Jeremiah 10:6 - Tedim Bible Revision 2017

⁶ Topa aw, nang tawh a kibang kuamah om lo hi. Nang na lian a, na min vanglian mahmah hi.

Tedim Bible

⁶ Topa aw, nang bang mi kuamah om lo hi; nang na lian a, na min vanglian mahmah hi.

Jeremiah 10:6 Referans Kwoze

Paikhiatna 15:11

“Topa aw, pasian-teʼ lakah kua, nang tawh kibang ahi hiam? Kua, nang tawh kibangin, sianthona ah lianin, minthang nasepna ah kihtakhuai-in, nalamdang sem ahi hiam?

Late 96:4

Bang hang hiam cih leh Topa lian a, nakpi takin phat ding ahi hi; pasian dangte khempeuh sangin amah zahtak zawk ding ahi hi.

Late 48:1

Topa lian a, i Pasianʼ khuapi sungah nakpi takin phat ding ahi hi.

Thu-hilhkikna 33:26

“Israel aw, nangmah huh dingin vantungah a tuang a liatna tawh vanpi ah a om, Pasian tawh a kibang kuamah dang om lo hi.

Isaiah 12:6

Zion-a teeng mite aw, nomauʼ lakah Israel-teʼ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Late 145:3

Topa lian hi; nakpi takin phat ding hi a, ama liatna ngaihsut zawh ding hi lo hi.

Daniel 4:3

“Pasianʼ hong lah nalamdangte, bangzahin lian ahi hiam? A bawl nalamdangte, bangzahin vanglian ahi hiam? A tawntungin Pasian kumpi hi dinga, amah in a tawntungin a uk paisuak ding hi.

Late 147:5

Eiteʼ Topa lian a, ama vang lian mahmah hi. Amah in thu a theihtelna pen ngaihsut zawh ding hi lo hi.

2 SAMUEL NIHNA 7:22

Tua ahih ciangin nang na lian takpi hi, Topa Pasian aw. Ka bilun ka zakna uh tawh kizui-in nang tawh a kibang kuamah om lo a, nang sim loh Pasian dang om lo hi.

Jeremiah 32:18

Nangmah in a kikheel ngei lo itna mi tul tampiteʼ tungah na lak a, ahih hangin pateʼ mawhnate tateʼ tungah na thuk hi. Vanglian Topa a kici a lian mahmah, a hat mahmah Pasian aw,

Isaiah 40:25

Tua ahih ciangin kei kua tawh hong genteh ding na hi uh hiam, Siangtho Pa in ci hi.

Paikhiatna 8:10

Amah in, “Zing ciang,” ci hi. Moses in, “Topa ahi koteʼ Pasian tawh a kibang kuamah om lo hi, ci-in na theih nadingin nangma cih bang hi tahen.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Daniel 4:34

Tua ciangin kumpipa in, “A kiseh sa hun a cin ciangin keimah Nebukhadnezzar in vantung lam ka en to a, khua ka phawkkik hi. A nungta tawntung a Lianpen Pasianʼ min phatin, zahtakna le minthanna ka pia hi. “Amah in a tawntungin uk dinga, ama gam kip tawntung ding hi.

Isaiah 46:9

Hun lui thute phawk un; bang hang hiam cih leh kei pen Pasian ka hi a, a dang om lo hi. Kei pen Pasian ka hi a, kei tawh a kibang a dang om lo hi.

Isaiah 46:5

“Note in kei, kua tawh hong kibangsakin kua tawh hong kikimsak dinga, ka kibat pih dingin a kua tawh hong en teh ding na hi uh hiam?

Isaiah 40:18

Tua ahih ciangin Pasian pen kua tawh tehkak dinga, amah pen bang lim tawh kibang ci ding na hi uh hiam?

Late 35:10

Ka lungsim khempeuh tawh, “Topa aw, ama adingin a hat luate kiang panin a thahat lo mi a hon khia, a bawlsiateʼ kiang panin mizawngte a hon khia, nang tawh a kibang kua om ahi hiam?” ka ci ding hi.

Nehemiah 9:32

“‘Tua ahih ciangin tu-in a lian, a vanglian, a kihtakhuai, thuciamna kip takin a len koteʼ Pasian aw, Assiria kumpiteʼ hun a kipan tu ni dongin ka kumpite uh, ka uliante uh, ka siampite uh, ka sanggamte uh, ka pu ka pate uh le ko mi khempeuh tungah hong tung gimnate hong neu ngaihsutsak kei in.

Nehemiah 4:14

Miteʼ launa ka muh ciangin, uliante, mi ukte le mi khempeuh tungah, “Amaute kihta kei un. Na sanggamte, na tapate, na tanute, na zite uh le na inn na lote uh adingin hong dosak, a lian a kihtakhuai Topa phawk un,” ka ci hi.

Thu-hilhkikna 32:31

Bang hang hiam cih leh i galteʼ pasian eiteʼ Pasian bang hi lo a, i galteʼ thungetna a mawkna ahi hi.

Paikhiatna 9:14

Bang hang hiam cih leh leitung khempeuh ah kei tawh a kibang khat beek om lo hi, ci-in na theih nadingin hih hunin na inn sung tawng dong le na nasemte le na miteʼ tungah ka gimnate khempeuh kong tungsak ding hi.

1 KORIN MASA 8:6

eite adingin Pasian khat bek, Pa khat bek a om hi. Ama adingin i nuntakna pa, na khempeuh a piangsak pa ahi hi. Eite tungah nuntakna a hong pia, na khempeuh a piangsak Topa Jesu Khris khat bek a om hi.

Jeremiah 10:16

Jakobʼ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

1 KHANG TANGTHU MASATE 16:25

Bang hang hiam cih leh Topa lian mahmah a, nakpi takin phat ding ahi hi; pasian khempeuh sangin lamdang sak zawk ding ahi hi.