Jeremiah 14:16 - Tedim Bible Revision 2017

¹⁶ A hilh uh mite in zong kial le namsau thuakin amaute a kipan a zite uh, a tapate uh le a tanute uh Jerusalem khua kongzing lakah kipaithang dinga, kuamah in a vui kei ding hi. Bang hang hiam cih leh amauʼ gitlohna amauʼ tung mahah ka buak suk ding hi,” hong ci hi.

Tedim Bible

¹⁶ A hilh uh mite in zong kial leh namsau thuak-in amaute-a kipan a zite uh, a tapate uh leh a tanute uh Jerusalem khua kongzing lakah kipaaithang dinga, kuamah in a vui kei ding hi. Bang hang hiam cih leh amau’ gitlohna amau tung mahah ka buaksuk ding hi,” hong ci hi.

Jeremiah 14:16 Referans Kwoze

Jeremiah 7:33

Misi luangte huihlak a leeng vasate le leitungah a om ganhingteʼ an a suak ding uh a, tuate a delh mang ding kuamah om lo ding hi.

Paunak 1:31

na gamtatna bangun na thuak ding uh a, nomauʼ gamtatna mah in note hong gimsak ding hi.

Jeremiah 18:21

Tua ahih manin a tate uh kial tawh puksisak inla, amaute namsau-in sisak in. A zite uh ta neisak kei inla, meigong suaksak in. A pasalte uh pulnatna tawh sisak inla, a tangvalte uh gal sungah namsau tawh kithat lumsak in.

Jeremiah 16:4

Natna lian tawh si ding uh a, kuamah in kah loin kuamah in zong a vui kei ding uh hi. Leilak a ek ki-tha a bang lel ding uh hi. Namsau le kial tawh a si ding uh a, a luanghawmte uh huihlak a leeng vasate le leilak a ganhingte in a ne ding uh hi.

Mangmuhna 16:1

Tua ciangin biakinn panin awging khat in vantungmi sagihte kiangah, “Leitungah va pai unla, hai sungah a om Pasianʼ hehnate va sung khia un,” ci-in awging lianpi tawh a genna ka za hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kia khawm ding uh hi,” ci-in a dawng hi.

Jeremiah 9:22

Gamlak a ki-tha ek bangin misi luang kipaithang dinga, buhlom at sa kinusia bangin kuamah in a khawm kei ding hi, ci-in a gen dingin Topa in kei hong sawl hi,” ka ci hi.

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Jeremiah 4:18

Na lungsim le na gamtatnateʼ hangin nangʼ tungah hih thu hong tung hi. Hih pen nangma gitlohna hang hi a, na lungtang pailetin hong sun hi,” a ci hi.

Isaiah 9:16

Bang hang hiam cih leh hih minam a makaihte in lam khialsak a, amauʼ makaih mite in siatna ngah uh hi.

Isaiah 51:20

Na mite gim khin a, ngenthang sungah a awk sanang bangin lam kiu khempeuh ah amaute lum uh hi. Topa’ hehna, na Pasianʼ taina amaute in a thuak uh hi.

Jeremiah 8:1

“Tua hun ciangin, Topa in kong cih in ah, Judah gam kumpiteʼ guhte, ulianteʼ guhte, siampiteʼ guhte, kamsangteʼ guhte le Jerusalem khua miteʼ guhte a han sung uh panin kila khia ding hi.

Jeremiah 8:2

Amaute in a it uh, a na a sepsak uh, a delh uh, a zon uh le a biak uh ahi ni le kha le van a om nate khempeuh mai ah a kipho khia ding hi. Tua guhte kikhawm nawn lo dinga, kiphum nawn lo ding hi. Leilak a ek kinusia bang ahi lel ding hi.

Jeremiah 27:15

Topa in kong cih in ah, ‘Keimah in amaute ka sawl kei hi. Ahih hangin amaute in keiʼ min tawh a man lopi-in thu hilh uh a, tua hangin note le noteʼ kiangah thu hong hilh kamsangte kong sawl khia khawm dinga, na si ding uh hi,’ ci hi,” ci-in ka gen hi.

Ezekiel 39:14

Kha sagih a cin khit ciangin, a gam sungteng uh a siangthosak theih nadingun a kimangngilh kha si luang hawmte zongin a phum dingin gam sungteng a zong kawikawi ding mi pawl khat a seh ding uh hi.

Amos 7:17

Amaziah aw, tua bangin kampau na hih manin Topa in nang kiangah, ‘Na zi pen khua sungah numei paktat suak dinga, gal sungah na tate si ding uh hi. Na gam kiphelkhamin midang tungah kipia dinga, lawkiteʼ gam sungah nang na si ding hi. Israel mite, galmatin kipaipih ding hi,’ ci hi,” a ci hi.

Jeremiah 9:20

Tua ciangin keimah in, “No numeite aw, Topaʼ kammal ngai dih un. A kam pan a hong ging khia thu na bil uh ah lutsak un. Na tanute uh a kah dan ding hilh unla, na inn veengte ciat uh kah la hilh un.

Jeremiah 20:6

Pashhur aw, nang le na inn sung uh a omte khempeuh sal dingin Babylon khua ah na pai ding uh a, tua lai munah nang na si ding hi. Nang a kipan a man lopi a na thuhilh a ngai na lawmte khempeuh hong kivui ding uh hi,” a ci hi.