Jeremiah 1:8 - Tedim Bible Revision 2017

⁸ Amaute kihta kei in; bang hang hiam cih leh nangmah a hong hu dingin ka hong ompih hi, Topa in kong ci hi,” hong ci hi.

Tedim Bible

⁸ Amaute kihta kei in, bang hang hiam cih leh nangmah hong dal dingin kong ompih hi, Topa in kong ci hi,” hong ci hi.

Jeremiah 1:8 Referans Kwoze

Joshua 1:5

Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei dinga, kong nusia kei ding hi.

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuh ah Topa na Pasian nang tawh hong om hi,” a ci hi.

Isaiah 51:7

“Thuman a thei, na lungsim sung uh ah keima thu a vom mite aw, ka thu ngai un. Mihingteʼ kosiatna kihta kei unla, amauteʼ hong simmawhna hangin lungkia kei un.

Thu-hilhkikna 31:6

Thahat unla, hang un. Lau kei unla, amaute kihta kei un. Bang hang hiam cih leh note tawh hong pai pa pen Topa na Pasian uh ahi hi. Note hong cimawhsak lo dinga, hong nusia lo ding hi,” a ci hi.

Sawltak 4:13

Uliante in Peter le Johan a han mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesu tawh a kikhawl khin ngeite ahihna uh a phawk uh hi.

Thu-hilhkikna 31:8

Na mai ah a pai pa pen Topa ahi hi. Amah in nang hong ompih dinga, nang hong cimawhsak loin, zong hong nusia lo ding hi. Lau kei inla, lungkia kei in,” a ci hi.

Paikhiatna 3:12

Amah in, “Nang tawh kong om taktak ding hi. Hih pen nangma adingin nangmah kong sawlna lim hi ding hi: Nangmah in Egypt panin mihingte na paikhiatpih khit ciangin, nang in hih mual tungah Pasian na bia ding hi,” a ci hi.

Sawltak 18:10

Hih khua sungah keima mi tampi om a, nang hong ompih ka hih manin kuamah in nang bangmah hong cih lo ding hi,” a ci hi.

Isaiah 43:2

Tuite na kantan ciangin nang kong ompih dinga, gunte na kantan ciangin tui in hong tuum lo ding hi. Mei kantanin na pai ciangin na kaang kei dinga, meikuangte in nang hong kaang tum lo ding hi.

Sawltak 26:17

Israel mite le Gentail mite lakah nang kong sawl dinga, amaute in nang hong suksiat loh nadingun ka hong kem ding hi.

Sawltak 4:29

Tua ahih ciangin Topa aw, amaute in kote hong tawnnate thei inla, nangma nasem kote in lungsim han mahmahna tawh nangma thu ka gen theih nadingun hong huh in.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 10:26

“Tua ahih manin kuamah kihta kei un. A kiseelte khatvei teitei kimu dinga, thusimte khatvei teitei thulang suak ding hi.

Jeremiah 20:11

Ahih hangin Topa pen a kihtakhuai galhang pa bangin kei tawh hong om khawm gige hi. Tua ahih manin kei hong bawlsiate tuk ding uh a, kei hong zo lo ding uh hi. A tawntung a a mindaina uh kimangngilh ngei lo ding hi.

Jeremiah 1:17

Tua ahih manin Jeremiah aw, kithawi in. Pai inla kong sawl khempeuh amaute kiangah va gen in. Amaute kihta kei in; na kihtak leh amauʼ mai ah kong lausak zaw lai ding hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Efesa 6:20

Pasianʼ thu genin taangmi ka sepna hang mahin sikkhau khihna thuakin thong kia ka hih manin ka hilh dingin a kilawm bangin hang takin ka gen ngam nadingin thu hong ngetsak ta un.

Jeremiah 1:19

Amaute in nangʼ lang khat ah hong do ding uh hi. Ahih hangin a hong zo kei ding uh hi; bang hang hiam cih leh Topa in kong cih in ah, nangmah a hong hu dingin ka hong ompih ding hi,” a hong ci hi.

Jeremiah 30:11

Bang hang hiam cih leh Topa in kong cih in ah, a hong hon khia dingin note kong ompih hi. Note ka hong thehthangna gamte khempeuh ka susia dinga, ahih hangin note kong susia kei ding hi. A kilawm zahin kong thuhilh dinga, gim pia loin kong mawk nusiat kei ding hi.

Jeremiah 39:11

Babylon kumpipa Nebukhadnezzar in kei tawh kisai-in kumpi cing galkap mangpa Nebuzaradan thu pia a,

Jeremiah 42:11

Na kihtak uh Babylon kumpipa kihta nawn kei un. Topa in kong cih in ah, lau nawn kei un. Bang hang hiam cih leh ama khut sung pan a hong hon khia ding le a hong la khia dingin keimah in note kong ompih hi.

Daniel 3:17

Mei phualpi sung panin a hong hon khia thei pasian a om leh ka biak Pasian uh hi dinga, na khut sung panin a hong hon khia ding hi.

Daniel 3:25

“Tua ahihleh bang hangin meikuang sungah mihing li a kawi paipai mu ka hi hiam? Amaute lah kihencip lo a, liam zong liam tuak beek lo uh hi. A lina pen pa hoh pasian-te khat tawh a kibang hi,” ci-in a dong hi.