Jeremiah 14:4 - Tedim Bible Revision 2017

⁴ Lokhote lungmang uh a, a lu uh puan a khuh uh hi. Bang hang hiam cih leh guah zu lo ahih manin lei a keu gawp hi.

Tedim Bible

⁴ Lokhote a lungmang uh a, a lu uh puan a khuh uh hi. Bang hang hiam cih leh guahzu lo ahih manin lei a keugawp hi.

Jeremiah 14:4 Referans Kwoze

Joel 1:11

Lokhote aw, dah un; leenggui ciingte aw, kap un; mangbuh le mangbuhham, lo an khempeuh a bei ta hi.

Jeremiah 3:3

Tua hang mahin guahtui kikangsak a, guah nunung hong zu lo hi. Ahi zongin numei paktatte tawh a kibang hi napi-in na maizum thei kei lailai hi.

Joel 1:17

Guahtui om lo ahih manin khai kituhte khempeuh lei sungah keucip a, an khol ding bangmah om nawn lo ahih manin ansalte khempeuh a vekin kisia khinta hi.

Thu-hilhkikna 29:23

‘A gambup pen kaat le ci le nin a kaang tum, khai kituh lo, bangmah po lo, lopa zong a po zawh lohna mun Sodom le Gomorrah, Admah le Zeboiim bangin a kilawn thal gawp, a hehna le a sinsona tawh Topaʼ lot gawpte tawh kibang hi,’ ci ding uh hi.

Jeremiah 2:37

Nangmah zong tua gam panin maizumna tawh na lu tungah vut khusa-in nong paikhia ding hi; bang hang hiam cih leh p keimah Topa in na muan mite ka nial zo hi; amauteʼ hangin na gualzo ngei kei ding hi.

Amos 4:8

Dangtak manin thaneemin khuapi nih khuapi thum mite tui zong dingin a khua veengte kiangah pai uh a, ahi zongin tui dawn tawm ding nangawn a kicing om lo hi. Tua hi napi-in kei kiangah nong kihei tuan kei uh hi, Topa in ci hi.

Siampi Laibu 26:18

“Tua bang hi napi-in note in ka thu nong ngaih kei veve uh leh, keimah in na khialhna hangun a zah sagih vei-in note kong thuhilhkik dinga,