Jeremiah 1:7 - Tedim Bible Revision 2017

⁷ Ahih hangin Topa in, “‘Naupang khat ka hi lel hi,’ ci kei in; bang hang hiam cih leh kong puakna khempeuhte kiangah na pai dinga, kong sawl peuhpeuh na gen ding hi.

Tedim Bible

⁷ Ahih hangin Topa in, “‘Naupang khat ka hi lel hi,’ ci kei in; bang hang hiam cih leh kong puakna khempeuhte’ kiangah na pai ding a, kong sawl peuhpeuh na gen ding hi.

Jeremiah 1:7 Referans Kwoze

Gamlak-vakna 22:20

Tua zanin Balaam kiangah Pasian hong pai-in, “Nangmah a sam dingin mite hong pai ahihleh, tho inla amaute zui in. Ahih hangin nang kong sawl teng bek na hih ding hi,” a ci hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Ezekiel 3:27

Ahi zongin nang kong hopihkik ciangin kong pau theisakkik dinga, amaute kiangah, ‘Topa Pasian in hih bangin ci hi,’ na ci ding hi. Tua ciangin mi pawl khat in na thu hong ngai ding uh a, ahi zongin amaute pen a lehdo thei minam ahih uh manin pawl khat in na thu hong ngai lo ding uh hi,” a hong ci hi.

2 KHANG TANGTHU NIHNATE 18:13

Ahih hangin Mikaiah in, “Topa a nungta ahih mah bangin, ka Pasianʼ gen thu bek ka gen ding hi,” a ci hi.

1 KUMPI MASATE 22:14

Ahih hangin Mikaiah in, “Topa a nungta ahih mah bangin, Topa in kei tungah hong gen thu ka gen ding hi,” a ci hi.

Gamlak-vakna 22:38

Balaam in Balak kiangah, “En in, na kiang hong tung ing! Thu khatpeuh ka gen theih nading vangliatna nei ka hi hiam? Pasian in hong sawl thu bek ka gen ding hi,” a ci hi.

Sawltak 20:27

Bang hang hiam cih leh note tungah Pasianʼ thu kong gen loh khat zong om nawn lo hi.

1 KUMPI MASATE 3:7

Tu-in, Topa ka Pasian aw, kei pen naupang no khat hi napi-in ka pa Davidʼ munah kumpi-in na nasem pa nong koih hi. Bangci gamtatin bangci nasep ding cih ka theih khat zong om lo hi.

Jeremiah 7:27

“Tua ahih manin Jeremiah aw, hih thute amau kiangah na va gen dinga, ahih hangin amau in a hong ngai kei ding uh hi. Amaute na sap hangin a hong dawng kei ding uh hi.

Ezekiel 2:7

Amaute in hong mang a, hong mang kei zongin, nang tungah kong gen khempeuh amaute tungah va gen in. Amaute pen a lehdo thei mi ahihna uh phawk in.

Amos 7:15

Ka tuucinna panin Topa in kei hong sam khia a, ama mi Israel-te tungah thugen dingin a hong sawl hi.

Paikhiatna 6:29

Topa in Moses kiangah, “Kei pen Topa ka hi hi. Na tunga kong gen khempeuh Egypt kumpipa Faroʼ tungah gen in,” a ci hi.

Jeremiah 26:2

“Topa in kong cih in ah, Topaʼ biakinnpi huang sungah va ding inla, Topaʼ biakinnpi sungah a bia dinga a hong pai Judah gam khuapite khempeuh kiangah gen dinga kong sawl khempeuh va gen in. Kam khat beek im kei in.

Jeremiah 43:1

Topa Pasian in mi khempeuh kiangah a hong sawl hih thu teng ka gen khit ciangin

Jonah 3:2

“Kithawi inla, a lian mahmah Nineveh khuapi ah va pai-in kong gen sa thu taangko in,” a ci hi.