Jeremiah 13:14 - Tedim Bible Revision 2017

¹⁴ Pate le tate a kipan amaute khatlekhat ka kiphusak dinga, Topa in kong cih in ah, hehpih lo, lainat lo, it loin ka sisak ding hi, ci hi,’ va ci in,” hong ci hi.

Tedim Bible

¹⁴ Pate leh tate-a kipan amaute khat leh khat ka kiphusak ding a, Topa in kong cih-inah, hehpih lo, dawm lo, it loin ka siasak ding hi, a ci hi,’ va ci in.”

Jeremiah 13:14 Referans Kwoze

Thu-hilhkikna 29:20

Topa in amah maisak lo dinga, Topaʼ hehna le hazatna meikhu bangin tua mipaʼ lang khat ah khu zaw-in, hih laibu sunga kigelh samsiatnate ama tungah tu dinga, Topa in a mun khempeuh panin ama min phiat ding hi.

Late 2:9

Sik tawn khat tawh amaute na satkham dinga, beelseek pa in beel a den khap bangin leilak ah amaute na deng zan ding hi,” hong ci hi.

Jeremiah 21:7

Tua khit ciangin, Topa in kong cih in ah, Judah kumpipa Zedekiah le a nasemte le pulnatna, namsau le kialin a si lo a nungta lai teng pen, amauʼ galte le amaute a that nuam Babylon kumpipa Nebukhadnezzarʼ khut sungah ka pia ding hi. Amah in amaute namsau tawh that dinga, hehpih loin, zong a maap kei dinga, itna lungsim a nei kei ding hi,’ va ci un,” a ci hi.

Jeremiah 6:21

Tua ahih manin Topa in kong cih in ah: En un, hih mite a puk nadingin a mai uh ah suangtum ka koih dinga, pate le tate, inn veengte le lawmte pukin a si ding uh hi,” a ci hi.

Isaiah 27:11

A hiangte a keu ciangin kitan hi. Nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo dinga, amaute a piangsak pa in amaute tungah maipha lak lo ding hi.

Marka 13:12

Unau khatlekhat a sih nadingun kikhia ding uh a, pa in a ta khia-in, ta in a nu le a pate khia-in a thatsak ding uh hi.

Mattiu 10:21

Unau le unau, pa in a ta, tate in a nu a pate langpangin sihna a thuak dingin khatlekhat kiheek ding uh hi.

Ezekiel 24:14

Topa ahi keimah in thu ka gen khin hi. Tu-in ka gamtat hun ding hong tung ta hi. Kong kiphawkmawh bawl nawn kei dinga, ki-ip nawn loin, zong kong khasiat ngaihsut kei ding hi. Na gamtatna bangin gim hong kipia ding hi, Topa Pasian in ci hi,” a hong ci hi.

Ezekiel 9:10

Tua ahih manin amaute ka zah kei dinga, kuamah ka khasiat kei ding hi. Amauteʼ gamtatna, amauteʼ tung mah ka tusak ding hi,” hong ci hi.

Ezekiel 9:5

Tua ciangin Pasian in a midangte kiangah, “Khua sung khempeuh ah amah va zui unla, mi va that un. Kuamah hinkhawi kei unla, kuamah khasiat kei un.

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amauteʼ thungetna ka ngai kei ding hi,” a hong ci hi.

Ezekiel 7:9

Note kong zah kei dinga, zong kong khasiat kei ding hi. A muhdahhuai na gamtatna sate uh hangin gim a hong pia ding ka hi hi. Tua ciangin Topa ka hihna le note tungah gim a hong pia pa ka hihna na thei ding uh hi.

Ezekiel 7:4

Note kong zah kei dinga, zong kong khasiat kei ding hi. A muhdahhuai na gamtatna sate uh tawh kizui-in gim kong pia dinga, tua ciangin Topa ka hih lamtak na hong thei ding uh hi,” a hong ci hi.

Jeremiah 48:12

“Tua ahih manin en un, Topa in kong cih in ah, Moab mite leenggahzu buak bangin a bua khia ding mi kong paisak hun hong tung ding hi. Amaute in a thawl a hawm dong bung khia-in, tua khit ciangin a thawl sukham zan ding uh hi.

Jeremiah 47:3

Sakol khegingte za-in, sakol leeng gingte le a pei kigawite a zak uh ciangin, a khut uh zaw lua ta ahih manin pate in a tate uh a don zo nawn kei ding uh hi.

Jeremiah 16:5

“Bang hang hiam cih leh Topa in kong cih in ah, miʼ kahna inn sungah lut kei unla, thumin kuamah va kah se kei un. Bang hang hiam cih leh lungnopna, itna lianpi le ka hehpihna hih mite kiang panin ka la khia khinzo hi, Topa in kong ci hi.

2 KHANG TANGTHU NIHNATE 20:23

Bang hang hiam cih leh Ammon mite le Moab mite in Seir Mual a, a teengte a do dingin kipanin amaute susia mang uh a, Seir-a a teengte a beisak khit uh ciangin amaute khatlekhat kisusia uh hi.

1 SAMUEL MASA 14:16

Benjamin-teʼ gam sunga Gibeah-a Saulʼ galvilte in a et uh ciangin hih lam hua lamah mihonte a kikhiin muaimuai a mu uh hi.

JOB (Job) 27:22

Amaute a suahtak theih nading a hanciam tantan kimlai mah, hehpih ngaihsut het loin leen khia mang ding hi.

Jeremiah 15:5

“Kua in nang hong hehpih ding ahi hiam? Jerusalem aw, kua in nang hong kah ding ahi hiam? Kua, hong lambaangin, damlenat kitheihsakna-in hong hawh ding ahi hiam?

Kah la 2:21

Khangno le khanghamte kongzing tengah si uh hi. Galte in nungak le tangvalte namsau tawh a that lum uh hi. Amaute hehpih loin na heh ni-in na that lumsak hi.

Hosea 2:4

Ama tate, paktatna panin a piang tate ahih manin, tua a tate zong ka hehpih kei ding hi.

Zekhariah 11:6

Tua ahih ciangin hih gamah a teeng mite ka hehpih nawn kei ding hi. Amaute a ukpa le a kumpipaʼ khutnuai ah mi khempeuh ka koih ding hi. Gam uk mite in gam sungteng susia gawp dinga, amauʼ suksiatna panin kuamah ka hon khia kei ding hi,” hong ci hi.

Jeremiah 15:6

Nangmah in kei nong taisan zo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ip zo nawn kei hi.

Jeremiah 25:16

Amaute in dawn ding uh a, amauteʼ kiang a ka sawl namsau hangin hoi dangdangin a hai lawh ding uh hi,” hong ci hi.

Ezekiel 7:3

Israel-te aw, tu-in na bei nading uh hong tung ta a, note in ka hehna tu-in na thuak ta ding uh hi. Na gamtatna sa uh tawh kizui-in thu kong khen dinga, na gamtat siatna uh tawh kizui-in gim kong pia ding hi.