Jeremiah 13:18 - Tedim Bible Revision 2017

¹⁸ Topa in kei kiangah, “Kumpipa le a nu kiangah, ‘Na kumpi tokhomte tung panun hong tuak suk un. Bang hang hiam cih leh na kumpi lukhute uh na lu tung uh panin kia khinzo hi,’ va ci in.

Tedim Bible

¹⁸ Kumpipa leh a nu’ kiangah, “Na kumpi tokhomte tung panin hong tuaksuk un, bang hang hiam cih leh na kumpi lukhute uh na lu tung pan-un kiakhin zo hi,” va ci un.

Jeremiah 13:18 Referans Kwoze

Jeremiah 22:26

Nangmah le nang hong paii na nu, na suahna mun uh ahi lo gam dangah kong lawn khia dinga, tua laitak ah na si ding uh hi.

2 KUMPI NIHNATE 24:12

Tua ciangin Judah kumpipa Jehoiakhin in Babylon kumpipa tungah amah a kipan, ama nu, a nasemte, a uliante le a kumpi inn-a zaneite a kipia hi. Topa in a gen kholh sa bangin Babylon kumpipa in ama uk a kum giatna kumin thongkia-in amah la a, Topaʼ biakinn-a van manpha khempeuh pua khia-in, Kumpi Solomon in a bawl sa, Topaʼ biakinn sunga kham nazat khempeuh a satnen hi.

2 KUMPI NIHNATE 24:15

Amah in Babylon ah Jehoiakhin a ciahpih hi. Kumpipaʼ nu, kumpipaʼ zite, ama nuai ah a zaneite le tua gam sung ukpite, Jerusalem panin Babylon ah galmatin a la hi.

2 KHANG TANGTHU NIHNATE 33:19

Tua ciangin ama thungetna le ama kutna Pasian in a sanna le ama khialhna le a cihtak lohna khempeuh le amah a kiniamkhiat ma-in mual dawna biakpiaknate bawlin Asherah-te le milim dangte a koihna munte thu, Thumuteʼ Khang Tangthu sungah kigelh hi.

Isaiah 47:1

Nungak a bang Babylon aw, hong pai suk inla, leivui lakah tu in. Nungak a bang Khaldea aw, tokhom om lohna leilak ah hong tu suk in! Bang hang hiam cih leh nang pen a moi milmel, a ngeek dikdek, hong kici nawn lo ding hi.

2 KHANG TANGTHU NIHNATE 33:12

Amah a lungkham ciangin Topa a Pasian kunh-in a pu a pateʼ Pasianʼ mai ah nakpi takin a mahmah kiniamkhiat hi.

1 PETER MASA 5:6

Pasian in ama hoihsak hun ciangin note hong lap toh theih nadingin a thahat Pasianʼ khutnuai ah kiniamkhiatin na om un.

Jeim 4:10

Topa mai ah kiniamkhiat un. Tua hileh amah in hong lian bawl ding hi.

Mattiu 18:4

Hih naupang bangin a kiniamkhiat mite, vantung ki-ukna sungah a lianpen hi ding hi.

Jonah 3:6

Nineveh khua kumpipa in tua thu a zak ciangin a kumpi tokhom tung pan ding khia-in a kumpi puan suah khia a, puanhampi silhin vut lakah a tu hi.

Isaiah 3:26

Khuapi kongpi tau-in thum ding hi. Khuapi, gamkhing suak dinga, a guaktang a om nupi leilak ah a tucip tawh kibang ding hi.

2 KHANG TANGTHU NIHNATE 33:23

A pa Manasseh a kiniamkhiat bangin Topaʼ mai ah amah kiniamkhiat lo a, hih Amon in mawhna tam piangsak semsem hi.

Paikhiatna 10:3

Tua ahih ciangin Faroʼ kiangah Moses le Aaron pai-in ama kiangah, “Hebru miteʼ Pasian, Topa in hih bangin ci hi: ‘Ka mai ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

Kah la 2:10

Jerusalem puteekte pau loin leilak ah tu uh a, dahna lim lahna-in puanhampi silhin a lu zang uh leivui a buak uh hi. Jerusalem nungaknote a kun ngelhngalh uh hi.

Paikhiatna 39:28

le khau hoih tawh a kigan dialpi le khau hoih tawh a kigan lukhute, a kopin a kikhuk a kigan puan hoihte tawh a kibawl pheituam hoihte,

Paunak 27:24

Bang hang hiam cih leh neihsa kip tawntung lo a, hauhna pen a khangkhangin kizom suak lo hi.

Isaiah 3:20

lukhute, banbulhte, kawngtente, paknamtui bungte le a kivom aite;

Jeremiah 29:2

Tua hunin kumpi Jehoiakhin le a nu, a kumpi innsung maangte, Judah gam le Jerusalem khua-a makai upate, khutsiamte le sikseekte, Jerusalem khua panin kipaikhiat pih khinzo hi.

Jeremiah 36:16

Tua thute khempeuh a zak khit uh ciangin lau-in khatlekhat ki-en gapgap uh a, Baruk kiangah, “Hih thute khempeuh kumpipa kiangah i koh kul ding hi,” a ci uh hi.

Kah la 1:6

Jerusalem a minthanna teng a maimang zo ta hi. A makaite uh, lo nona mun mu loin a vak kawikawi, sabengte a muh ciangin tailah pi-in a tai teitei sazuk tawh kibang hi.

Kah la 1:9

A kihhuaina teng kimu khia pah hi napi, gimna thuak ding ahih lam a awlmawh tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Kah la 5:16

Kisaktheih nading bangmah om nawn lo a, mawh ihih manin gimna a thuak ihi hi.

Ezekiel 16:12

Nakbahte, bilbahte le na khuk ding kumpi lukhu hoih kong guan hi.

Ezekiel 21:26

Topa Pasian in hih bangin ci hi: Na kumpi lukhu le na dialkhip la khia in. Nidang bang nawn lo ding hi. Mi neute hong lian dinga, mi liante hong neu ta ding hi.

Ezekiel 24:17

Miteʼ zakin zong na kidik kei dinga, dahna limin lukhu khu lo, khedap bulh lo, cih bangin zong na om kei ding hi. Na mai zong na khuh kei dinga, a dahteʼ annekte pawl zong na ne kei ding hi,” a hong ci hi.

Ezekiel 24:23

Lukhu khu-in khedap na bulh ding uh a, thum lo, tau loin na om ding uh hi. Noteʼ gitlohna hangin note maimangin, a tau khawm litlit ding na hi uh hi.

Ezekiel 44:18

Amaute in saihadial puan khimin, saihadial puan teengin, khua-ul a suaksak thei kawnggak gak lo ding uh hi.

Daniel 5:20

Ahih hangin amah a lung khauhin kiphasak a, gilo lua ahih manin a kumpi tokhom panin kila khia a, a minthanna a taan hi.

Jeremiah 22:24

Topa in Jehoiakim tapa Judah kumpipa Jehoiakhin tungah, “Kei a nungta Pasian ka hih mah bangin, nangmah in ka taklam khut ah a om ka letmatthuhna tawh a kibang na hih hangin nang kong la khia dinga,