Jeremiah 11:7 - Tedim Bible Revision 2017

⁷ Bang hang hiam cih leh Egypt gam panin ka lakkhiat pan a kipan tu ni ciang dong ka thu hong mang un, ci-in na pute na pate uh tungah tam veipi nakpi takin ka hilh ngitnget hi.

Tedim Bible

⁷ Bang hang hiam cih leh na pute na pate uh tungah Izipt gam pana ka lakkhiat pan-a kipan tuni ciang dong ka thu hong mang un, ci-in tam veipi, nakpi takin ka hilh ngitnget hi.

Jeremiah 11:7 Referans Kwoze

2 KHANG TANGTHU NIHNATE 36:15

A mite le ama teenna mun khasiat ahih manin amauʼ pute pateʼ Pasian, Topa in a kamtaite amaute kiangah sawl teitei hi.

Efesa 4:17

Tu-in Topaʼ min tawh limtakin note kiangah ka hong gen nop thu in: Thu um lo dawi biate bangin gamta nawn kei un. Amauteʼ thu ngaihsutte a kimang bangmah om lo a,

1 SAMUEL MASA 8:9

Tua ahih ciangin tu-in amauteʼ thu ngai in. Amaute limtakin hilh kholin, amauteʼ tungah a uk ding kumpipaʼ hih zia ding lak bek in,” a ci hi.

Paikhiatna 15:26

“Note in Topa na Pasian uh thu limtakin na ngaih uh a, ama mai ah a man nate hihin, ama thupiakte don a, ama ngeina kipte khempeuh na zuih uh leh, Egypt miteʼ tungah ka tunsak natnate khat beek noteʼ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

2 THESALONIKA NIHNA 3:12

Tu-in tua bang mite in kuamah nawngkaisak nawn loin manmanin na sem hiathiatin amauʼ nuntak nadingun na a sep nadingun Topa Jesu Khris min tawh hanthawnin thu kong pia uh hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak uh leh note le na pu na pate uh kiangah ka piak gam sungah na teeng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jeremiah 25:4

Topa in ama nasem ahi kamsangte khempeuh hong sawl tawntung hi napi-in note in ngai loin na bil uh na ngat kei uh hi.

Jeremiah 11:4

Tua pen na pute na pate uh, sik haltuina meikhuk tawh a kibang Egypt gam pan a ka lakkhiat ni-a ka thuciamna ahi hi. Tua ni-in, ka thu hong ngai-in kong thupiakna bangin na sep uh leh, note ka mi na hi ding uh a, kei pen noteʼ Pasian hi-in,

Jeremiah 7:13

Tu-in zong hih nate khempeuh na hih uh a, kong gengen hangin hong ngai tuan loin kong sapsap hangin hong dawng lo na hih manun Topa in kong cih in ah,

Thu-hilhkikna 30:20

Topa na Pasian uh itin, ama thu mangin, amah beel un; bang hang hiam cih leh Topa in na pu na pate uh Abraham, Isaac le Jakob tungah piak dingin a kiciam sa leitang ah note na ten theih nadingun tua pen note-aʼ dingin nuntakna le khansauna ahi hi,” a ci hi.

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi. Na behlap kei ding uh a, zong na khiam kei ding uh hi.

Thu-hilhkikna 8:6

Tua ahih ciangin ama lampi zuihna le amah zahtakna tawh Topa note Pasianʼ thupiakte na zui ding uh hi.

Thu-hilhkikna 5:29

Amaute le a suan a khakte uh a nopsak tawntung theih nadingun keimah zahtak ding le ka thupiak khempeuh zuih ding hih bang ngaihsutna nei tawntung le-uh ka deih ahi hi.

Thu-hilhkikna 4:6

Tuate zui unla, sem un; bang hang hiam cih leh hih thukhamte khempeuh a zak uh ciangin, ‘Hih minam liante pen a pil thu thei taktak hi,’ a ci ding uh miteʼ muhna ah hih thu pen nomauʼ pilna le nomauʼ theihna hi ding hi.

Jeremiah 25:3

“Amonʼ tapa Josiah, Judah gamah kumpi a suah zawh a kum sawm le kum thum pan tu ciang dong kum sawm nih le kum thum sung Topa in kei hong hopih a, keʼn zong note kiangah kong gen sawn tawntung hangin note in na ngai kei uh hi.

Jeremiah 31:32

Tua pen, a pu a pate uh, Egypt gam panin ka lakkhiat nadingin a khut uh tawh ka kaihkhiat huna ka bawl uh thuciamna tawh kibang lo ding hi. Tua hun lai-in kei amauteʼ pasal hi napi-in ka thuciamna a hong palsat uh hi, Topa in kong ci hi.

Jeremiah 35:14

Rekhabʼ tapa Jonadab in a suanlekhakte tungah leenggahzu a dawn loh nading uh a thupiakna amaute in zui uh a, tu ni ciang dong bangmah a dawn kei uh hi. Bang hang hiam cih leh amaute in a pu uhʼ thupiakna a mang uh hi. Keimah in note kong hopih tawntung hangin ka thu nong mang kei uh hi.

Zekhariah 1:4

Na pu na pate uh bang nawn kei un. Nidang a kamsangte in amaute kiangah ka thu gen uh a, gamtat sia gamta loin, a mawh nawn loh nading hilh uh hi. Ahi zongin amaute in ka thu ngai nuam loin, ka thu hong mang lo uh hi.

2 KUMPI NIHNATE 17:13

Ahi zongin Topa in kamsangte khempeuh le thumute khempeuh tungtawnin Israel le Judah mite hilh khol a, “Na pu na pate uh ka thupiak thukhamte khempeuh le kamsangte ahi ka nasemteʼ tungtawnin note kiangah thu kong puak bangin na gamtat siate panun kihei-in ka thupiaknate le ka thukhamte zui un,” a ci hi.

Jeremiah 32:23

Amau zong lutin a luah pah uh hi. Ahih hangin amaute in na thu hong mang loin, thukham hong zui lo uh a, hih dinga na thupiakte khat beek a hih kei uh hi. Tua ahih manin amaute tungah hih siatna khempeuh na tungsak hi.

Jeremiah 34:14

note kiangah nasem dinga hong kizuak na Hebru mipihte uh in note adingin kum guk, na hong sepsak khit a kum sagihna sungin na khah khia ding uh a, na na uh na semsak nawn kei ding uh hi, ka ci hi. Ahih hangin na pu na pate un ka thu hong ngai lo uh a, hong mang lo uh hi.

Hosea 4:1

Israel mite aw, Topaʼ thugen ngai un. Hih gam sungah a teeng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Hosea 5:1

No siampite aw, hih thu ngai un! No Israel mite aw, thudon un. Kumpipaʼ innkuante aw, ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih le note in miteʼ awk nadingin Mizpah mualah thang na siah uh a, miteʼ awk nadingin Tabor mualah ngenthang na hi uh hi.