Jeremiah 13:11 - Tedim Bible Revision 2017

¹¹ Bang hang hiam cih leh dialkaih, miteʼ kawng tungah a belh cinten mah bangin Israel mi khempeuh le Judah mi khempeuh keiʼ tungah a hong belh cinten dingin ka bawl hi. Tua hileh amaute ka mi hi ding uh a, ka minthanna, ka hoihna le ka vangliatna ding ahi ding uh hi. Ahih hangin amaute in ka thu hong mang lo uh hi, Topa in kong ci hi,” hong ci hi.

Tedim Bible

¹¹ Bang hang hiam cih leh dialkaih in mite’ kawng tungah a belh cinten mah bangin Israel mi khempeuh leh Judah mi khempeuh kei tungah hong belh cinten dingin ka bawl hi. Tua hi leh amaute ka mi ahi ding uh a, ka minthan’na, ka hoihna leh ka vangliatna ding ahi ding uh hi. Ahih hangin amau in ka thu hong mang lo uh hi, Topa in kong ci hi,” hong ci hi.

Jeremiah 13:11 Referans Kwoze

Jeremiah 33:9

Jerusalem khuapi pen kei adingin lungdamna, minphatna le minthanna ahi hi. A sunga om mite tungah hoihna le hauhna ka tunsakna thu a za minam dangte lau-in a liing ding uh hi.

Late 81:11

“Ahih hangin ka mite in keima thu hong ngai lo uh a, Israel-te in keima thu themkha zong zui lo uh hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Jeremiah 32:20

Egypt gamah lim le nalamdangte na lak a, tu-in zong Israel gam le minam dangte khempeuh tungah lakin, tu-in mun khempeuh ah na min thang mahmah hi.

Jeremiah 13:10

Ka thu hong ngai nuam loin amauʼ ngaihsutna bang bekin a pai tentan nuam, pasian dangteʼ na a sem ding le a bia dingin a nung a zui hih migilote pen zat theih ding ahi nawn lo, hih dialkaih bang ahi ding uh hi.

Jeremiah 7:26

ahih hangin amau in ka kamsangteʼ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a sia zaw uh hi.

Jeremiah 6:17

Topa in, “Peengkul tumna awging a ngai dingin ‘Galvil ding mi ka koih hi,’ kong ci hi,” a ci hi. Ahih hangin amaute in, “Ka ngai kei ding uh hi,” a ci uh hi.

Isaiah 62:12

Amaute pen A Siangtho Mi, Topa’ Hotkhiatte kici dinga, nang pen A kizong khia, a kinusia lo khuapi, hong kici ding hi.

Late 147:20

Amah in tua bangin minam dang khat peuhpeuh tungah bawl ngei lo hi. Amaute in amah biakna ngeina kipte thei lo uh hi. Topa phat un.

Late 135:4

Bang hang hiam cih leh Topa in ama adingin Jakob teel a, ama neihsa dingin Israel teel khinta hi.

Thu-hilhkikna 26:18

Tu ni-in Topa in note pen amah in note tungah hong ciam sa bangin ama neih ding mi na hihna uh le note in ama thupiaknate khempeuh na zuih nading uh,

Thu-hilhkikna 4:7

“Bang hang hiam cih leh eite in Topa i sap hun simin eiteʼ kiangah i Pasian hong nai zahin tua bang pasian a nei minam lian koi ah om ahi hiam?

Luka 10:11

‘Na khua sung uh a leivui, ka khe tung uh ah a hong baangte nangawn, note hilhkholhna in ka nul khia uh hi. Ahi zongin Pasianʼ Uk nading hun a hong naina thu thei ta un,’ ci-in gen un.

Jeremiah 7:13

Tu-in zong hih nate khempeuh na hih uh a, kong gengen hangin hong ngai tuan loin kong sapsap hangin hong dawng lo na hih manun Topa in kong cih in ah,

Jeremiah 7:23

Ahih hangin, ‘Ka thu hong mang un; tua hileh noteʼ Pasian ka hi dinga, note pen ka mite na hi ding uh hi. Note adingin a hoih zawk nadingin na khempeuh ah kong thupiak bang na zui un,’ ci-in thu ka pia zaw hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amauʼ gitlohna lungsim uh zui-in amauʼ thuthu-in a om zaw uh a, mainawt loin a nungkin zaw uh hi.

Jeremiah 13:1

Topa in kei tungah, “Pai inla patpuan dialkaih khat na lei khit ciangin kawtsak loin teeng in,” hong ci hi.

Jeremiah 13:12

Topa Pasian in kei kiangah, “Jeremiah aw, amauʼ kiangah, ‘Topa, Israel miteʼ Pasian in a hong genin ah, “Zu beel khempeuh leenggahzu tawh a kidim ding hi,” hong ci hi,’ va ci in. Amaute in nang kiangah, ‘Beel khempeuh leenggahzu tawh kidim ding cih kote in thei lo ka hi uh hiam?’ hong cikik ding uh hi.

Amos 3:1

Israel mite aw, noteʼ lang khat a Topaʼ thugen, hih thu limtakin ngai un: Egypt gam panin na minam bupun note kong paikhiatpih hi.

Thu-hilhkikna 26:19

ama bawl sa minam dangte khempeuh sangin phatna le minthanna le pahtawina a lian zaw a ngahin hong koih nading le ama gen sa mah bangin Topa noteʼ Pasian adingin a siangtho mi na hih nading uh hong gen khin hi,” a ci hi.

Jeremiah 19:15

“Vanglian Topa, Israel miteʼ Pasian in a cih in ah: En un, hih khuapi le a kiim a khuaneute tungah ka gen sa siatna khempeuh ka tungsak ding hi. Bang hang hiam cih leh amaute in a lungsim uh khauhsak uh a, ka thute a ngai nuam kei uh hi, ci hi,” ka ci hi.