Jeremiah 1:5 - Tedim Bible Revision 2017

⁵ “Gil sungah kong bawl ma-in nang kong thei khinzo hi. Na suah ma-in nang kong teel khia khinzo a, minam dangte tungah kamsang dingin kong koih khinzo hi,” hong ci hi.

Tedim Bible

⁵ “Gil sungah kong bawl ma-in nang kong thei khin zo hi; na suah ma-in kong teelkhia khin zo a, minam dangte’ tungah kamsang dingin kong koih khin zo hi,” hong ci hi.

Jeremiah 1:5 Referans Kwoze

Late 139:16

A kipiangsak nai lo keima pumpi nate na mit in a mu hi. Ka pumpi nate khat beek a om ma, ka ni zah ding a kiciangtan laitakin, tuate khempeuh na laibu sungah kigelh khin hi.

Isaiah 49:1

Tuipi gei-a om gamte aw, ka thu ngai un. Gamlapi-a om mihingte aw, ka thu ngai un. Ka suah ma-in Topa in kei hong teel a, ka nu sungah ka om lai-in amah in keima min hong pulak khin hi.

ROM (Romans) 8:29

Pasianʼ Tapa mi khempeuh lakah a upa pen a suah theih nadingin Pasian in a teel kholh sa mite, a Tapa tawh a kibang dingin a seh sa ahi hi.

Isaiah 49:5

Ama kiangah Jakob kipaipihkikin, ama kiangah Israel-te a kikaihkhop theih nadingin Topa’ mai ah kei hong kipahtawi a, Pasian pen keima thahatna suakin, ama nasem dingin ka nu sung panin keimah a hong piangsak Topa in tu-in thu hong gen hi.

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasem pa Jakob aw, ka teel sa Israel aw, lau kei in.

Luka 1:41

Elizabeth in Mary’ hopihna awging a zak ciangin a sunga a naupaii a hong diang hi. Elizabeth zong Kha Siangtho tawh hong kidim a,

Luka 1:76

“Nang, ka tapa na hi a, Lianpen Pasianʼ kamsang pa hong kici ding hi. Ama pai nading lampi a bawl khol dingin Topaʼ mai ah na mapai ding hi.

Paikhiatna 33:17

Topa in Moses kiangah, “Nangma gen sa hih thu mahmah keimah in ka hih ding hi. Bang hang hiam cih leh ka muhna ah nang in maipha na ngah zo a, na minin nang kong thei hi,” a ci hi.

Jeremiah 1:10

Gam khempeuh le kumpi khempeuhteʼ tungah a bot khia ding le a phel khia dingin ahi zongin, a susia ding le a lawn khia dingin ahi zongin, a lam ding le a phut dingin ahi zongin, tu ni-in za, nang kong pia zo hi,” hong ci hi.

Paikhiatna 33:12

Moses in Topaʼ kiangah, “Thei in; nangmah in keima kiangah, ‘Hih mite paipih to in,’ nong ci hi. Ahih hangin kei tawh nong sawl khop ding mi kei nong theisak nai kei hi. Ahi zongin nangmah in, ‘Na minin nang kong thei a, ka mai ah maipha zong na mu khin hi,’ nong ci khin hi.

Luka 1:15

Topaʼ muhna ah amah mi lian khat hi ding hi. Amah in leenggahzu ahi a, khamtheih zu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasianʼ teelna tawh sawltak ahi, Jesu Khrisʼ sila keimah Paul in lai ka hong khak hi.

Jeremiah 50:34

Ahih hangin amaute a hon khia pa hat mahmah a, Vanglian Topa kici hi. Amah in leitungah kilemna a omna ding le Babylon mite in gimna a ngah nadingin, amaute adingin a sem ding hi.

Efesa 1:22

Pasian in Khrisʼ khe nuai ah na khempeuh koih a, thu khempeuh ah pawlpiʼ lutang dingin Khris a bawl hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasianʼ Tapa ka hi hi,’ ka cih ciangin bang hangin Pasian simmawh bawl hong cithei na hi uh hiam?

1 KORIN MASA 8:3

Mi khat in Pasian a it leh Pasian in tua mipa a na thei hi.

Late 139:15

A thukna sung mun simtham ah kei hong kikhui tuahin hong kibawl laitakin, ka guh ka taang, na mai ah kiliah lo hi.

Jeremiah 1:4

Topa in kei hong hopih a,

Jeremiah 25:13

Tua gam a siat nading ka gen sa thute khempeuh hih laibu sungah kigelh a, Jeremiah in gam khempeuhteʼ kiangah a gen hi. Tuate khempeuh ka tungsak ding hi.

Jeremiah 36:2

“Laizial khat la inla, tua sungah Josiah kumpi a suah kum, nang kong hopih masak hun a kipan tu ni ciang dong Israel gam le gamdang khempeuhteʼ lang khat ah ka thugente khempeuh gelh in.

Jeremiah 20:15

Ka pa kiangah, “Tapa khat na nei hi,” ci-in va ko-in a lungdamsak pa in gimna thuak tahen.