Jeremiah 13:17 - Tedim Bible Revision 2017

¹⁷ Ahih hangin ka thu nong ngaih kei uh leh na kisaktheihna uh hangin ka kap sim dinga, khitui luangin nakpi takin ka kidik ding hi. Bang hang hiam cih leh Topaʼ tuuhonte sal dingin kikai khia zo hi.

Tedim Bible

¹⁷ Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

Jeremiah 13:17 Referans Kwoze

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak dinga, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsak zo hi.

Jeremiah 14:17

Tua ciangin Topa in kei tungah thu hong gen a, “Jeremiah aw, amaute kiangah, ‘Sun le zanin ka khitui luangluang henla, kang ngei kei tahen. Bang hang hiam cih leh keima mite in nakpi takin liamna thuak uh a, nakpi takin a kisat uh hi.

Jeremiah 9:1

Ka lutang tuikhuk hong hi thei henla, ka mitte khitui nak hong hi thei leh ka miteʼ kithah lupna hangin a sun a zanin ka kapkap ding hi.

Late 80:1

Tuu hon bangin Josef a paipih, Israel Tuucingpa aw, ngai in! Kherub tungah a tupa aw,

Ezekiel 34:31

“No ka ta ahi tuute aw, an ka hong vak tuu hon ahi keima mite na hi uh a, kei pen noteʼ Pasian ka hi hi. Topa Pasian ahi keimah in hih thu kong gen khin hi,” hong ci hi.

Kah la 2:18

Jerusalem aw, na kulhpite mahmah Topa tungah kikosak in! Sun le zanin na khitui gun tui luang bangsak in. Dahna le kahna tawh na hun beisak in.

Kah la 1:16

Tua ahih manin ka mit pan khitui a dimletin a luang hi. Hong hehnem ding le a hong hanthawn ding kuamah om lo hi. Galte in hong zo khin a, ka mite a cimawh uh hi.

Late 119:136

Mite in nangma thu zui lo uh ahih manin ka khitui hawk luanin a luang hi.

1 SAMUEL MASA 15:35

Samuel in ama sih ni dong Saul mukik lo a, ahih hangin Saulʼ hangin Samuel a dah hi. Israel-te tungah kumpi-in Saul a koih manin Topa kisik hi.

Ezekiel 36:38

Tuhunin a sia-in a omcip khuapite pen a kiseh pawi hun ciangin biak nadingin a kipaipih, Jerusalem-a tuuhonpi om muamua bangin, mi tampi tawh kidim ding uh hi. Tua ciangin Topa ka hihna thu hong thei ding uh hi,” hong ci hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawlpihte khempeuh in amah khemin, tu-in a langpan khinta uh hi.

Jeremiah 23:1

Topa in thu gen a, “Ka mite sisakin, a kikhenthangsak gam ukte in gimna ngah tahen!” a ci hi.

Jeremiah 22:5

Ahih hangin note in hih thute na zuih kei uh leh keimah Topa in kong genin ah, hih inn gamlak a suaksak dingin ka kiciam hi.

Jeremiah 17:16

Ahih hangin amaute tungah gimna na tunsak ding kong ngen kei a, siatna ni hong tun ding ka deihsak loh lam zong na hong thei hi. Ka kam panin a ging khia thu khempeuh na thei khin hi.

Isaiah 63:11

Tua ciangin amaute in hun lui lai, ama nasem Mosesʼ hun a phawk uh hi. Ama mi a makaite hon khia-in, tuipi sung panin a paikhiatpih Topa koi ah om ta ahi hiam? Amauteʼ tungah ama kha a pia pa,

1 SAMUEL MASA 15:11

“Kumpi-in Saul ka koih ka kisik hi. Bang hang hiam cih leh amah pen keimah zuihna panin kiheikik a, ka thupiaknate sem lo hi,” a ci hi. Tua ciangin Samuel heh hi; zan tawntung Topaʼ tungah kiko hi.

Jeremiah 15:17

Mi gualnuam mawkmawkte tawh ka kikhawl kei a, zong ka lungdam khawm kei hi. Nangma thu kong manna hangin kei tangkai ka hih manin a hehin ka om den hi.

Jeremiah 23:2

Tua ahih manin ka mipihte a kem gam ukte tawh kisai-in Topa, Israel miteʼ Pasian in hong genin ah, “Note in ka mite kikhenthang sakin na hawl khia mang uh a, amaute na don kei uh hi. En un, Topa in kong cih in ah, na gamtat siate uh hangin gim kong pia ding hi.

Kah la 1:9

A kihhuaina teng kimu khia pah hi napi, gimna thuak ding ahih lam a awlmawh tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Ezekiel 9:4

“Jerusalem khua sung khempeuh ah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhteʼ taltang ah ciaptehna va bawl in,” ci-in a sawl hi.

Ezekiel 24:16

“Mihing ahi Ezekiel aw, na it penpen mi khat thakhatin a hong laksak ding ka hi hi. Na thum na tau kei dinga, zong kap loin, na khitui zong na luangsak kei ding hi.

Kah la 3:48

Ka mite a kisiat manin ka khitui hawktui luang a bang hi.