Jeremiah 10:13 - Tedim Bible Revision 2017

¹³ Amah a pau ciangin vantungah tuite ging hunhun a, leimong panin tui khu a suaksak hi. Guahzuk nadingin khua phiasak a, huihkua panin huih a nungsak hi.

Tedim Bible

¹³ Amah a pau ciang vantungah tuite ging hunhun-a, leimong panin tuikhu a suaksak hi. Guah zuk nadingin khua phiasak a, a saal sung panin huih a nung sak hi.

Jeremiah 10:13 Referans Kwoze

Late 135:7

Amah in leimong panin meiipi kaisakin, guahzuk nadingin khuaphialepte bawl a, a huihkua panin huih a pusuaksak hi.

JOB (Job) 38:22

“Vuk a kikoihna munah nang va lut ngei a, gial a kikhopna mun va mu ngei na hi hiam?

Late 18:13

Topa zong vantungah awng a, Sangpen pa in gialpi le mei-am ahi ama aw hong gingsak hi.

Late 147:8

Amah in vanpite meiipi tawh tuamin, leitung adingin gun bawl a, mualte tungah lopa a posak hi.

Late 135:17

Amaute in bil nei napi, khua za thei lo uh hi. Amauteʼ kam sungah nak suk nak toh theihna nei lo uh hi.

1 KUMPI MASATE 18:41

Tua ciangin Elijah in Ahab kiangah, “Pai to inla, an ne-in tui dawn in; bang hang hiam cih leh guahpi huging om hi,” a ci hi.

Paikhiatna 9:23

Tua ciangin Moses in vantung lamah a ciangkhut a zan hi. Topa in van gingsakin gialpi kiasak a, leitungah keek kia suk hi. Topa in Egypt gam sungah gialpi zusak hi.

Zekhariah 10:1

Singkung lopa a sel hunin Topa kiang pan guah ngen un. Meii kaisakin, guah zusak a, ankung khempeuh a dumsak pa, Topa ahi hi.

Piancilna 2:5

Topa Pasian in leitungah guah zusak nai lo a, leitang a kho ding mi om lo ahih manin gam sung kungnote lei sungah om nai lo a, lo sung ankungte po khia lo hi.

Late 104:13

A sangna mun na omna panin mite tungah guah na zusak a, nangma thupha tawh leitung a kidim hi.

Jeremiah 51:16

Amah a pau ciangin vantungah tuite ging huhu a, leimong panin tui khu a suaksak hi. Guah zuk nadingin khua phiasak a, a saal sung panin huih a nungsak hi.

Amos 4:13

Bang hang hiam cih leh mualte bawlin huihte a piangsak pa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpaʼ min, Topa, Vanglian Pasian ahi hi.

Jeremiah 5:24

A lungsim sung uh ah, ‘A huna guah hong zusak a, tuk guah, khal guah hong pia a, anlak hun ding a hong sehsak den Topa i Pasian zahtak ni,’ a ci kei uh hi.

Jeremiah 14:22

Gamdang pasian zuauteʼ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa koteʼ Pasian aw, nangmah in tuate khempeuh hih na hih manin nangma sungah lametna kong nei uh hi.

Jeremiah 19:12

Topa in kong cih in ah, hih mun le hih mun a teeng mite tungah tu-a bangin ka hih dinga, hih khuapi Tofeth ka bangsak ding hi.