Jeremiah 13:15 - Tedim Bible Revision 2017

¹⁵ Ngai-in na bil uh ngat un; kisathei kei un. Bang hang hiam cih leh Topa in thu a gen zo hi.

Tedim Bible

¹⁵ Ngai un la, na bil uh ngat un; kisathei kei un, bang hang hiam cih leh Topa in thu a gen zo hi.

Jeremiah 13:15 Referans Kwoze

Mangmuhna 2:29

Tua ahih manin zak nading bil a neite in Kha Siangtho in pawlpite kiangah a gen thute na za un.

Jeim 4:10

Topa mai ah kiniamkhiat un. Tua hileh amah in hong lian bawl ding hi.

Amos 7:15

Ka tuucinna panin Topa in kei hong sam khia a, ama mi Israel-te tungah thugen dingin a hong sawl hi.

Joel 1:2

No khangham zaw diakte aw, ngai un; Judah gam mi khempeuh aw, na bil uh ngat un. Noteʼ khan sung ahi a, na pu na pate uh khan sung ahi zongin, hih bang thu piang ngei peuhmah ahi hiam?

Jeremiah 26:15

Kei nong thah uh leh bel, mawhnei lo mi khat na thah manun note mahmah a kipan hih khuapi le a sunga teengte in na thuak ding uh thei ta un. Bang hang hiam cih leh noteʼ bil mahmah in na zak dingun hih thute a gen dingin Topaʼ hong sawl taktak ka hi hi,” a ci hi.

Isaiah 42:23

Note lakah khat peuhpeuh in hih thu na ngai ding uh hiam? Tu a kipanin limtakin na ngai ding uh hiam?

Paunak 16:5

Topa in a kihisak mite mudah a, amaute in gimna thuak hamtang uh hi.

Jeremiah 13:9

“Topa in kong cih in ah, hih bangmahin Judah miteʼ kisaktheihna le Jerusalem khuateʼ ki-uatsaknate ka susia ding hi.

Isaiah 1:2

Vantungte aw, na za un; leitung aw, na ngai in; bang hang hiam cih leh Topa in thu hong gen khinzo a, “Ka pattah sa ka tate in kei hong lehdo uh hi.