Jeremiah 1:16 - Tedim Bible Revision 2017

¹⁶ Ka mite in kei hong taisan uh ahih manin a mawhna uh hangin amauʼ tungah thu ka khen ding hi; pasian dangte tungah meihal biakna pia uh a, a khut uh tawh a bawl sa uh milimte a bia uh hi.

Tedim Bible

¹⁶ Ka mite in kei hong taisan uh ahih manin a mawhna uh hangin amau’ tungah thu ka khen ding hi; pasian dangte meihal biakna a pia uh a, a khut uh tawh a bawlsa milimte a bia uh hi.

Jeremiah 1:16 Referans Kwoze

Jeremiah 19:4

Bang hang hiam cih leh hih mite in kei hong taisan khinzo uh a, amaute a kipanin a pu a pate uh le Judah kumpiteʼ theih ngei loh pasian dangteʼ kiangah paknamtui halin, hih mun a ninsak uh hi. Hih mun pen mawhna nei lo mite thahna sisan tawh dimsak uh a,

Jeremiah 7:9

Note in na gu-in, tual thatin, angkawmin, ahi lopi kiciamin, Baal kiangah meihal biakna pia-in, na theih ngei loh uh pasian dangte delhin,

Sawltak 7:41

Tua ahih manin amaute in bawng no tawh a kibang lim khat bawl uh a, ganhing tawh tua milim bia-in, amauteʼ bawl tawm pasian hangin lungdamin pawi a na bawl uh hi.

Isaiah 2:8

Amauʼ gam sung milimte tawh kidim a, amauʼ khut tawh a bawl sate uh amaute in a bia uh hi.

Thu-hilhkikna 28:20

“Note in Topa na nusiat uh a, na gamtat siat uh leh, note sia-in na sih mang khit matengun Topa in note tungah samsiatna, buaina, cihmawhnate hong tungsak ding hi.

Hosea 11:2

Amaute kilim sap semsem leh ka maitang pan gamla pai semsem hi. Ka mite in Baal tungah biakna pia uh a, milim biakna-in paknamtui a hal uh hi.

Hosea 8:6

Israel sunga om mi khat in tua milim bawl a, tua milim pen Pasian hi lo hi. Samaria mite in a biak milim kisuzan ding hi.

Jeremiah 44:17

Ahih hangin ka ciam sa uh bangin kote, ka pute ka pate, ka kumpite uh le kumpi uliante in Judah gam khuapite le Jerusalem khua kongzing lakah ka hih ngei uh bangin vantung kumpinu kiangah paknamtui halin tui dawn biakna ka hih zaw ding uh hi. Bang hang hiam cih leh ka tua cih uh ciangin an tampi ka nei uh a, hau-in gimna zong ka thuak kei uh hi.

Jeremiah 17:13

Aw Topa, Israel miteʼ lamet pa aw, nang a hong taisan mite a zahhuai ding uh hi. Nang a hong lehngat san mite leivui lak a min gelh bangin a mangthang uh hi. Bang hang hiam cih leh nuntakna ciktui ahi Topa a hong taisan zo uh hi.

Jeremiah 4:12

Ka sawl huih pen tua bang dingin hat lua ding hi. Tu-in Topa in amaute tungah thu khenin a gen hi,” kici ding hi.

Isaiah 37:19

amauteʼ pasian-te pen meikhuk sungah paihsak khin hi. Bang hang hiam cih leh tuate pen pasian hi loin miteʼ khut tawh a kibawl sing le suangte ahi uh hi. Tua ahih ciangin tuate kisusia hi.

2 KUMPI NIHNATE 22:17

Bang hang hiam cih leh amaute in kei hong nusia-in pasian dangte tungah paknamtui hal uh a, amau khut tawh a bawl milimte tawh kei hong hehsak uh ahih manin hih mun tungah ka hehna so dinga, ka hehna dai lo ding hi.

Joshua 24:20

Topa nusia-in gamdang pasian-teʼ na na sep uh leh, note tungah a hoih hong bawl khit ciangin amah hong kihei-in noteʼ tungah siatna hong bawlin note hong beisak ding hi,” a ci hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hi ta hi. Nang na om nawn loh ciangin hih mite pen na paina uh mite lakah a gam sung pasian-te uh tawh paktat ding uh a, amaute in kei hong nusia-in amaute tawh ka bawl ka thuciamna uh siasak ding uh hi.

Ezekiel 24:14

Topa ahi keimah in thu ka gen khin hi. Tu-in ka gamtat hun ding hong tung ta hi. Kong kiphawkmawh bawl nawn kei dinga, ki-ip nawn loin, zong kong khasiat ngaihsut kei ding hi. Na gamtatna bangin gim hong kipia ding hi, Topa Pasian in ci hi,” a hong ci hi.

Jeremiah 51:17

Mi khempeuh hai-in pilna nei lo hi khin uh a, kham seekte khempeuh in a milim uh a maizumlawh uh hi. Bang hang hiam cih leh a milim uh zuau hi lel a, nak thei lo hi.

Jeremiah 16:11

Tua ciangin nangmah in amaute kiangah, ‘Topa in, “Na pu na pate un kei hong taisan khin uh a, kei hong nusia-in ka thukham a zui kei uh hi.

Jeremiah 15:6

Nangmah in kei nong taisan zo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ip zo nawn kei hi.

Jeremiah 11:17

Israel mite le Judah mite in meihalna tawh Baal bia-in hong hehsak uh a, hih bang siatna bawl uh ahih manin, amaute a phut keimah Vanglian Topa in amauteʼ tungah siatna a tun nading thu ka pia zo hi,” hong ci hi.

Jeremiah 11:12

Tua ciangin Judah mite le Jerusalem khua mite in meihal biakna tawh a biak uh a pasian-te uhʼ kiangah pai-in a va thum ding uh hi. Ahih hangin hih gimna hong tun ciangin a hon khia thei tuan kei ding uh hi.

Jeremiah 10:15

Kimanna a nei lo, a haihuaipi hi a, gim a kipiak ni ciangin a kisia ding uh hi.

Jeremiah 5:29

“Hih thute hangin amaute gim pia lo ding ka hi hiam, Topa in ka ci hi. Hih bang minamʼ tungah thukkik lo ding ka hi hiam, ka ci hi.

Jeremiah 5:9

Hih thute hangin amaute gim pia lo ding ka hi hiam? Topa in ka genin ah, hici bang minam tungah thukkik lo ding ka hi hiam?

Jeremiah 4:28

Tua thu hangin leitung kap dinga, vantung mial ding hi. Bang hang hiam cih leh ka gen sa, ka khensat sa hi a, ka kisik loh bangin ka lungsim zong ka kheelkik kei ding hi,” a ci hi.

Jeremiah 2:17

Israel aw, Topa na Pasian in lampi ah hong makaih laitakin amah na nusiat manin nang tungah hih bang teng hong tung hi lo ahi hiam?

Jeremiah 2:13

Bang hang hiam cih leh ka mite in mawhna nam nih a bawl zo uh hi. Nuntakna ciktui ahi keimah a hong taisan zo uh hi. Tuikhuk to tawm uh a, a tuikhuk tawh uh keu-in, tui a vung thei kei hi.

Isaiah 65:3

ka maitang ah a tawntungin kei hong hehsak denin, biakna huan sungah biakpiakna bawlin dawibiakna tau tungah paknamtui a hal mite,

Isaiah 44:15

Tua ciangin tua kung pen mi khat adingin mei sing a suak hi. Amah in tua sing kim khat la-in khua lum nadingin mei-in cih a, amah in mei tawhin moh a em hi. Amah in pasian khat zong bawlin bia a, amah in milim khat bawlin tua milim mai ah a kun hi.

2 KHANG TANGTHU NIHNATE 34:25

Amaute in amauʼ gamtatna tawh kei hong hehsak theih nadingun amaute in kei hong nusia-in pasian dangte tungah paknamtui hal uh ahih manin hih mun tungah ka hehna kisungin dai lo ding hi.

2 KHANG TANGTHU NIHNATE 15:2

Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om lai teng uh note tawh Topa hong om hi. Amah na zon uh leh amah na mu ding uh a, ahih hangin amah na nusiat uh leh amah in note hong nusia ding hi.

2 KHANG TANGTHU NIHNATE 7:19

Ahih hangin note kihei-in, na mai uh ah ka koih sa ka thukhamte le ka thupiaknate nusia a, pai-in pasian dangteʼ na semin tuate na biak uh leh,

Joel 2:11

Ama mihonpite tam mahmah uh ahih manin amaute thu pia-in a mai uh ah Topa awng a, ama thupiakna bangin a semte hat mahmah uh hi. Topaʼ ni ding kihtakhuai mahmah ahih manin a thuak zo ding kua om ding ahi hiam?

Mangmuhna 9:20

Hih gimna tawh a si lo midangte pen amauʼ gamtatna sa panin kikhelkik nuam lo uh hi. Dawi a biaknate uh, khua a mu thei lo, khua a za thei lo, lam a pai thei lo ngun, kham, sumngo, suang le sing a kibawl milim a biakte uh khawl tuan lo uh hi.

Jeremiah 2:28

“Note-aʼ dinga na bawl uh na pasian-te uh koi ah om ahi hiam? Haksatna na tuah uh ciangin a hong hon thei ahihleh kihonsak ta un; bang hang hiam cih leh Judah gam aw, na khuapi zahzah uh pasian na nei tazen uh hi.

Jeremiah 10:3

Hih miteʼ ngeinate a kimanna om lo hi. Gamlak ah sing khat kiphuk a, khutsiam pa in a hei tawh milimin a bawl hi.

2 KHANG TANGTHU NIHNATE 28:2

Israel kumpiteʼ khekhap zui zaw hi. Amah in a kisung milimte nangawn Baal-te adingin a bawl hi.

Jeremiah 2:19

Na gitlohna mah in nangmah hong thuhilh dinga, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam het loin kha velval hi, cih thu thei inla mu in, Vanglian Topa Pasian in ka hong ci hi.

Jeremiah 7:17

Judah gam khuapite sung le Jerusalem khua kongzing lakah bang hih uh cih mu lo na hi hiam?

Jeremiah 7:18

Naupangte in sing tomin, a pate un mei tawh uh a, nupite in a nusian uh vantung kumpinu ading moh bawlna ding annel meek uh a, kei hong hehsak nadingun, pasian dangteʼ dawn dingin leenggahzu tawh biakna a pia tazen uh hi.

Jeremiah 18:15

Ahih hangin ka mite in kei hong mangngilh khin uh a, milim pasian-te kiangah paknamtui a hal uh hi. Amauʼ tot ding lampi ah tuk uh ahih manin a tot ngei uh lampi lui zui nawn loin, lampi lopi a tawn uh hi.

Ezekiel 16:18

Nang ka hong piak, a kizem a kiphan puan hoihte la-in milimte na silhsak a, nang ka hong piak oliv thau le paknamtuite, milim biakna-in na zang hi.