Jeremiah 13:13 - Tedim Bible Revision 2017

¹³ Tua ciangin nangmah in amaute kiangah, ‘Topa in hong cih in ah: En un, Davidʼ tokhom tungah a tu kumpite, siampite, kamsangte le Jerusalem khua-a a teeng mi khempeuh a kipan gam sungah a om mi khempeuh zu tawh kidimsakin ka khamsak ding hi.

Tedim Bible

¹³ Tua ciangin nangmah in amaute kiangah, ‘Topa in hong cih-inah, En un, David’ tokhom tung-a tu kumpite, siampite, kamsangte leh Jerusalem khua-a teeng mi khempeuh-a kipan gamsunga om mite khempeuh zu tawh kidim sakin ka khamsak ding hi.

Jeremiah 13:13 Referans Kwoze

Isaiah 63:6

Ka sinsona tawh minam dangte cilin, ka hehna hangin amaute zukham ka bangsak a, amauteʼ sisan leilak ah ka thehthang hi.

Isaiah 51:17

Topa’ khut sung panin ama gimpiakna hai a dawn khin, hoina haipi a tawdat dongin a dawn khin Jerusalem aw, nangmah kisosuah tawm in. Nangmah kihanthawn tawm inla, ding tang to in.

Late 75:8

Bang hang hiam cih leh Topaʼ khut sungah leenggahzu a phuan, a kihelkim ngingei hai khat om a, amah in tua sung panin hong bung khia dinga, leitung migilo khempeuh in a tawdat dong takin a liaktum ding uh hi.

Late 60:3

Nangmah in na mite a haksa na thuaksak khin hi. Ka dawn dingun ko a hong hoisak leenggahzu na hong pia khin hi.

Habakkuk 2:16

Tua ahih manin note in zong minthanna ngah loin maizumin mindaina tawh na kidiah ding uh hi. Note mahmah in na hoi dongun na dawn ding uh hi. Topa in gimpiakna hai, note hong dawnsak dinga, na minthanna uh mindaina a suak ding hi.

Jeremiah 51:7

Babylon khuapi, Topaʼ khut sungah a om kham hai tawh kibang a, leitung buppi zu a khamsak hi. Gamdangte in a zu a dawn manun a hai khin uh hi.

Jeremiah 25:27

Tua ciangin Topa in hong hopih a, “Amaute kiangah, Vanglian Topa, Israel miteʼ Pasian in hih bangin ci hi: ‘Dawn un. Kham unla lua un. Note kiangah namsau hong paisak ding ka hih manin tuk unla, tho zo nawn kei un,’ va ci in.

Isaiah 49:26

Nang hong nengniam mite pen amauʼ satak mah ka nesak dinga, zukham bangin amauʼ si mah a kham ding uh hi. Tua ciangin kei pen Jakobʼ Vanglian Pa, nang hong Tan khia pa, nang hong Hon Topa ka hihna mi khempeuh in hong thei ding uh hi,” a ci hi.

Jeremiah 51:57

A kumpi uliante le a mipilte uh a kipan ukpite, uliante le galkapte, zu ka khamsak dinga, a tawntungin ihmu-in a khanglo nawn kei ding uh hi, ci-in Vanglian Topa a kici kumpipa in kong gen hi.

Isaiah 51:21

Tua ahih ciangin gimna a thuak, zu ne lopi-in zukham a bang note in hih thu za un.

Isaiah 29:9

Lamdang kisasak unla lamdang a sa hi un! Kimittawsak unla a mittaw hi un! Leenggahzu a dawn lopi-in a zukham hi unla, khamtheih zu a ne lopi-in hoi un!

Jeremiah 13:12

Topa Pasian in kei kiangah, “Jeremiah aw, amauʼ kiangah, ‘Topa, Israel miteʼ Pasian in a hong genin ah, “Zu beel khempeuh leenggahzu tawh a kidim ding hi,” hong ci hi,’ va ci in. Amaute in nang kiangah, ‘Beel khempeuh leenggahzu tawh kidim ding cih kote in thei lo ka hi uh hiam?’ hong cikik ding uh hi.

Jeremiah 25:29

Bang hang hiam cih leh en un, ka min tawh a kilo khuapi sungah suksiatna ka pan ding hi. Note in bangmah a thuak lo ding kisa na hi uh hiam? Gim thuak loin na om kei ding uh hi; bang hang hiam cih leh Vanglian Topa in kong cih in ah, leitung a teeng mite khempeuh a that dingin namsau khat ka sawl hi,’ ci in.