Jeremiah 11:13 - Tedim Bible Revision 2017

¹³ Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah mah, meihal biakna tawh Baal biakna ding a zumhuai biakna taute na bawl tazen uh hi.

Tedim Bible

¹³ Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah meihal biakna tawh Baal biak nading a zum huai biakna taute na bawl tazen uh hi.

Jeremiah 11:13 Referans Kwoze

Jeremiah 2:28

“Note-aʼ dinga na bawl uh na pasian-te uh koi ah om ahi hiam? Haksatna na tuah uh ciangin a hong hon thei ahihleh kihonsak ta un; bang hang hiam cih leh Judah gam aw, na khuapi zahzah uh pasian na nei tazen uh hi.

2 KUMPI NIHNATE 23:13

Tua ciangin Kumpi Solomon in Sidon miteʼ kihhuaina Ashtoreth pasian ading le Moab-teʼ kihhuaina Khemosh pasian ading le Ammon miteʼ kihhuaina Milkom pasian adingin a lam, Jerusalem nisuahna lam, Oliv Mual leitaw lam a om mual tunga biaknate kumpipa in a susia hi.

Hosea 12:11

Gilead gamah milim biakna om a, tuate a kimanna om lo hi. Gilgal gamah bawngtal tawh bia uh a, lokhote in a suang deih loh teng uh a phualphualin a cian kawikawi tawh kibangin, a biakna taute uh bangmahin kimang lo ding hi.

Jeremiah 32:35

Hinnom Kuam ah a tapate le a tanute uh tawh Molek pasian a biak nadingun Baal ading biakna tausangte a bawl uh hi. Hih a kihhuai na semin, Judah mite mawhna a bawlsak nadingun amaute ka sawl kei a, zong ka ngaihsun kha ngei beek kei hi.

Jeremiah 19:5

ka thupiak ahi lo, ka ngaihsut khak beek zong ahi lo, a tate uh meihal biakna tawh Baal biak nadingin Baal biakna tausangte a lam khinzo uh hi.

Jeremiah 7:9

Note in na gu-in, tual thatin, angkawmin, ahi lopi kiciamin, Baal kiangah meihal biakna pia-in, na theih ngei loh uh pasian dangte delhin,

Jeremiah 3:24

“Ahih hangin i neu lai a kipan a zumhuai Baal pasian i biakna hangin i pu i pateʼ biakna ahi tuu le bawngte, a tapate le a tanute khempeuh uh i sum khinzo hi.

Isaiah 2:8

Amauʼ gam sung milimte tawh kidim a, amauʼ khut tawh a bawl sate uh amaute in a bia uh hi.

Jeremiah 11:17

Israel mite le Judah mite in meihalna tawh Baal bia-in hong hehsak uh a, hih bang siatna bawl uh ahih manin, amaute a phut keimah Vanglian Topa in amauteʼ tungah siatna a tun nading thu ka pia zo hi,” hong ci hi.

Jeremiah 19:4

Bang hang hiam cih leh hih mite in kei hong taisan khinzo uh a, amaute a kipanin a pu a pate uh le Judah kumpiteʼ theih ngei loh pasian dangteʼ kiangah paknamtui halin, hih mun a ninsak uh hi. Hih mun pen mawhna nei lo mite thahna sisan tawh dimsak uh a,

Jeremiah 44:21

“Judah gam khuapite le Jerusalem khua kongzing lakah note, na pute na pate uh, na kumpite uh le na kumpi uliante uh a kipan gam sung mi khempeuh in paknamtui halna na bawl uh ciangin Topa in tua pen a phawk lo sa na hi uh hiam? A ngaihsun lo sa na hi uh hiam?

Jeremiah 48:35

Moab gam mual sang tungah biakna pia a, milim pasian-te tungah paknamtui a hal mite, Topa in kong cih in ah, tua bang ka hihsak nawn kei ding hi.

Ezekiel 16:24

lam gei khempeuh ah milim biakna ding mun bawlin, paktatna na gamta hi.

Hosea 9:10

Topa in hih bangin gen hi: Israel kong muh cil-in hoih mahmah a, sehnel gam sunga a gah a zun kiuhkeuh leenggah tawh kibang hi. Na pu na pate uh ka muh cil-in hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun uh ciangin amaute in Baal milim bia pah uh ahih manin, amauʼ biak milimte ka muhdah zahin amaute nangawn ka mudah pah hi.

2 KHANG TANGTHU NIHNATE 28:25

Amah in pasian dangte tungah paknamtui hal nadingin Judah khuapi khempeuh ah mual dawna biakpiaknate bawl a, a pu a pateʼ Pasian, Topa a heh nadingin a phin hi.

Jeremiah 3:25

Tua ahih manin maizumin lum ni. I min siatna silh ni. Bang hang hiam cih leh i neu lai a kipan tu ni ciang dong eite le i pu i pate pen Topa i Pasianʼ tungah i mawh khinzo hi. Topa i Pasianʼ thu i mang kei khinzo hi,” a ci uh hi.

Jeremiah 17:1

Topa in a genna ah, “Judah miteʼ mawhna sik laikung khat tawh kigelh hi. Suang manpha mukzum tawh amauteʼ lungtang peek tung le biakna tau kite tungah khuakin ki-at hi.

Jeremiah 18:15

Ahih hangin ka mite in kei hong mangngilh khin uh a, milim pasian-te kiangah paknamtui a hal uh hi. Amauʼ tot ding lampi ah tuk uh ahih manin a tot ngei uh lampi lui zui nawn loin, lampi lopi a tawn uh hi.

Jeremiah 44:5

Ahih hangin amaute in ka thu hong ngai loin a bil uh hong ngat lo uh a, a gitlohna uh panin kihei loin, pasian dangte kiangah paknamtui hal veve uh hi.

Hosea 10:1

Israel mite ahihleh a gah pha mahmah leenggui tawh kibang hi. Cithei semsem leh biakna tau tam lam semsem uh hi. A gam sung uh cithei semsem leh biakna song a hoih bawl semsem uh hi.