Jeremiah 15:10 - Tedim Bible Revision 2017

¹⁰ Gimna ka thuak hi; ka nu aw, gam sung khempeuh a mite tawh a kitawng a kiseel dingin kei nong suaksak hi. Ka sumte kuamah lah leitawisak loin kuama-aʼ lah leitawi la lo napi, a vekpi-un kei hong hamsiat teitei uh hi.

Tedim Bible

¹⁰ Gimna ka thuak hi, ka nu aw, gamsung khempeuh-a mite tawh kitawng kisel ding a, kei nong suahsak se se! Ka sumte kuamah lah leitawi sak loin kuama’ aa lah leitawi lo napi a vekpi-un kei hong haamsiat teitei uh hi.

Jeremiah 15:10 Referans Kwoze

Luka 6:22

“Mihing Tapaʼ hangin mite in hong mudahin hong tuam koih a, hong simmawhin migiloin hong seh ciangin thupha ngah na hi uh hi.

Paikhiatna 22:25

“Note tawh a om, a zawng keima mite khat peuhpeuh tungah sum leitawi na piak uh leh, ama tungah sum leitawi a pia pa bangin na om kei ding uh a, ama tung panin a meet na dok kei ding uh hi.

Luka 2:34

Tua ciangin Simeon in amaute thupha a piak khit ciangin naungekʼ nu Mary kiangah, “Hih naungek pen, Israel mite sungah mi tampi in siatna a ngah nading le mi tampi in hotkhiatna a ngah nading ahi hi. Mi tampi in hih naungek nial ding uh a,

Mattiu 24:9

“Tua ciangin note hong kibawlsia in hong kithat dinga, keima hangin Gentail mi khempeuh in note hong mudah ding uh hi.

Mattiu 5:44

Ahi zongin keʼn note kiangah kong genin ah: Na galte uh na it unla, no hong bawlsiate adingin thu na ngetsak un.

Jeremiah 15:20

Hih mite tungah sumngo a kibawl khua kulhpi kong bangsak dinga, amaute in a hong sim uh hangin a hong zo kei ding uh hi. Bang hang hiam cih leh a hong hon khia ding le a hong suaktasak dingin nang ka hong ompih hi, Topa in ka hong ci hi.

Paunak 26:2

Thu om lopi a hong kisamsiatna pen bangmah a hong cih thei lo, khawlna mun mel a nei lo, a leeng suk a leeng to phialphiah tawh kibang lel hi.

Late 109:28

Amaute in kei hong samsiat hangin nangmah in kei thupha nong pia ding hi. Ka langte zahhuaisak inla, na nasem pa keimah hong kipsak ta in.

Late 15:5

ama sum a meetin a kha lo, thutang mite a langpan lo, golhguk a la lo mite teeng ding uh hi. Hih bangin a gamtate pen liing ngei lo ding hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih nading, Imlahʼ tapa Mikaiah a kici mi khat om lai hi. Ahih hangin amah in keiʼ thu a hoih gen ngei loin a sia gen den ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 21:20

Ahab in Elijah a muh ciangin, “Ka galpa aw, kei hong mu na hi hiam?” a ci hi. Amah in dawngin, “Topaʼ muhna ah a sia a gamta dingin nangmah kipiatawm na hih manin nang kong mu hi.

Siampi Laibu 25:36

Na sanggampa uh no kiangah hong ten theih nadingin ama tung panin a meet a khang la kei unla, na Pasian uh zahtak un.

Sawltak 28:22

Ahi zongin tu-a nangma kipawlna miteʼ thu pen a koimah peuh ah mi khempeuh in gensia uh ahih manin nangma ngaihsutna taktak ka za nuam uh hi,” a ci uh hi.

Siampi Laibu 25:37

Note in ama tungah a meetin sum leitawi pia loin, ama tungah a meetin na an uh zong na pia kei ding uh hi.

Late 69:4

Thu om lopi-in kei a hong mudah mi, ka lu tunga samzangte sangin tam zaw uh hi. Kei a hong susia ding, zuau thu tawh a hong dote hat mahmah uh hi. Keiʼ guk lohpi keʼn loh ding ka hi hiam?

Habakkuk 1:3

Bang hangin hih bang siatnate le lungkhamnate hong musak na hi hiam? Kisuksiatna le kisuk gawpna in hong umcih a, kitotna le kiseelna, mun citeng ah om hi.