Jeremiah 12:6 - Tedim Bible Revision 2017

⁶ Bang hang hiam cih leh na sanggamte le na innkuanpihte nangawn in nang hong zuak uh a, nang a hong do ding mihonpi a kaikhawm uh hi. Kam khum tawh nang a hong zol uh hangin um kei in,” ci-in hong dawngkik hi.

Tedim Bible

⁶ Bang hang hiam cih leh na sanggamte leh na innkuanpihte nangawn in nang hong zuak uh a, nang hong do ding mi honpi a kaikhawm uh hi. Kamkhum tawh nang a hong zol uh hangin um kei in,” ci-in hong dawng kik hi.

Jeremiah 12:6 Referans Kwoze

Paunak 26:25

A lungsimah a deihhuai lo thu sagih tak om ahih manin kam khum takin a pau manin um kha kei in.

Jeremiah 9:4

Mi khempeuh a inn veengte uh kidawm uh henla, a sanggamte uh muang kei uh hen. Bang hang hiam cih leh sanggamte khem hat ciat uh a, inn veengte khempeuh zong gensiat hat ciat uh hi.

Late 12:2

Mi kim in a veengte kiangah zuau thu gen ciat a, phat khemna kam zol le lungsim nam nih tawh thu a gen uh hi.

Mattiu 10:21

Unau le unau, pa in a ta, tate in a nu a pate langpangin sihna a thuak dingin khatlekhat kiheek ding uh hi.

Jeremiah 11:21

Tua ahih manin kei hong that nuamin, “Topaʼ min tawh thu hilh kei in. Na hilh leh koteʼ khutlumin na si ding hi,” a hong ci Anathoth khua mite tawh kisai-in

Jeremiah 11:19

A kigo dingin a kipaipih mawhna a nei lo tuuno bang ka hi hi. Amaute in, “Singkung a gah phat hun laitakin phuk tan ni. Ama min a kiphawk nawn loh nadingin amah that lum ni,” ci-in a gen uh a, kei hong sawmna uh ahih lam ka thei kei kha hi.

Sawltak 18:12

Rom khutnuai ah Akhaia gam sung a uk dingin Gallio a kikoih ciangin Jew mite hong kikaikhawm uh a, Paul manin zumah a paipih uh hi.

Jeremiah 20:10

Miteʼ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khem zo kha ding hi. Tua hileh i zo kha dinga, tua ciangin i thukkik ding hi,” hong ci uh hi.

Late 69:8

Ka sanggamte lakah midangpi ka suak a, khualmi ka bang hi.

JOB (Job) 6:15

No ka lawmte pen, lui tuikhang bang, a mangthang pak tui let bang,

Johan 7:5

ama sanggamte mahmah in zong Jesu um lo uh hi.

Marka 12:12

Hih thu gentehna pen amaute a cihnopna a a gen ahih lam Jew makaite in thei uh ahih manin Jesu a kimat theih nading a hanciam uh hi. Ahi zongin mihonpite kihta uh ahih manin Jesu bangmah cih loin a paisan uh hi.

Isaiah 31:4

Bang hang hiam cih leh Topa in keima tungah hih bangin hong ci hi: Humpinelkai ahi a, humpinelkai khanglai a hat mahmah in ahi zongin a sa nek ding a ngik ciangin tua humpi a do dingin tuucing honpi khat kikaikhawmin, amauteʼ otna hangin lau tuan het loin, amauteʼ gamlumna hangin a sin a dawi tuan loh mah bangin Vanglian Topa zong Zion Mual tungah galdo dingin kuan suk ding hi.

Sawltak 16:22

Mihonte in zong amau tegel vuak pih ngeingai uh a, uliante in Paul le Silasʼ puan bal keksak uh a, tua mi tegel a sat nading uh thu a pia uh hi.

Jeremiah 9:2

Sehnel gamlak ah khawl nading bukno khat nei thei-in ka mite nusia-in a taisan thei hi leng ka ut hi. A vekpi-un angkawm hat hi khin uh a, thuman lo kim uh hi.

Jeremiah 9:5

Mi khempeuh in a veengte uh khem ciat uh a, thuman gen kuamah om lo hi. A leii uh zuau thu gen dingin kisinsak uh a, mawhna a bawl manun tawl lua uh a, kisik zo nawn lo uh hi.

Late 12:3

“I Leii tawh gualzo ding, i mukte eima neihsa; i to kua hiam?” a ci vial, kiphatsakna a piangsak leii, phat khemna muk khempeuh, Topa in at khia tahen.

Paunak 23:8

Na nek sa teng uh na lua khiakik ding uh a, na kamsiam ngah teeng uh maimang ta ding hi.

Jeremiah 9:3

A leii uh thalpeu bangin zang uh a, zuau thu bekbek a lawn khia khia uh hi. Gam sungah thuman om loin zuau thu bekbek a dim hi. Siatna lam manawh tektek uh a, kei hong thei lo uh hi, Topa in a ci hi.