Jeremiah 15:1 - Tedim Bible Revision 2017

¹ Tua ciangin Topa in kei hong hopih a, “Moses le Samuel nangawn ka mai ah hong dingin hong thum uh zongin hih mite ka hehpih tuan kei ding hi. Ka muhna panin hawl khia unla, pai khiasak un.

Tedim Bible

¹ Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!

Jeremiah 15:1 Referans Kwoze

Ezekiel 14:14

Noah, Daniel le Job, hih mihing thumte nangawn, amauteʼ lakah a om hileh, amauteʼ hoihna in amauʼ nuntakna ciat bek mah suahtak zo ding uh hi, Topa Pasian in ci hi.

Jeremiah 14:11

Topa in kei kiangah, “Hih mite in thupha a ngah nadingin thu hong ngen nawn kei in.

Jeremiah 11:14

“Tua ahih manin Jeremiah aw, hih mite ading thu ngetsak kei inla, amauʼ tangin thumsak kei in. Bang hang hiam cih leh amaute in gim ngahin hong sap uh ciangin ka ngai kei ding hi.

Late 106:23

Tua ahih ciangin amaute a suksiatna ding a hehna panin a hei khia dingin Pasianʼ mai ah ama teelpa Moses ding hikeileh amaute ka susia ding hi, amah in ci hi.

Late 99:6

Moses le Aaron ama siampi hi uh a, amah a biate lakah Samuel zong a kihel hi. Topaʼ tungah amaute kiko uh a, amah in amaute a dawng hi.

1 SAMUEL MASA 12:23

Tua tham loin kei zong, note adingin Topaʼ tungah thunget lohna tawh ka na khial het kei dinga, keimah in a hoih a man lampite note kong hilh ding hi.

2 KUMPI NIHNATE 17:20

Tua ciangin Topa in Israel suanlekhakte khempeuh nialin amaute gimsak a, ama muhna panin amaute a paihkhiat dongin amaute a siasak migiloteʼ khut sungah amaute a pia hi.

1 SAMUEL MASA 7:9

Tua ahih ciangin Samuel in nawi a ne lai tuuno khat la-in Topaʼ tungah a bupin meihal biakna-in a pia hi. Israel-te adingin Topaʼ tungah Samuel kiko a, Topa in amah na dawng hi.

Jeremiah 52:3

Topa in Jerusalem khua mite le Judah gam mite ama kiang panin a hawl khiatna zah dong dingin a hehna a lian hi. Zedekiah in Babylon kumpipa langpan hi.

Jeremiah 23:39

keimah in note le na pu na pate uh ka piak sa khuapi ka dom to dinga, ka omna panin ka lawn khia taktak ding hi.

Jeremiah 18:20

Hoihna pen siatna tawh a kituak ding mah ahi hiam? Keimah hong siahna-in gum a to uh hi. Nangma mai ah kong dinga, amau ading thuhoih kong gen hi. Na hehna amaute tungah na tunsak loh nadingin ka hong ngetnate hong phawk in.

Jeremiah 15:19

Tua ahih manin Topa in, “Na hong kilehkik leh kong koihna ngei ah kong koihkik dinga, ka na na semkik ding hi. Thu manpha lo gen loin thu manpha bek na gen leh, ka kamsang dingin ka hong zang ding hi. Nang kiangah amaute hong pai ding uh a, nang na hih leh amauʼ kiangah na pai kei ding hi.

Paunak 14:35

A hoihin a gamta a mite tungah kumpipa lungdam a, a gina-in a gamta lote gim a pia hi.

Hebru 9:24

Tua ahih manin a lim ahi mihingteʼ bawl Siangtho Mun sungah Jesu pai lo a, vantung mahmah ah va pai-in Pasianʼ omna ah eiteʼ tangin tu-in amah a va kilaak ahi hi.

Jeremiah 35:19

Vanglian Topa, Israel miteʼ Pasian in hong cih in ah: Rekhabʼ tapa Jonadabʼ suanteʼ lak panin ka mai-a ding ka nasem ding pasal khat beek a kitasam ngei kei ding hi, hong ci hi,” ci-in ka gen hi.

Thukhente 5:9

Mite lak panin utna tawh amau a kipiatawm Israel a ukteʼ lamah ka lungsim pai hi. Topa phat un.

Piancilna 19:27

Topaʼ mai-a a dinnasa munah zingsang tungin Abraham va pai hi.

Zekhariah 3:3

Joshua ahihleh vantungmi mai ah dinga, puan a nin mahmah a silh hi.

Thu-hilhkikna 9:26

Topaʼ tungah thu ka ngen a, ‘Topa Pasian aw, nangmah in na liatna tawh na hotkhiat sa, na vangliatna tawh Egypt panin na paikhiatpih na mite le na luahte susia kei in.

1 SAMUEL MASA 12:19

Tua ciangin mi khempeuh in Samuel kiangah, “Kote ka sih loh nadingun na nasemte adingin Topaʼ tungah thu ngen in; bang hang hiam cih leh ka khialhna sate uh banah kote adingin kumpi khat ngenin ka khialhnate uh banah hih siatna ka behlap lailai uh hi,” a ci uh hi.

Jeremiah 9:19

Zion khua panin a kiza kahna awging in, “I kisia khinzo a, i zumhuai mahmah khinzo hi. Bang hang hiam cih leh amaute in i innte hong suksiatsak uh ahih manin i gam i nusia ding hi,” a ci uh hi.

Jeremiah 10:18

Bang hang hiam cih leh Topa in, “En un, tu-in hih gam sungah a teeng mite ka lawn khia dinga, a theih nadingun a tung uh ah lungkhamna ka tungsak ding hi,” a ci hi.

Jeremiah 16:5

“Bang hang hiam cih leh Topa in kong cih in ah, miʼ kahna inn sungah lut kei unla, thumin kuamah va kah se kei un. Bang hang hiam cih leh lungnopna, itna lianpi le ka hehpihna hih mite kiang panin ka la khia khinzo hi, Topa in kong ci hi.

Jeremiah 16:13

Tua ahih manin hih gam panin note le na pu na pate un na theih ngei loh uh gamah kong not khia ding hi. Tua lai ah sun le zanin pasian dangteʼ na na sem niloh ding uh hi; bang hang hiam cih leh note kong angvan nawn kei ding hi,” ci hi,’ na ci ding hi.

Jeremiah 22:28

Jehoiakhin, kuama deih loh a kipaai mang beel kitam tawh kibang ta ahi hiam? Bang hangin amah le a tate kilawn khia a, a theih loh uh gamah kipaai mang ahi hiam?

Ezekiel 22:30

Keimah in ka hehna tawh ka suksiat ding hun ciangin kulh a ciang zo ding, kulh a kicipna munah a cing zo ding le gam sung a hu zo ding mi khat amaute lakah ka zong a, ahi zongin tua bang ding mi khat beek ka mu zo kei hi.

Jeremiah 14:12

An a tan uh hangin amauʼ thumna ka ngai kei dinga, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Hosea 9:15

Topa in hih bangin gen hi: Amauʼ gamtat sia khempeuh Gilgal phual pan a kipan hi a, tua mun a kipanin amaute ka muhdah a kipan ahi hi. Amauteʼ gamtat siatna hangin gam sung panin ka hawl khia ding hi. Amaute ka it nawn kei ding hi. A uliante un kei hong langpang uh hi.