Jeremiah 10:15 - Tedim Bible Revision 2017

¹⁵ Kimanna a nei lo, a haihuaipi hi a, gim a kipiak ni ciangin a kisia ding uh hi.

Tedim Bible

¹⁵ Kiman’na nei lo, a haihuaipi hi a, a kidaantah ni ciangin a kisia ding uh hi.

Jeremiah 10:15 Referans Kwoze

Jeremiah 14:22

Gamdang pasian zuauteʼ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa koteʼ Pasian aw, nangmah in tuate khempeuh hih na hih manin nangma sungah lametna kong nei uh hi.

Isaiah 41:24

A taktakin note bangmah na hi kei uh a, na nasepnate uh a mawkna ahi hi. Note a hong teelpa a etsathuai ahi hi.

Jeremiah 51:18

Kimanna a nei lo, a haihuaipi hi a, gim a kipiak ni ciangin a kisia ding uh hi.

Zekhariah 13:2

Tua ni ciangin gam sung panin milim khempeuh ka phiatsiang dinga, kuamah in a milim min nangawn uh phawk kha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.

Jonah 2:8

Kimanna a nei lo milim a biate in nangmah hong taisan uh hi.

Jeremiah 8:19

Ngai un, gam sung mun khempeuh ah ka miteʼ tanute kap uh a, “Zion khua ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawngkik a, “Bang hangin milim bawl tawmte le a gamdang milimte uh tawh kei hong hehsak ahi uh hiam?” a ci hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuang thei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawn khia ding uh hi, Topa in kong ci hi.

Sawltak 14:15

“Lawmte aw, bang hangin hih bangin gamta na hi uh hiam? Kote pen note mah bangin mihing ka hi lel uh hi. Bangmahin a kimang lo hih milimte na biakna uh panin kihei-in, vantung, leitung, tuipi le tuate tung le a sunga om khempeuh a bawl a nungta Pasian na biak nadingun Lungdamna Thu note kiangah a gen dingin hih lai ah a hong om ka hi uh hi.

Jeremiah 10:11

Amauteʼ tungah, “Vantungte le leitung a bawl lo pasian-te, leitung mun khempeuh panin a mangthang ding uh hi,” ci-in na gen ding hi.

Jeremiah 10:8

A mipilte uh mihai mi mawl ahi uh hi. Sing milim in amaute bangci-in hilh thei mah ding ahi hiam?

Isaiah 41:29

Amaute khempeuh zuaupi vive hi a, amauʼ nasepnate a mawkna ahi hi. A kisung amauʼ milimte pen huih hawmpi bang ahi uh hi.

1 SAMUEL MASA 12:21

Meetna hong pia thei lo, hong hon thei lo, a mawkna milimte biakna lamah pial kei un; bang hang hiam cih leh tuate pen a mawkna ahi hi.

Thu-hilhkikna 32:21

Amaute in pasian ahi lote tawh ka hazat nading hong bawl uh a, a milimte uh tawh kei hong hehsak uh hi. Tua ahih ciangin mi-a a gen taak lo mite tawh amauteʼ hazat theih nading ka bawl dinga, a hai mahmah minam khat tawh amaute ka hehsak ding hi.

Jeremiah 18:15

Ahih hangin ka mite in kei hong mangngilh khin uh a, milim pasian-te kiangah paknamtui a hal uh hi. Amauʼ tot ding lampi ah tuk uh ahih manin a tot ngei uh lampi lui zui nawn loin, lampi lopi a tawn uh hi.

Hosea 9:7

Gim thuakna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Noteʼ mawhna hang le note in kei nong muhdah luat manun, “Hih kamsang pa mihai hi; hih thumu pa lungsim kicing lo hi,” nong ci uh hi.

1 SAMUEL MASA 5:4

Ahih hangin a zing ciang zingsang tungin amaute a thawh uh ciangin Topaʼ Thuciamna Singkuang mai leilak ah Dagon na maipuk leuleu a, Dagon lutang le a khut tegel kitan khia-in sangkil gei ah om a, Dagon a pumpi bek om lai hi.

Late 115:9

Israel-te aw, Topa muang un. Amah pen note hong huhpa le hong hupa ahi hi.

Isaiah 57:12

Nangma gamtatna a manin na ngaihsun kha hi. Ahih hangin na gamtatnate ka pholak dinga, na milimte in nang hong huh zo lo ding hi.

Jeremiah 43:12

Egypt pasian-te a kibiakna biakinnte hal dinga, a pasian-te uh halin a pua khia ding hi. Tuucingte in a puan tung uh a om khahte paai-in a siansak uh bangin amah in Egypt gam siangsak dinga, tua khit ciangin ngaihmuang takin a ciahkik ding hi.

Jeremiah 50:2

“Gam khempeuh ah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawp ta hi. A milimte uh maizum ta a, a pasian-te uh kisia gawp ta hi,’ ci-in taangko un.