Jeremiah 1:6 - Tedim Bible Revision 2017

⁶ Tua ciangin keimah in, “Ah, Topa Pasian aw, kei thugen ka siam kei a, naupang khat ka hi lel hi,” ka ci hi.

Tedim Bible

⁶ Tua ciangin keimah in, “Ah, Topa Pasian aw, en dih in! Thu gen ka siam kei hi; bang hang hiam cih leh naupang khat ka hi lel hi,” ka ci hi.

Jeremiah 1:6 Referans Kwoze

Paikhiatna 6:12

Ahih hangin Moses in Topa kiangah, “En in, Israel mite nangawn in ka thu hong ngai lo uh hi. Tua ahih ciangin bangci-in thugen siam lo keima thu, Faro in hong ngai ding ahi hiam?” a ci hi.

Jeremiah 32:17

‘Topa Pasian! Nangma vangpi le na khut tawh vantung le leitung na bawl khinzo hi. Nang adingin a haksa lua khat beek om lo hi.

Paikhiatna 6:30

Ahih hangin Moses in Topa kiangah, “En in, kei pen thugen a siam lo mi ka hi hi. Tua ahih ciangin bangci-in Faro in ka thu hong ngai ding ahi hiam?” a ci hi.

Jeremiah 14:13

Tua ciangin keimah in, “Ah, Topa Pasian aw, en dih in. Kamsangte in amaute kiangah, ‘Note in namsau ahi zongin, kial ahi zongin na mu kha ngei kei ding uh a, hih munah Pasian in lungnopna kip hong pia ding hi,’ a ci uh hi,” ka ci hi.

Paikhiatna 4:1

Tua ciangin Moses in dawngin, “Ahih hangin amaute in kei hong um loin ka thu hong ngai lo ding uh hi. Bang hang hiam cih leh amaute in, ‘Nang tungah Topa hong kilang lo hi,’ hong ci ding uh hi,” a ci hi.

Jeremiah 4:10

Tua ciangin keimah in, “Ah, Topa Pasian aw, nangmah in hih mite le Jerusalem khua mite khem cihtakin na khem khinzo hi. Bang hang hiam cih leh amau kiangah, ‘Nopna hong om ding hi,’ ci napi-in, amau a sunlum dingin namsau khat a om gige hi,” ka ci hi.

Isaiah 6:5

Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kam a ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka teeng kha hi. Vanglian Topa, Kumpipa ka mu kha khinta hi,” ka ci hi.

Ezekiel 4:14

Ahi zongin kei zong ka dawngkik a, “Topa Pasian aw, cikmahin kei ka kininsak ngei kei hi. Ka neu tung a kipan tu dongin ama thu-in a sitawm ganhing sa ahi a, gamsateʼ nek baang ahi zongin ka ne ngei kei hi. A ninin a kiseh an khat peuhpeuh ka ne ngei nai kei hi,” ka ci hi.

Zekhariah 2:4

Tua ciangin vantungmi a masa pa in a dawntuah pa kiangah, “Va tai inla, tehna khau a tawi tangvalpa kiangah hih thu va gen in. Jerusalem khua sungah mihing le ganhing tam mahmah ding ahih manin Jerusalem kulh huam sungah ta zo lo ding uh hi.

Jeremiah 34:6

Kei zong hih thu teng khempeuh Jerusalem khua-a Judah kumpi Zedekiah kiangah ka gen hi.