Jeremiah 1:18 - Tedim Bible Revision 2017

¹⁸ En in, hih gambup langah a ding ding, Judah kumpite, uliante, siampite le hih gam mi khempeuh langah a pang dingin tu ni-in nang, khuapi muanhuai khat bang ahi zongin, sikkhuampi khat bangin ahi zongin, sumngo kulhpi khat bangin ahi zongin kong bawl hi.

Tedim Bible

¹⁸ En in, hih gambup langah ding dingin, Judah kumpite, uliante, siampite leh hih gam mi khempeuh langpan’ dingin tu ni-in nang, khuapi muanhuai khat bangin ahi zongin, sik khuampi khat bangin ahi zongin, sumngo kulhpi khat bangin ahi zongin kong bawl hi.

Jeremiah 1:18 Referans Kwoze

Isaiah 50:7

Topa Pasian in kei hong huh hi. Tua ahih ciangin cih nading thei loin ka om kei hi. Tua ahih manin ka thuak tentan a, hong maizumsak lo ding hi, ci-in ka thei hi.

Jeremiah 15:20

Hih mite tungah sumngo a kibawl khua kulhpi kong bangsak dinga, amaute in a hong sim uh hangin a hong zo kei ding uh hi. Bang hang hiam cih leh a hong hon khia ding le a hong suaktasak dingin nang ka hong ompih hi, Topa in ka hong ci hi.

Jeremiah 6:27

Jeremiah aw, ka mite a ze-et dingin nang kong koih hi. Ze-et inla, a om dan uh thei in.

Jeremiah 37:7

“Topa ahi Israel miteʼ Pasian in kong cih in ah: Keiʼ tungah thu a hong dongsak Judah kumpipa kiangah hih bangin na va gen ding hi: ‘En in, nang hong huh dingin a hong pai Faro kumpipaʼ galkapte a gam uh ah ciahkik ding uh hi.

Jeremiah 38:2

Keimah in mite kiangah, “Topa in hong cih in ah: Hih khuapi sungah a om mi peuhmah namsau tawh ahi a, kial tawh ahi a, pulnatna tawh ahi zongin a si ding uh hi. Ahih hangin pusuak khia-in Babylon mite a beel peuhmah nungta dinga, suakta liailiai ding uh hi.

Jeremiah 42:22

Tua ahih manin na ten nopna mun uh ah namsau tawh thahna, kial le pulnatna tawh sihna na thuak ding uh hi, ci-in tu-in tel takpi-in thei ta un,” ka ci thuah lai hi.

Jeremiah 34:3

Ama khut sung panin na suakta kei dinga, hong kimanin ama khut sungah nang hong kipia taktak ding hi. Nang le Babylon kumpipa maitang kimu-in na kiho ding uh a, Babylon khua ah na pai ding hi.

Jeremiah 21:4

“Zedekiah kiangah hih bangin na genkik un, ‘Topa, Israel miteʼ Pasian in a genin ah: En un, khua kulhpi pua lamah a hong umcih Babylon kumpipa le Khaldea mite na dona uh ahi, na khut sung uh a na kep na galhiamte uh bangmahin a kimang lo ka suaksak dinga, amaute khempeuh hih khuapi laizang ah kong paipih ding hi.

Johan 1:42

Tua ciangin Jesu kiangah a u Simon a paipih hi. Jesu in amah enin, “Nang pen Johanʼ tapa Simon na hi hi. Tu a kipanin Sifas hong kici ding hi,” a ci hi. Sifas pen Peter tawh a kibang hi a, suangtum a cihna ahi hi.

Jeremiah 38:18

Ahih hangin Babylon kumpipaʼ uliante na belh kei leh Babylon kumpipaʼ khut sungah hih khuapi kipia dinga, amau in mei tawh halin amauteʼ khut sung pan na suakta kei ding hi,” ka ci hi.

Mangmuhna 3:12

A gualzote pen ka Pasianʼ sutpi-in ka bawl dinga, amaute paikhia ngei nawn lo ding uh hi. Amaute tungah ka Pasianʼ min le ka Pasian kiang vantung panin a hong pai suk ding Jerusalem khua thak min ka gelh dinga, amaute tungah keima min thak zong ka gelh ding hi.

Jeremiah 1:17

Tua ahih manin Jeremiah aw, kithawi in. Pai inla kong sawl khempeuh amaute kiangah va gen in. Amaute kihta kei in; na kihtak leh amauʼ mai ah kong lausak zaw lai ding hi.

Jeremiah 1:19

Amaute in nangʼ lang khat ah hong do ding uh hi. Ahih hangin a hong zo kei ding uh hi; bang hang hiam cih leh Topa in kong cih in ah, nangmah a hong hu dingin ka hong ompih ding hi,” a hong ci hi.

Jeremiah 15:10

Gimna ka thuak hi; ka nu aw, gam sung khempeuh a mite tawh a kitawng a kiseel dingin kei nong suaksak hi. Ka sumte kuamah lah leitawisak loin kuama-aʼ lah leitawi la lo napi, a vekpi-un kei hong hamsiat teitei uh hi.

Jeremiah 26:24

Ahih hangin Shafanʼ tapa Ahikam in Jeremiah hu ahih manin thah dingin miteʼ khut sungah kipia lo hi.

Jeremiah 20:11

Ahih hangin Topa pen a kihtakhuai galhang pa bangin kei tawh hong om khawm gige hi. Tua ahih manin kei hong bawlsiate tuk ding uh a, kei hong zo lo ding uh hi. A tawntung a a mindaina uh kimangngilh ngei lo ding hi.