Jeremiah 11:11 - Tedim Bible Revision 2017

¹¹ Tua ahih ciangin Topa in kong cih in ah, en un, a pelh theih loh uh gimna amauʼ tungah ka tungsak dinga, kei kiangah a hong kap liang uh zongin ka dawng nawn kei ding hi.

Tedim Bible

¹¹ Tua ahih ciangin Topa in kong cih-inah, en un, a suahtak theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Jeremiah 11:11 Referans Kwoze

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amauteʼ thungetna ka ngai kei ding hi,” a hong ci hi.

Isaiah 1:15

“Thungenin na khutte uh nong zaak uh ciangin note kong en kei dinga, thu tampi na nget uh hangin keʼn ka ngai tuan kei ding hi. Bang hang hiam cih leh sisan tawh noteʼ khut kidim hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Limtakin kei nong zong ding uh a, ahi zongin koi mahah nong mu kei ding uh hi.

Zekhariah 7:13

Amaute ka hopih ciangin hong ngai nuam lo uh hi; kei zong amauteʼ hong thungetna ka ngai kei ding hi, Vanglian Topa in ci hi.

Micah 3:4

Topaʼ tungah huhna ngenin na kiko hun uh hong tung dinga, ahi zongin amah in note hong dawng lo ding hi. Note gamtat sia na hih manun, na ngetna uh hong ngai lo ding hi.

Jeremiah 14:12

An a tan uh hangin amauʼ thumna ka ngai kei dinga, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

2 KUMPI NIHNATE 22:16

Topa in hih bangin ci hi: En un, hih lai mun le a tungah a teengte tungah Judah kumpipa in laibu sunga a sim siatna thute khempeuh ka tungsak ding hi.

Jeremiah 11:17

Israel mite le Judah mite in meihalna tawh Baal bia-in hong hehsak uh a, hih bang siatna bawl uh ahih manin, amaute a phut keimah Vanglian Topa in amauteʼ tungah siatna a tun nading thu ka pia zo hi,” hong ci hi.

Jeremiah 6:19

Leitung aw, ngai in! En un, hih mite tungah a thuak ding mahun a kilawm siatna ka tungsak ding hi. Bang hang hiam cih leh ka thu hong ngai lo uh a, ka thukhamte a nial uh hi.

Isaiah 24:17

Leitung a a teeng mite aw, note adingin launa, gum le thangzakte om hi.

Late 18:41

Huh nading ngenin amaute kikoko uh a, ahih hangin a hon ding kuamah om lo hi. Amaute in Topaʼ tungah ko uh a, ahih hangin amah in dawng lo hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

Amos 5:19

Humpinelkai kihta-in vompi a tuak pa tawh kibang ding hi. Tua ahih kei leh mi khat a inn ah hong tai a, a kawmah a khut a ngak ciangin gul in a tuk tawh kibang ding hi.

Ezekiel 7:5

Topa Pasian in a gen thu in: “Noteʼ tungah haksatna khat khit khat a banbanin hong tung thuahthuah ding hi.

Jeremiah 36:31

Amah le a suanlekhakte le a nasemte a mawhna uh hangin gim ka pia dinga, ama tung le Jerusalem khua-a teengte tung a kipan Judah miteʼ tungah amauʼ tungah tunsak dingin ka gen sa gimna khempeuh ka tungsak ding hi. Bang hang hiam cih leh amaute in ka thu hong ngai lo uh hi,’ ci-in va gen in,” ci-in kei a hong sawl hi.

Jeremiah 35:17

Tua ahih manin keimah Topa Vanglian Pasian in kong genin ah: En un, Judah mite le Jerusalem khua ah a teeng mi khempeuh tungah a tung dingin ka genkhiat sa khempeuh ka tungsak ding hi. Bang hang hiam cih leh amau tungah ka gen hangin amaute in ka thu hong ngai lo uh a, amaute ka sap hangin hong dawngkik lo uh hi, ci hi, ci-in va gen in,” a hong ci hi.

Jeremiah 23:12

Tua ahih manin amauteʼ lampi pen khuamial lak lamnal hi dinga, amaute kinot khia gawpin a tuk ding uh hi. Bang hang hiam cih leh amauteʼ gimthuak ding hun hong tun ciangin amaute tungah gimna ka tungsak ding hi, Topa in kong ci hi.

Jeremiah 19:15

“Vanglian Topa, Israel miteʼ Pasian in a cih in ah: En un, hih khuapi le a kiim a khuaneute tungah ka gen sa siatna khempeuh ka tungsak ding hi. Bang hang hiam cih leh amaute in a lungsim uh khauhsak uh a, ka thute a ngai nuam kei uh hi, ci hi,” ka ci hi.

Jeremiah 19:3

Nangmah in, ‘Judah kumpite le Jerusalem khua mite aw, Topaʼ kammal ngai un. Vanglian Topa, Israel miteʼ Pasian in hong cih in ah: En un, hih munah kong tunsak ding siatna lian lua ahih manin a za mi khempeuhteʼ bil sungah ging den ding hi.

Jeremiah 15:2

Amaute in, ‘Koi ah pai ding ka hi uh hiam?’ ci-in hong dot uh leh hih bangin genkik in: ‘Topa in, “Pulnatna tawh a si dingte pul-in si ding uh a, namsau tawh a si dingte namsau-in si ding uh hi. Kial tawh a puksi dingte kialin si ding uh a, sal a kikai dingte zong salin kikai ding uh hi,” a ci hi,’ va ci in.

Jeremiah 11:14

“Tua ahih manin Jeremiah aw, hih mite ading thu ngetsak kei inla, amauʼ tangin thumsak kei in. Bang hang hiam cih leh amaute in gim ngahin hong sap uh ciangin ka ngai kei ding hi.

Paunak 29:1

Kihilh napi-in a mang nuam lote bawl phat zawh nawn loh dongin kisia ding uh hi.

Late 66:18

Ka lung sungah mawhna kem leng, Topa in keima thu hong ngai lo ding hi.

2 KHANG TANGTHU NIHNATE 34:24

Topa in hih bangin ci hi: En un, Judah kumpipa mai ah a kisim laibu sunga kigelh samsiatnate khempeuh ahi siatna, hih mun le a tungah a teeng mi khempeuh tungah ka tungsak ding hi.

JOB (Job) 35:13

Ngetnget, gengen, a phattuamna bangmah om lo hi. Vanglian Pasian in na mu lo, na ngai lo hi.

Jeremiah 14:2

“Judah gam kap a, a khuapite maimang dekdek hi. A mite in puan vom khu-in leilak ah bok uh a, Jerusalem khua-a om miteʼ kahna aw ging hi.

Jeremiah 18:11

Tua ahih manin tu-in, Judah mite le Jerusalem khua miteʼ kiangah Topa in a cih in ah, ‘En un, noteʼ siat nading ka geel a, noteʼ lang khat ah ngimna khat ka nei hi. Na vekpi-un na siatna uh pan kilehkik unla, na om dan uh le na nasepnate uh bawl pha un,’ va ci in.

Jeremiah 25:35

Makaite adingin bukna ding om lo dinga, uliante adingin suahtak theih nading om lo hi.

Kah la 2:22

Kei a hong dipkuasak dingin ka galte pen pawi siim ding bangin na sam a, amaute in hong umcih uh hi. Nangma heh ni-in a suakta zo khat beek a om kei hi. Ka hawmthawh ka it ka tate a hong thahsak uh hi.

Ezekiel 14:3

“Mihing ahi Ezekiel aw, hih mite in milim bia uh a, milim in mawhna sungah amaute tunpih hi. Amauteʼ thu theihnopte a gen dingin hong um uh ahi uh hiam?