Jeremiah 11:5 - Tedim Bible Revision 2017

⁵ tua bang na hih uh leh na pute na pate uh tungah ka ciam sa, tu-a na neih uh bawngnawi le khuaizu tui bangin a luanna gam kong pia ding hi, ci-in thu ka pia hi,” hong ci hi. Tua ciangin keimah in, “Hi tahen, Topa aw,” ci-in ka dawngkik hi.

Tedim Bible

⁵ tua bang na hih uh leh na pute na pate tung uh-a ka ciamsa, tu-a na neih uh bawngnawi leh khuaizu luan’na gam kong pia ding hi, ci-in thu ka pia hi,” hong ci hi. Tua ciangin keimah in, “Hi ta hen, Topa aw,” ci-in ka dawng kik hi.

Jeremiah 11:5 Referans Kwoze

Jeremiah 28:6

“Amen! Topa in tua na gen bangin hong sem tahen. Topa in na thugen kholhna bangin hong tungsak henla, Babylon khua panin Topaʼ biakinnpi sunga beelte le salin a kimante khempeuh hih lai munah hong lakik tapeuh hen!

1 KORIN MASA 14:16

Na lungsim bek tawh Pasian tungah lungdamna na koh ciangin kikhopna sungah a om midangte in bangci-in nangʼ thungetna, “Amen,” hong cih pih thei ding ahi hiam? Nangma thungette a theihtheih nading uh bangmah om lo hi.

Mattiu 6:13

Ze-etna lian hong thuaksak keʼn. Giloʼ kiang pan hong hon khia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Thu-hilhkikna 6:3

Tua ahih ciangin Israel-te aw, note nuamsa-in, Topa, na pate uh Pasian in note tungah hong ciam sa bangin bawngnawi le khuaizu a luanna gamah tampi pha-in na khan theih nadingun hih thute za unla, na zuih ding uh ngaihsun un.

Siampi Laibu 20:24

Ahih hangin keimah in note kiangah, ‘Note in amauʼ leitang na luah ding uh hi. Bawngnawi le khuaizu a luanna leitang, na neih dingun note tungah kong pia ding hi,’ kong ci khinzo hi. Kei pen miteʼ kiang panin note a hong khen khia Topa na Pasian uh ka hi hi.

Paikhiatna 13:5

Amah in note tungah piak dinga na pateʼ tungah a ciam, bawngnawi le khuaizu a luanna leitang, Kanaan mite, Hit mite, Amor mite, Hiv mite le Jebus miteʼ leitang ah Topa in note hong paipih ciangin hih kha sungin hih bangin na hih ding uh hi.

Jeremiah 32:22

a pute a pate uh tungah piak dingin na ciam sa, bawngnawi le khuaizu tui bangin a luanna hih gam na pia hi.

2 KHANG TANGTHU NIHNATE 6:17

Tua ahih ciangin tu-in Israel Pasian, Topa aw, na nasem pa David tungah na gen sa na kammal kipsak in.

Late 105:8

“Na luah dingin Kanaan gam kong pia ding hi,” ci-in Abraham tawh thuciam a bawl sa, Isaac tungah a thuciam sa, Jakob tungah thupiakna a kipsak, Israel tungah tawntung thuciamna, ama thupiak sa kammal, ama thuciamna pen khang tul khat dongin amah in phawk ngitnget hi.

Jeremiah 19:12

Topa in kong cih in ah, hih mun le hih mun a teeng mite tungah tu-a bangin ka hih dinga, hih khuapi Tofeth ka bangsak ding hi.