Jeremiah 12:9 - Tedim Bible Revision 2017

⁹ Ka mite pen, sasial ne vasa gial khat, sasial ne vasa dangte in a kimkot panin a tuk huan nainai uh tawh a kibang uh hi. Gamsate aw, hong kikhawm unla, pawi hong siim un.

Tedim Bible

⁹ Ka mite in, sa sial ne vasa gial khat sa sial ne vasa dangte in a kimkot pan a tuk nainai uh tawh kibang hi. Gamsate aw hong kikhawm un la, pawi hong siim un.

Jeremiah 12:9 Referans Kwoze

Isaiah 56:9

Lo sungah a om ganhing khempeuhte, gamlak ah a om ganhing khempeuhte aw, a ne tum dingin hong pai un.

Jeremiah 7:33

Misi luangte huihlak a leeng vasate le leitungah a om ganhingteʼ an a suak ding uh a, tuate a delh mang ding kuamah om lo ding hi.

2 KUMPI NIHNATE 24:2

Tua ciangin ama nasem kamsangte tungtawnin a gen Topaʼ thugenna bangin Judah a susia dingin ama lang khat ah Topa in Khaldea mihonte, Syria mihonte, Moab mihonte le Ammon mihonte a sawl hi.

Mangmuhna 17:16

Tua na muh ganhing le a ki sawmte in a paktat numei mudah ding uh hi. Ama neih khempeuh laksakin a pum guakin koih ding uh a, a sa ne-in mei tawh hal tum ding uh hi.

Jeremiah 15:3

“Amauteʼ sih nadingin gimna nam li ka tungsak ding hi. A kithah nading uh namsau, a kei zan gawp dingin ui, a valh tum ding le a susia gawp dingin huihlak a vasate le leilak a ganhingte ka koih ding hi.

Jeremiah 2:15

Humpinelkai bangin a galte in amah hawk san uh a, nakpi takin a hawk gawp uh hi. A gam uh gam simtham a suah uh a, a khuapite uh cimin kuamah teeng lo hi.

Jeremiah 34:20

A galteʼ khut sungah amaute ka pia dinga, a that nuam miteʼ khut sungah ka pia ding hi. A luanghawmte uh van a vasate le leitung a gamsateʼ an a suak ding uh hi.

Kah la 1:17

Hong huh un, ci-in ka khut ka vanvan hangin kuamah in a hong huh nuam kei hi. Topa in mun khempeuh panin galte hong paisak a, amaute in a kihhuai na khat bangin kei a hong gimneih uh hi.

Isaiah 2:11

Miteʼ kiliatsakna pen kiniamkoih dinga, mihingteʼ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Isaiah 2:12

Bang hang hiam cih leh Vanglian Topa in a kiphasak le a kiliansak khempeuh, a kisangsak le a sangte khempeuh;

Ezekiel 34:5

Tua tuute in a cing ding nei lo uh ahih manin kithehthang gawp uh a, gamsateʼ an a suak lel uh hi.