Jeremiah 12:2 - Tedim Bible Revision 2017

² Nangmah in amaute na suan a, amaute in zong zungkha in, khangin, gah hong gah uh hi. A kam uh tawh hong phat khem uh a, a lungsim uh nang tawh kigamla hi.

Tedim Bible

² Nangmah in amaute na suan a, amau in zong zung kha-in, hong khangin, gah hong gah uh hi. A kam uh tawh nang hong phat uh a, a lungsim uh nang tawh kigamla hi.

Jeremiah 12:2 Referans Kwoze

Isaiah 29:13

Tua ciangin Topa in, “Amauteʼ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingteʼ thupiak a zuihna uh ahi lel hi.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadah huai, a thumang lo, na hoih sem dingin a kilawmna a om lo mite ahi uh hi.

Mattiu 15:8

‘Hih mite in a kampi bek uh tawh kei hong zahtak bawl uh a, ahi zongin a lungsim taktak uh kei tawh kigamla hi.

Jeremiah 11:17

Israel mite le Judah mite in meihalna tawh Baal bia-in hong hehsak uh a, hih bang siatna bawl uh ahih manin, amaute a phut keimah Vanglian Topa in amauteʼ tungah siatna a tun nading thu ka pia zo hi,” hong ci hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uh ah amauʼ meetna ding bek ngaihsun uh hi.

Jeremiah 45:4

“Topa in nang tungah hih bang a gen dingin hong sawl hi: En in, keimah in ka lam sate ka phelkik a, ka phuh sate ka bot khiakik hi. Keimah in leitung buppi tua bangin ka hih ding hi.

Marka 7:6

Jesu in amaute dawng a, “A tungtham a hoihin a kilang khem noteʼ thu, Isaiah in a gen kholhna man mahmah hi. Ama genna ah, ‘Pasian in hih bangin gen hi: Hih mite in a kampi bek uh tawh kei hong zahtak bawl uh a, a lungsim taktak uh kei tawh kigamla hi.

Jeremiah 3:10

Hih bang teng hi napi a sanggamnu, numei gina lo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

JOB (Job) 5:3

Mihai pa in limtakin zungkha ngei napi, ama inn thakhatin a kizunglot ka mu ngei hi.

Late 37:35

Lebanon taamtak sing bangin a sang pha mahmah migilo kiphasak khat keimah in ka mu hi.

Habakkuk 1:13

Ahi zongin hih a gilo a zuau tat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin amaute sangin a dik zaw mite a suksiatna ah bang hangin daicip na hi hiam?

JOB (Job) 24:12

Khuapi sungah a liam le a si kuanteʼ kikona kiza napi-in Pasian in amauʼ thungetnate don lo hi.

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.