Jeremiah 10:7 - Tedim Bible Revision 2017

⁷ Gam khempeuhteʼ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amauʼ gam sung khempeuh lakah nang tawh a kibang kuamah om lo hi.

Tedim Bible

⁷ Gam khempeuhte’ Kumpipa aw, kua in nang hong kihta lo ding ahi hiam? Nang, kihtak ding mah na hi hi. Bang hang hiam cih leh leitung mipil khempeuhte’ lak leh amau’ gamsung khempeuh lakah, nang bang mi kuamah om lo hi.

Jeremiah 10:7 Referans Kwoze

Mangmuhna 15:4

Topa aw, nang, kua in hong kihta lo dinga, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai ah hong bia ding uh hi,” a ci uh hi.

Late 22:28

Bang hang hiam cih leh ukna pen Topa aʼ hi a, minamte tungah amah in a uk hi.

Jeremiah 10:6

Topa aw, nang tawh a kibang kuamah om lo hi. Nang na lian a, na min vanglian mahmah hi.

Jeremiah 5:22

kei hong kihta lo na hi uh hiam, Topa in kong ci hi. Keima mai ah liing lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin zuazua uh hangin kantan zo tuan lo uh hi.

Late 89:6

Bang hang hiam cih leh Topa pen vantung a kua tawh kiteh thei ding ahi hiam? Mi siangthoteʼ kikhopna sungah a kizahtak Pasian, a kiim a omte khempeuh tungah lianin a zahtakhuai Topa pen van miteʼ lakah kua pen tawh kibang ahi hiam?

Luka 12:5

Kuate kihta ding na hi uh hiam cih leh, mite in a thah khit sa mipa pen hell khuk sungah a khia thuah thei lai Pasian na kihta un.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih dinga, tua ciangin note kiangah kei a hong sawl ahihna thu na thei ding uh hi.

Isaiah 2:4

Amah in minamte khatlekhat kikalah thu khenin, mi tampiteʼ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

Late 86:9

Topa aw, na bawl sa minam khempeuh hong pai-in na mai ah hong kun ding uh a, nangma min hong phat ding uh hi.

Late 76:7

Ahih hangin nang na kihtakhuai mahmah hi. Na heh khit phot ciangin nangma mai ah kua ding ngam nawn ding ahi hiam?

Late 72:11

Kumpi khempeuh ama mai ah bok uh henla, minam khempeuh in ama na sem ta uh hen.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

1 KORIN MASA 8:6

eite adingin Pasian khat bek, Pa khat bek a om hi. Ama adingin i nuntakna pa, na khempeuh a piangsak pa ahi hi. Eite tungah nuntakna a hong pia, na khempeuh a piangsak Topa Jesu Khris khat bek a om hi.

Paikhiatna 8:10

Amah in, “Zing ciang,” ci hi. Moses in, “Topa ahi koteʼ Pasian tawh a kibang kuamah om lo hi, ci-in na theih nadingin nangma cih bang hi tahen.

Paikhiatna 9:14

Bang hang hiam cih leh leitung khempeuh ah kei tawh a kibang khat beek om lo hi, ci-in na theih nadingin hih hunin na inn sung tawng dong le na nasemte le na miteʼ tungah ka gimnate khempeuh kong tungsak ding hi.

Joshua 4:24

Topa vanglian mahmah hi, ci-in leitung mi khempeuh in a theih nading le Topa na Pasian uh na zahtak tawntung theih nading uh ahi hi,” a ci hi.

Esther 1:13

Tua ciangin kumpipa in upadi siam a mipilte thu dong hi. Bang hang hiam cih leh upadi le biakna lam thu theite khempeuh thu dot pen kumpipaʼ zat ngei khat ahi hi.

Daniel 2:27

Daniel in, “Kumpipa aw, tua na theihnop thu a hong gen thei ding khongkhai thei, mitphial siam, aisan siam kuamah om lo hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukhadnezzar kumpipa tungah a hong hilh zo hi.

Habakkuk 3:2

Topa aw, nangma sep sa thute ka za a, lamdang ka sa mahmah hi. Na hih ngeisa na liante, koteʼ hunin zong hong hihkik in. Na heh hun ciang nangawnin zong hehpihna lungsim hong nei in.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

2 KUMPI NIHNATE 17:39

ahih hangin Topa na Pasian uh na kihta ding uh hi. Tua ciangin amah in na galte khempeuh uh khut sung panin note hong hon khia ding hi,” a ci hi.

1 KHANG TANGTHU MASATE 16:25

Bang hang hiam cih leh Topa lian mahmah a, nakpi takin phat ding ahi hi; pasian khempeuh sangin lamdang sak zawk ding ahi hi.

Late 47:3

Mi khempeuh eima nuai ah, minamte i khe nuai ah amah in hong zawhsak hi.

Late 86:8

Topa aw, pasian-te lakah nang tawh a kibang kuamah om lo a, nangma sep bang, kuamah in sem thei lo hi.

Late 147:5

Eiteʼ Topa lian a, ama vang lian mahmah hi. Amah in thu a theihtelna pen ngaihsut zawh ding hi lo hi.