Jeremiah 14:3 - Tedim Bible Revision 2017

³ Uliante in a nasemte uh tuitawi dingin sawl uh a, tuikhuk a zuat uh leh tui na om lo hi. A beel hawm uh tawh hong kilehkik uh a, lungkhamin cih nading thei loin a lu uh puan a khuh uh hi.

Tedim Bible

³ Uliante in a nasemte uh tui tawi dingin sawl uh a, tuikhuk a zuat uh leh tui na om lo hi. A beel hawm uh tawh hong kilehkik uh a, lungkhamin cih nading thei loin a lu uh puan a khuh uh hi.

Jeremiah 14:3 Referans Kwoze

2 SAMUEL NIHNA 15:30

Ahih hangin Oliv Mual tung kah tohna ah David pai to a, khe guak le lu tuam sa-in a pai kawmin kap hi. Amah tawh a om mi khempeuh zong lu khuh sa-in a pai toh kawmun a kap uh hi.

Late 40:14

Kei a hong that nuamte zahhuaisak inla, maisiasak in. Keima siat nading a deihte nungkiksak inla minsiasak in.

2 KUMPI NIHNATE 18:31

Hezekiahʼ thu ngai kei un. Bang hang hiam cih leh Assiria kumpipa in hih bangin ci hi: ‘Kei tawh kilemna hong bawl unla, kei kiangah hong pai un. Tua hileh kei hong pai-in nomauʼ leitang tawh a kibatna mun, an le leenggahzu a omna, oliv kungte le khuaizu a omna gamah, note si loin na nuntak nadingun kong koih dong matengin note khempeuh in nomauʼ leenggah ciat ne-in, mi khempeuh in a theigah ciat uh ne ding uh a, note khempeuh in na tuinak ciat uh panin tui na tawi ding uh hi. Tua ahih ciangin amah in note kiangah, “Topa in eite hong hon khia ding hi,” ci-in note hong lamlah khialhna ah Hezekiahʼ thu ngai kei un.

Amos 4:8

Dangtak manin thaneemin khuapi nih khuapi thum mite tui zong dingin a khua veengte kiangah pai uh a, ahi zongin tui dawn tawm ding nangawn a kicing om lo hi. Tua hi napi-in kei kiangah nong kihei tuan kei uh hi, Topa in ci hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi. Nuntakna ciktui ahi keimah a hong taisan zo uh hi. Tuikhuk to tawm uh a, a tuikhuk tawh uh keu-in, tui a vung thei kei hi.

Joel 1:20

Luitui luang khempeuh kangcip khinta a, meiʼ kattum bangin lo nona khempeuh keucip khin ahih manin nangma tungah gamsate nangawn hong kiko uh hi.

Jeremiah 20:11

Ahih hangin Topa pen a kihtakhuai galhang pa bangin kei tawh hong om khawm gige hi. Tua ahih manin kei hong bawlsiate tuk ding uh a, kei hong zo lo ding uh hi. A tawntung a a mindaina uh kimangngilh ngei lo ding hi.

Jeremiah 14:4

Lokhote lungmang uh a, a lu uh puan a khuh uh hi. Bang hang hiam cih leh guah zu lo ahih manin lei a keu gawp hi.

Late 109:29

Kei hong mawhsakte in mindaina silh uh henla, puanza silh bangin amauʼ maizumna tawh kituamcip ta uh hen.

JOB (Job) 6:20

Ahi zongin tua a lametna uh ah cimawh uh hi. Tua tui zuan uh a, a om loh ciangin cih nading thei loin kam ka lel uh hi.

Esther 6:12

Tua ciangin kumpipaʼ kongpi ah Mordekai ciahkik hi. Haman ahihleh kilukhuh sa-in a thum kawmin a inn ah ciah pah vingveng hi.

1 KUMPI MASATE 17:7

Tua gam sungah guah zu lo ahih manin tawl khat khit ciangin a lui a kang hi.

2 SAMUEL NIHNA 19:4

Kumpipa in a mai khuh a, nakpi takin kap khia-in, “Aw ka tapa Absalom! Aw Absalom! Ka tapa, ka tapa!” a ci hi.

Jeremiah 2:37

Nangmah zong tua gam panin maizumna tawh na lu tungah vut khusa-in nong paikhia ding hi; bang hang hiam cih leh p keimah Topa in na muan mite ka nial zo hi; amauteʼ hangin na gualzo ngei kei ding hi.

Jeremiah 3:3

Tua hang mahin guahtui kikangsak a, guah nunung hong zu lo hi. Ahi zongin numei paktatte tawh a kibang hi napi-in na maizum thei kei lailai hi.

Jeremiah 15:18

Bang hangin ka natna dai thei lo a, ka liamna dam thei lo a, dam nuam het lo ahi hiam? Tui a kang lui tawh kibangin lungkiatna hong thuaksak ding na hi hiam, ka ci hi.

Kah la 4:4

Amaute in a ta ngeekte uh gilkial dangtakin sisak uh a, naupangnote an ngen dingin vaksak uh a, kuamah in an a pia kei hi.

Hosea 2:3

A gamtat hoih lohna a khawl kei leh, a nu sung pan a suah laitakin a guaktangin a om mah bangin, a puan teng hawk khiatsakin a guaktangin ka omsak dinga, a keu, bangmah a po zawh lohna gamlak bangin ka bawl dinga, dangtakin a si ding hi.

Zekhariah 14:17

Minam khat peuhpeuh, Vanglian Topa ahi kumpipa a bia dingin Jerusalem ah a painop kei leh amauʼ gam sungah guah zu lo ding hi.

Amos 4:7

Tua ahih manin anlak hun ding kha thum bek in a sap laitak, lo lai-a om ante in guahtui a sap mahmah laitakin guah ka zusak kei a, khuapi khat bekah zusakin a dangte ah ka zusak kei hi. Lo khat bekah guah zu a, a zuk lohna lote a keutum hi.