Jeremiah 13:21 - Tedim Bible Revision 2017

²¹ Nangma lawm dingin na bawl mite teekteek in nang hong uk ni ciangin bang na ci ding hiam? Numei nausuakte in na a sak velval uh bangin nang zong na na sa ding hi.

Tedim Bible

²¹ Nangma’ lawm ding a, na bawl mite teekteek in nang hong uk ni ciangin bang na ci ding hiam? Numei nau suakte in na a sak uh bangin nang zong na na sa ding hi.

Jeremiah 13:21 Referans Kwoze

Isaiah 13:8

Amaute in gim mahmahna le nat velvalna thuak ding uh a, numei nausuak ding bangin na sa ding uh hi. Amaute khatlekhat lamdangsakna tawh ki-en ding uh a, a maitangte un gimna mel pua ding hi.

Jeremiah 4:31

Nau a suak ding numei a kiko bang khat ka za a, tacil a suak numeiʼ tauna tawh kibang hi. Zionʼ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

Jeremiah 38:22

En in, Judah kumpipaʼ inn sungah a kinusia numei khempeuh Babylon kumpipaʼ uliante kiangah kipaipih a, tua numeite in Zedekiah kiangah, ‘Na lawm muante in nang hong khem uh a, nang hong zo ta uh hi. Buan sungah na khe tum ahih manin nang hong nungngat ta uh hi,’ ci-in a gen uh hi.

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Isaiah 10:3

Gimpiak ni hun, gamlapi panin huihpi hong nun ciangin note in bang cih ding na hi uh hiam? Huhna ngenin kua kiangah tai dinga, na neihsa uh koi lai ah koih ding na hi uh hiam?

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

Ezekiel 28:9

Nang a hong that ding a hong kuan ciangun, kei pasian bang hi ing, na ci lailai diam? Nang hong thatte na tuah ciangin mihing na hih lelna hong kilang ding hi.

Jeremiah 48:41

A khuapite kila-in a kulhpite zong kila ding hi. Tua ni ciangin Moab galkapte nupi nausuak ding bangin a lau ding uh hi.

Jeremiah 30:6

Tu-in ngaihsun dih un. Pasalte nau a suak ngei uh hiam? Tua ahihleh bang hangin pasal khempeuh in numei nausuak dingte bangin a tai uh hum ahi uh hiam? Bang hangin a mai uh ah si teeng lo ahi hiam?

Jeremiah 22:23

Lebanon gam panin a kila taamtak inn sungah nuam takin na teeng uh hi. Ahih hangin gimna hong tun ciangin bangzah takin na tau ding uh hiam? Numei nausuak dingte tawh na kibang ding uh hi.

Jeremiah 6:24

Tua thu i za a, bangmah i cih thei kei hi. Lungkhamna in hong lencip a, nupi nausuak ding bangin na i sa hi.

Isaiah 21:3

Tua ahih ciangin ka kawng na a, nausuak numei in na a sak bangin na ka sa hi. Khua a za thei lo zah dongin a kuncipin ka om a, khua a mu thei lo zah dongin lungkia-in ka om hi.

2 KUMPI NIHNATE 16:7

Tua ciangin Ahaz in Assiria kumpi Tiglath-pileser kiangah kamtaite sawlin, “Kei pen na nasem pa le na tapa ka hi hi. Hong kuan to inla, keimah a hong sim Syria kumpipa le Israel kumpipa kiang panin kei hong hon khia in,” a ci hi.

Mattiu 24:8

Hihte khempeuh pen gimna kipat nading hi pan hi.

Jeremiah 2:25

Na khe guakin lam pai kei inla, na dang taaksak kei in, kong cih hangin, nangmah in, ‘Bang phamawh ahi hiam? Gamdang pasian-te ka it a, amauʼ nung ka zui ding hi,’ na ci hi.

Jeremiah 4:30

Jerusalem khuapi aw, a siacip ding na hi ta hi. Puansan silhin kham tawh na kizep liatluat hangin, na mitte zemin na golsak hangin, a mawkna-in a kizem na hi ta hi. Na lawm ngaihte in nang hong nusia ta uh a, tu-in hong that nuam ta uh hi.