Jeremiah 12:4 - Tedim Bible Revision 2017

⁴ Ka gam sung bang tanvei keucip ding ahi hiam? Mun khempeuh ah lopate bang tanvei vul cip ding ahi hiam? A teng miteʼ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Tedim Bible

⁴ Ka gam bang tanvei a thuum ding hiam? Mun khempeuhah lopate bang tan vei a keu ding hiam? A teeng mite’ gitlohna hangin, gamsate leh vasate a mangthang sak khin uh hi. Bang hang hiam cih leh amau in, “I gamtatnate Pasian in hong mu kei ngawn,” a ci uh hi.

Jeremiah 12:4 Referans Kwoze

Jeremiah 9:10

“Mualte adingin kapin tau unla, gamlak lo nona munte adingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, van a leeng vasate le gamsate a taimang ta uh hi.

Jeremiah 4:25

Ka khuadak leh mi khat beek ka mu kei a, van a vasate zong a leeng mangkhin uh hi.

ROM (Romans) 8:22

Tu hun ciang dong Pasianʼ bawl sa khempeuh nupi nausuak ding bangin na sa-in a tauna uh i thei hi.

Hosea 4:3

Tua ahih ciangin leitang keugaw-in a tunga teng khempeuh si dinga, leitung a om gamsa khempeuh le huihlak a leeng vasa khempeuh tawh si mang ding uh a, tuipi sunga om ngasate nangawn si mang ding hi.

Jeremiah 23:10

Bang hang hiam cih leh mun khempeuh ah angkawmte a dim hi. Topaʼ hamsiatna hangin gam sung tengah kahna dim a, gamlak lo nona munte a keu mang hi. Amaute gamtat sia uh a, a vangliatna uh a man lopi-in a zang uh hi.

Jeremiah 7:20

Tua ahih manin Topa in kong cih in ah: En in, ka hehna le ka thangpaihna hih munah ka bua dinga, mihingteʼ tung le ganhingteʼ tung, lo lai-a singkungte le leilak a singgahte tungah ka sung ding hi. Ka hehna mei bangin kuang dinga, kisumit lo ding hi.

Habakkuk 3:17

Theigahte a hut khin a, leengguite a gah kei zongin, oliv kungte gah lo a, lo ah an a piang kei zongin, tuu khempeuh a si khin a, ganbuk khempeuh a hawm khin zongin,

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Jeremiah 14:2

“Judah gam kap a, a khuapite maimang dekdek hi. A mite in puan vom khu-in leilak ah bok uh a, Jerusalem khua-a om miteʼ kahna aw ging hi.

Jeremiah 5:13

Kamsangte lah huih bang hi lel uh a, a sung uh ah thu teeng lo hi. Amauʼ gen bangun amau mah in a thuak ding uh hi,’ ci uh hi,” a ci hi.

Jeremiah 4:28

Tua thu hangin leitung kap dinga, vantung mial ding hi. Bang hang hiam cih leh ka gen sa, ka khensat sa hi a, ka kisik loh bangin ka lungsim zong ka kheelkik kei ding hi,” a ci hi.

Late 50:21

Hihte khempeuh na gamta khin uh a, bangmah ka pau kei hi. Kei pen no tawh a kibangin nong ngaihsun kha uh hi. Ahih hangin tu-in note ka hong taii a, na mawhna uh na mai uh ah ka koih hi.

Jeremiah 12:11

Pawn lak hong suahsak uh a, dahin ka kap hi. Gam sung khempeuh a kisiat khit hangin kuamah in phamawh sa lo sawnsawn uh hi.

Joel 1:18

A gilkial tuu le bawngte cimawhin tau uh a, lo nona mun om nawn het lo ahih manin ganhing honte cimawh uh a, tuuhonte in zong haksatna thuak uh hi.

Amos 1:2

Amos in, “Zion Mual panin Topa hong hawk suk a, Jerusalem khua panin hong awngkek hi. Tua ahih manin lo nona gam teng keu gawp a, Karmel mual dawn dum dide teng kausan ta hi,” a ci hi.

Zekhariah 1:12

Tua ciangin Topaʼ vantungmi in, “Vanglian Topa aw, Jerusalem khuapi le Judah gam khuapite tungah kum sawm sagih sung na heh khinta hi. Amaute hehpih loin bang tanvei om lai ding na hi hiam?” ci hi.

Isaiah 24:4

Leitung vulin keugaw a, leitung buppi thaneemin vul gawp hi. Vantung le leitung a nih tuakin vul khawm hi.

Isaiah 24:6

Tua ahih ciangin Topa in leitung samsiatin susia a, a tunga a teeng mite in amauʼ mawhna hangun a thuak uh hi. Tua ahih ciangin leitungah a teeng mite tawm semsem hi.

Jeremiah 9:9

Hih thute hangin gim pia lo ding ka hi hiam, Topa in kong ci hi. Hih bang minam khat tungah ka phu la lo ding ka hi hiam?