Jeremiah 15:4 - Tedim Bible Revision 2017

⁴ Judah kumpi Hezekiahʼ tapa Manasseh in Jerusalem khua ah hih bangin a bawl thu leitung gam khempeuhte in mu-in a lau ding uh hi.

Tedim Bible

⁴ Judah kumpipa Hezekiah’ tapa Manasseh in Jerusalem khua-a a bawl thu hangin leitung gam khempeuhte’ lau nadingin ka koih ding hi.

Jeremiah 15:4 Referans Kwoze

Jeremiah 24:9

Amaute ka hawlkhiat nading mun khempeuh ah mite in kihamsiatna-in a zat dingun simmawhna le zahkonate ka thuaksak dinga, amauteʼ thuakna hangin leitung gam khempeuh ka lausak ding hi.

Jeremiah 29:18

Amaute, namsau, kialpi le pulnatna tawh ka nung delh dinga, ka hawlkhiat nading mun khempeuh ah mite in kihamsiatna-in a zat dingun simmawhna le zahkonate ka thuaksak dinga, amauteʼ thuakna hangin leitung gam khempeuh ka lausak ding hi.

Ezekiel 23:46

“Topa Pasian in hih bangin ci hi: Amaute lausak gawpin a nate uh a sut gawp dingin mihon khat paisak in.

Thu-hilhkikna 28:25

“Topa in na galte uh mai ah note hong guallelsak ding hi. Amaute a do dingin lam khat ah na kuan khawm ding uh a, amauʼ mai ah lam sagihin na taikeek ding uh hi. Leitung kumpi gamte khempeuhʼ muhna ah note a cikzethuai na hi ding uh hi.

Jeremiah 34:17

Tua ahih manin Topa in kong cih in ah: Mi khempeuh in na sanggam na mipihte uh khah khia loin, suahtakna pia loin ka thu hong mang lo na hih uh leh, en un, Topa in kong cih in ah, note hong khah khia-in suahtakna kong pia ta hi. Namsau tawh kithahna, pulnatna le kialpite tawh na sih nadingun note kong khah khia a, kong suaktasak hi. Leitung gam khempeuhteʼ hong lipkhap dingin kong bawl hi.

2 KUMPI NIHNATE 21:2

Topa in Israel miteʼ mai ah a hawlkhiat minamteʼ gamtatna a kihhuaite mah bangin Topaʼ muhna ah amah a sia gamta hi.

Siampi Laibu 26:33

Keimah in minam dangte lakah note kong thehthang dinga, keimah in namsau a paai panin dokin note kong delh ding hi. Na leitang uh gamkhing suak dinga, na khuapite uh a sia hi ding hi.

Kah la 1:8

A minthanna teng a bei ta hi. A guaktangin om ahih manin a maizum hi. Thumin tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

Jeremiah 9:16

Amaute le a pute a pateʼ theih ngei lohna gam dangah ka kithehthangsak dinga, a sih khit dong uh namsau ka nungdelhsak ding hi,” hong ci hi.

Thu-hilhkikna 28:64

“Topa in leimong khat panin mong khat, mi khempeuhte lakah note hong thehthang ding hi. Tua lai ah note le na pu na pate un a theih nai loh sing le suang tawh a kibawl pasian dangteʼ na na sem ding uh hi.

2 KUMPI NIHNATE 21:1

Manasseh in uk ding a kipatin kum sawm le kum nih pha a, amah in Jerusalem ah kum sawm nga le nga sung a uk hi. Ama nuʼ min Hefzibah ahi hi.

2 KHANG TANGTHU NIHNATE 33:1

Manasseh in uk ding a kipatin kum sawm le kum nih pha a, amah in Jerusalem ah kum sawm nga le nga sung uk hi.

2 KHANG TANGTHU NIHNATE 33:2

Topa in Israel minamteʼ mai ah a hawlkhiat minamteʼ zat a kihhuai gamtatnate mah bangin, Topaʼ muhna ah amah a sia gamta hi.

Ezekiel 18:19

“Ahi zongin, ‘Bang hangin a paʼ mawhna a tapa in thuak lo ding ahi hiam?’ nong ci kha ding uh hi. A tapa a hoih a manin a gamtatna hang ahi hi. Amah in ka thukhamte kemin hoihtakin zui hi. Tua ahih manin pel loin amah nungta ding hi.

2 KUMPI NIHNATE 21:15

bang hang hiam cih leh a pu a pate uh Egypt panin hong paikhiat a kipan tu ni dongin keima muhna ah a sia gamta-in kei hong hehsak uh hi,” a ci hi.