Jeremiah 10:9 - Tedim Bible Revision 2017

⁹ Tarshish khua panin ngun sek sa va la uh a, Ufaz khua panin kham va la uh hi. Khutsiamte le kham seekte in milimin bawl uh a, siamgat siamteʼ gat ahi, puan engdup le puan sandup tawh a zem uh hi.

Tedim Bible

⁹ Tarshish khua panin ngun sek sa va la uh a, Uphaz khua panin kham va la uh hi. Khut siamte leh kham sekte in milim-in bawl uh a, siamgat siamte’ gat ahi, puan engdup leh puan sandup tawh zem uh hi.

Jeremiah 10:9 Referans Kwoze

Late 115:4

Amauʼ milimte pen ngun le kham hi lel a, mihingteʼ khut tawh a kibawl ahi hi.

Daniel 10:5

Ka nung lam ka et toh leh puan pak silhin kham kawnggak tawh a kawng a gak mi khat ka mu hi.

Isaiah 40:19

Milim tawh tehtheih ding hi lo hi. Milim a bawlpa in sungin, kham seek pa khat in tua milim kham tawh zut a, tua milim adingin ngun khainiangte a sunsak hi.

1 KUMPI MASATE 10:22

Bang hang hiam cih leh kumpipa in Hiramʼ teembaw honte tawh Tarshish teembaw hon khat tuipi ah a pai nei hi. Tarshish teembaw honte kum thumin khatvei hong pai-in kham, ngun, saiha, zawngmaw le utongte hong puak zel hi.

Ezekiel 27:12

“Tarshish gam mite tawh sumlei sumzuakna ah na kizom uh a, na van tampite hong lei-in ngun, sik, dal le haknawte hong pia uh hi.

Late 72:10

Tarshish kumpite le tuikulh neu-a kumpite in ama tungah siah pia uh henla, Sheba le Seba kumpite in letsong puak ta uh hen.

Isaiah 23:6

Tuipi gei-a teeng mite aw, Tarshish khua ah tai-in kap un!

Ezekiel 27:7

Egypt gam saihadial puan a kizemte tawh na puankhai kibawl a, gamlapi pek panin zong kithei thei hi. Saipras tuikulh panin a kingah puan hoih pente, kumpi mel puante tawh na tung khuh kibawl hi.

Jonah 1:3

Ahih hangin Topaʼ kiang pan Jonah tai khia-in Tarshish khua lamah a taisim dingin a kithawi zawsop hi. Joppa khua ah pai suk a, Tarshish khua a zuan ding teembaw khat a mu hi. A sap man ding pia-in a tungah kah a, Topaʼ kiang pan a tai khia dingin teembaw hawlte tawh Tarshish khua ah a pai hi.

Habakkuk 2:19

Sing khatpeuh a kibawl na khat kiangah, “Khanglo in,” ci-in, a pau thei lo suangtum kiangah, “Tho in,” ci na hih manun gimna na ngah ding uh hi. Hih bang milim in note hong hilh thei ding ahi hiam? Ngun le kham tawh limtakin a kizut hangin a sungah nuntakna om lo hi.

2 KHANG TANGTHU NIHNATE 9:21

Bang hang hiam cih leh Kumpi Hiramʼ nasemte tawh kumpipaʼ teembawte, Tarshish ah pai hi. Tarshish teembawte kum thum simin khatvei hong tungin kham, ngun, saiha, zawngmaw le utong hong puak zel hi.

Hosea 8:6

Israel sunga om mi khat in tua milim bawl a, tua milim pen Pasian hi lo hi. Samaria mite in a biak milim kisuzan ding hi.