh a, mainawt loin a nungkin zaw uh hi.

Zefaniah 1:4

“Judah gam mi khempeuh susia mangin, Jerusalem khuami khempeuh ka sumai ding hi. Baal milim biakna a them baang lai khempeuh le tua milim na a sem siampite ahi a, keima siampite ahi zongin, a vekpi-in ka sumai ding hi.

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.

Hosea 11:7

Ka mite in kei kiang panin pial ding ngaihsun tawntung uh a, a sangna lam ah a kiko khop uh hangin kihon khia lo ding hi.

Isaiah 1:4

Ah, a khial minam, mawhna in a nencip mite, siatna a bawlteʼ suanlekhakte, a gamtat sia tapate! Amaute in Topa nusia khin uh a, amaute in Israel-teʼ Siangtho Pasian simmawh khin uh hi. Amaute in lam khial khin taktak uh hi.

Hosea 13:14

Misi khua pan ka tan khia diam, sihna khut pan ka hon khia diam? Sihna aw, na gu koi ah om hiam. Misi khua aw, na suksiatna koi ah om hiam.

Ezekiel 25:7

Hih bangin gamta se na hih manun noteʼ nate hong sut gawp ding minamteʼ khut sungah kong pia ding hi. Note hong sumai mang ding ka hih manin a minamin ahi a, a gamin ahi zongin na ding zo nawn kei ding uh hi. Tua ciangin Topa ka hihna na hong thei ding uh hi, ci-in gen in,” a hong ci hi.

Jeremiah 6:19

Leitung aw, ngai in! En un, hih mite tungah a thuak ding mahun a kilawm siatna ka tungsak ding hi. Bang hang hiam cih leh ka thu hong ngai lo uh a, ka thukhamte a nial uh hi.

Jeremiah 6:11

Tua ahih ciangin Topa aw, kei zong ka heh mahmah a, ka thuak zo nawn kei hi,” ka ci hi. Tua ciangin Topa in kei hong hopih a, “Keiʼ tang dinga na hehna kongzing lak a naupangte tungah bua khia inla, tangvalteʼ kikhopna ah zong bua khia in. Papite le nupite zong kila khia dinga, piteek puteekte zong kipaikhiat pih ding hi.

Jeremiah 2:17

Israel aw, Topa na Pasian in lampi ah hong makaih laitakin amah na nusiat manin nang tungah hih bang teng hong tung hi lo ahi hiam?

Jeremiah 1:16

Ka mite in kei hong taisan uh ahih manin a mawhna uh hangin amauʼ tungah thu ka khen ding hi; pasian dangte tungah meihal biakna pia uh a, a khut uh tawh a bawl sa uh milimte a bia uh hi.

Hosea 4:16

A kizualsak zo lo bawngla bangin Israel mite phengphi uh ahih manin, lo nona munah tuunote an vak bangin amaute bangci vak ding ka hi hiam?

Ezekiel 14:9

Kamsang khat peuhpeuh in khemna tawh a man loin thu hong dawn leh, Topa ahi keima khem hi ding hi. Israel mite lak panin tua kamsang pa ka la khia ding hi.

Jeremiah 20:9

Keimah in, “Ama thu ka gen kei dinga, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gim lua a, gen loin ka om thei kei hi.

Jeremiah 8:5

Tua ahihleh bang hangin hih mite lam khialin hong kilehkik nawn lo ahi uh hiam? Zuau pasian milimte lenkip uh a, hong kilehkik nuam lo uh hi.

Jeremiah 2:19

Na gitlohna mah in nangmah hong thuhilh dinga, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam het loin kha velval hi, cih thu thei inla mu in, Vanglian Topa Pasian in ka hong ci hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi. Nuntakna ciktui ahi keimah a hong taisan zo uh hi. Tuikhuk to tawm uh a, a tuikhuk tawh uh keu-in, tui a vung thei kei hi.

Isaiah 28:13

Tua ahih ciangin Topa in note tungah, mal khat khit mal khat, gual khat khit gual khat, thu khat khit thu khat, cih bangin hong hilh ding ahi hi. Tua ciangin na kalsuanna khempeuh uh ah na puk ding uh a, note liamin, thang ah awkin, salin hong kipaipih ding hi.

Isaiah 31:3

Egypt mite mihing hi a, Pasian hi lo hi. Amauʼ sakolte sa hi a, kha hi lo hi. Topa in a khut a zan ciangin a huhpa pukin, huhna a ngah pa tuk dinga, amaute khempeuh siakhawm ding uh hi.

Jeremiah 6:12

A innte uh midangte in luah ding uh a, a lote le a zite uh a taan ding uh hi. Bang hang hiam cih leh Topa in kong cih in ah, hih miteʼ lang khat ah ka khut zanin gim ka pia ding hi.

Jeremiah 7:16

“Jeremiah aw, hih mite adingin thu ngetsak kei in. Amau adingin kapin keiʼ tungah hong thumsak kei in. Bang hang hiam cih leh nong thumna kong ngai kei ding hi.

Jeremiah 8:9

Na mipilte uh maizum ding uh a, lungmangin a cih nading a thei kei ding uh hi. En un, amaute in Topaʼ thu nial uh hi. Bang pilna nei nawn ahi uh hiam?

Ezekiel 35:3

Topa Pasian ahi keima thugen, hih bangin gen in: “Seir Mual tung gam aw, kei, nangma lang ka hi hi. Nang a gamkhingin kong bawl ding hi.

Jeremiah 13:14

Pate le tate a kipan amaute khatlekhat ka kiphusak dinga, Topa in kong cih in ah, hehpih lo, lainat lo, it loin ka sisak ding hi, ci hi,’ va ci in,” hong ci hi.

Jeremiah 44:22

Topa in na hoih lohnate uh le na bawl uh kihhuainate hangin note hong thuak zo nawn lo hi. Tua ahih manin tu ni mahmah in zong na gam uh gamlak suak khin a, miteʼ kihamsiatna suakin kuamah teeng nawn lo hi.