Jeremiah 12:16 - Tedim Bible Revision 2017

¹⁶ Tua ciangin, ka miteʼ om dan hoihtakin a sin uh a, Baal min tawh a kiciam dingin ka mite a sinsak mah bangun, ‘Topa a nuntak mah bangin,’ ci-in keima min tawh kiciam ding a sin uh leh ka mite lakah kip takin a om ding uh hi.

Tedim Bible

¹⁶ Tua ciangin, ka mite’ omdan hoih takin a sin uh a, Baal min tawh kiciam dingin ka mite a sinsak mah bangun ‘Topa a nuntak bangin,’ ci-a kei’ min tawh kiciam ding a sin uh leh ka mite’ lakah kip takin a om ding uh hi.

Jeremiah 12:16 Referans Kwoze

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak uh leh gam khempeuh in thupha ka piak ding hong ngen ding uh a, keiʼ sungah amaute a lungdam ding uh hi,” a ci hi.

Zefaniah 1:5

Innkhum zang ah kah to-in, ni, kha le aksi a bia mi khempeuh ka susia dinga, keimah hong bia-in, keima tungah thuman ding gen napi-in, Milkom pasianʼ min tawh a kiciam teiteite zong, ka susia ding hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih dinga, tua ciangin note kiangah kei a hong sawl ahihna thu na thei ding uh hi.

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Jeremiah 3:17

Tua hun ciangin Jerusalem khua pen Topaʼ kumpi tokhom kici dinga, Jerusalem khua Topaʼ omna ah gam khempeuh hong kikhawmin, amaute in amauʼ mawhnopna lungsim uh a zui tentan nawn kei ding uh hi.

Isaiah 65:16

Leitungah thupha a kipiak ding a ngen pa in thuman Pasian min tawh thupha a kipiak ding ngen dinga, leitungah thuciamna a lapa in thuman Pasian min tawh a ciam ding hi. Bang hang hiam cih leh a beisa huna haksatnate khempeuh kimangngilh khinta a, tuate bei mang khinta hi.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Isaiah 45:23

Kei mahmah ka kiciam khin a, a kikhelkik ngei nawn lo ding thukip hih bang ahi hi: ‘Keima mai ah mi khempeuh hong khukdin dinga, keima tungah thuman ding hong kiciam ding hi,’ cihna, keiʼ kam sung panin thumanna tawh pusuak khia khinzo hi.

1 KORIN MASA 3:9

Kote pen Pasian adingin na a sem khawm mite ka hi uh a, note pen Pasianʼ lo na hi uh hi. Note pen Pasianʼ inn zong na hi uh hi.

ROM (Romans) 14:11

Lai Siangtho sungah, “Kei pen a nungta ka hih mah bangin ka mai ah mi khempeuh hong kun dinga, Pasian ka hihna thu mi khempeuh in pulak taktak ding uh hi, Topa in ci hi,” ci-in a kigelh hi.

Solomon la 1:8

Nungak khempeuh lakah a ngaihbaang pen nungak aw, a mun thei lo na hi hiam? Tuuhonte zui-in na keelte hong khah inla, tuucingpaʼ puanbuk gei ah hong cing in.

ROM (Romans) 11:17

A kiciing oliv kung a hiangte kisat khia-in gamlak oliv hiangte tawh kipeh hi. No Gentail-te pen tua gamlak oliv hiangte tawh a kibang na hi uh a, Jew miteʼ hamphatna teng a ngahkhawm na hi uh hi.

Ruth 3:13

Tu zan om in; zingsang ciangin amah in nang tungah tanauteʼ hih ding hong hih leh pha hi; amah hihsak in. Ahih hangin nang tungah tanauteʼ sep ding a sepnop kei leh, tua ciangin, Topa a nungta ahih mah bangin nang tungah tanau nasep kong sem ding hi. Zingsang dong lum in,” a ci hi.

Isaiah 42:6

“Kei pen Topa ka hi a, thumanna tawh nangmah hong samin, ka khut tawh hong lenin nang ka hong kem hi. Mittawte a vaksak ding, leinuai thong sung panin thongkiate a la khia ding, thong sung a mialna munah a tu mite a la khia ding, mite tungah thuciamna ahi ding, minam dangte tungah khuavak ahi dingin nang ka hong koih khin hi.

Jeremiah 5:7

“Na mawhnate uh hong koici maisak thei ding ka hi hiam? Na tate un kei hong nusia zo uh a, pasian ahi lopite peuh tawh kiciam zo uh hi. Amaute a gilvah dong uh an ka vak khit ciangin amaute in angkawmin, numei paktatteʼ inn ah a hon om uh hi.

Jeremiah 6:16

Topa in mite tungah, “Lam ka bomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuau thu le bangmahin a kimang lo milimte longal bangmah dang a luah kei ding uh hi.

Jeremiah 18:8

tua ka gen sa minam le gam a siatna panin a kiheikik leh, ama tungah siatna tunsak dingin ka seh sa pen ka kisikkik dinga, ka tungsak nawn kei ding hi.

Zekhariah 1:6

Ahi zongin ka nasem ahi kamsangteʼ tungtawnin ka hilhkholhna le ka thupiaknate in note dongin hong su kha lo ding sa na hi uh hiam, ka ci hi. Tua ahih ciangin a tawpna ah amaute kisik uh a, hih dinga ka lungsimah ka geel sa bangin amauʼ gamtatna tawh kizui-in gim a pia ka hihna thu a phawk uh hi,’ ci in,” a ci hi.

Isaiah 2:3

mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakobʼ Pasianʼ inn, Topa’ mualah pai to ni,” a ci ding uh hi. Bang hang hiam cih leh Topa in Zion panin thu hong gen dinga, Jerusalem khua panin Topa’ thuhilhna hong paikhia ding hi.