Jeremiah 1:10 - Tedim Bible Revision 2017

¹⁰ Gam khempeuh le kumpi khempeuhteʼ tungah a bot khia ding le a phel khia dingin ahi zongin, a susia ding le a lawn khia dingin ahi zongin, a lam ding le a phut dingin ahi zongin, tu ni-in za, nang kong pia zo hi,” hong ci hi.

Tedim Bible

¹⁰ Gam khempeuh leh kumpi khempeuhte’ tungah a botkhia ding leh a phelkhia dingin ahi zongin, a susia ding leh a suankhia dingin ahi zongin, a lam ding leh a phut dingin ahi zongin, tu ni-in za, nang kong pia zo hi,” hong ci hi.

Jeremiah 1:10 Referans Kwoze

Jeremiah 31:28

Amaute a kibetkhiat nading le a kitap zan nading ahi zongin, a kisuankhiat nading le a kisiat nading ahi zongin ka vaihawm mah bangin, Topa in ka cih in ah, amaute a kilam nading le a kiphuh nadingin ka vaihawm ding hi.

Ezekiel 36:36

Tua ciangin noteʼ kimkot ah a om a suakta lai minam dangte in a sia sa khuapite lamkikin, a kinusia lote a puahkik pa pen Topa ahi keimah ka hihna thu hong thei ding uh hi. Topa ahi keimah in hih thu ka gen khin a, ka gen bangin ka gamta ding hi.

Jeremiah 24:6

Amaute limtakin ka kem dinga, hih gamah ka lakik ding hi. Amaute ka khangtosak dinga, ka susia kei ding hi; ka suan dinga, ka bot khia kei ding hi.

Amos 9:11

Tua ciangin inn tawh kibangin a sia sa David ukna gam keimah in ka puahkik dinga, a vang teng hu-in, a sia teng ka puahkik dinga, a nidang a a ngeina lui mah uh ka bangsakkik ding hi.

Amos 3:7

Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Zekhariah 1:6

Ahi zongin ka nasem ahi kamsangteʼ tungtawnin ka hilhkholhna le ka thupiaknate in note dongin hong su kha lo ding sa na hi uh hiam, ka ci hi. Tua ahih ciangin a tawpna ah amaute kisik uh a, hih dinga ka lungsimah ka geel sa bangin amauʼ gamtatna tawh kizui-in gim a pia ka hihna thu a phawk uh hi,’ ci in,” a ci hi.

Ezekiel 32:18

“Mihing ahi Ezekiel aw, Egypt mi tampiteʼ hangin kapin thum in. Misiteʼ omna Leinuai gamah a vanglian minam dangte tawh amaute paisak in. Amaute kiangah hih bangin ci in:

Ezekiel 43:3

Hih ka maangmuhna pen, Pasian in Jerusalem khuapi a susia dingin a pai lai a ka muh leh Khebar Gun gei-a ka muh tawh kibang hi. Tua ciangin thakhatin leilak kidenna-in ka bok suk hi.

1 KUMPI MASATE 19:17

Jehu in Hazaelʼ namsau panin a suakta peuhpeuh that ding hi. Elisha in Jehuʼ namsau panin a suakta peuhpeuh that ding hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Jeremiah 1:5

“Gil sungah kong bawl ma-in nang kong thei khinzo hi. Na suah ma-in nang kong teel khia khinzo a, minam dangte tungah kamsang dingin kong koih khinzo hi,” hong ci hi.

Jeremiah 25:13

Tua gam a siat nading ka gen sa thute khempeuh hih laibu sungah kigelh a, Jeremiah in gam khempeuhteʼ kiangah a gen hi. Tuate khempeuh ka tungsak ding hi.

Jeremiah 31:40

Misi luanghawmte le vutte a kibuakna kuam buppi le Kidron lui phak ma-a loteng khempeuh tawh, tua panin nisuahna lam a Sakol Kongpi kiu ciang dong, Topa adingin mun siangtho a suak ding hi. Cikmah ciangin tua khuapi kisusia nawn lo dinga, a kisuan khia ngei nawn kei ding hi,” a ci hi.

Jeremiah 36:2

“Laizial khat la inla, tua sungah Josiah kumpi a suah kum, nang kong hopih masak hun a kipan tu ni ciang dong Israel gam le gamdang khempeuhteʼ lang khat ah ka thugente khempeuh gelh in.

Jeremiah 44:27

En un, amaute tungah hoihna tung loin siatna a tun nadingin keimah in ka bawl ding hi. Egypt gamah a om Judah mi khempeuh namsau le kialpi tawh si ding uh a, khat beek a suakta kei ding uh hi.

Jeremiah 45:4

“Topa in nang tungah hih bang a gen dingin hong sawl hi: En in, keimah in ka lam sate ka phelkik a, ka phuh sate ka bot khiakik hi. Keimah in leitung buppi tua bangin ka hih ding hi.

Ezekiel 21:19

“Mihing ahi Ezekiel aw, Babylon kumpipa a namsau tawh hong kuan theih nading lampi nih ciaptehna bawl in. Tua lampi nihte pen gam khat panin a kipan khawm ding ahi hi. Tua lampi a katna munah ciaptehna khat phut in.

Ezekiel 23:36

Topa in kei kiangah thu hong gen a, “Mihing ahi Ezekiel aw, Oholah le Oholibah tungah thukhen dingin na kithawi nai hiam? A gamtat hoih lohna teng uh amaute tungah gen in.

Hosea 6:5

Tua ahih manin note a hong thuhilh ding le note a hong taii dingin ka kamsangte kong sawl hi. No ka miteʼ gamtat ding ka deih zia kitel sinsen hi.

Thuhilh-sia 3:3

Gawh hun om a, khoi hun om hi. Phel hun om a, lam hun om hi.