Jeremiah 1:1 - Tedim Bible Revision 2017

¹ Benjamin gam Anathoth khua-a siampi khat ahi Hilkiahʼ tapa Jeremiahʼ thugente hih bang ahi hi.

Tedim Bible

¹ Benjamin gam Anathoth khua-a siampi khat ahi, Hilkiah’ tapa Jeremiah thu gente hih bang ahi hi.

Jeremiah 1:1 Referans Kwoze

Ezekiel 1:3

Tua Babylon gam Khebar Gun gei ah ka om laitakin siampi Buziʼ tapa keimah Ezekiel in Topaʼ hong thugenna ka za a, ama vangliatna zong kei tungah a hong tunna ka phawk hi.

Jeremiah 11:21

Tua ahih manin kei hong that nuamin, “Topaʼ min tawh thu hilh kei in. Na hilh leh koteʼ khutlumin na si ding hi,” a hong ci Anathoth khua mite tawh kisai-in

2 KHANG TANGTHU NIHNATE 36:21

Tua sungin Israel leitang in a sabbath-te a kicingin na tang hi. Kamsang Jeremiah tungtawnin Topaʼ thugen a tun nadingin kum sawm sagih a cin nadingin leitang a kinusiat sung khempeuh leitang in sabbath tawlngakna a nei ahi hi.

1 KHANG TANGTHU MASATE 6:60

Tua ciangin Benjamin minamteʼ gam sung panin Geba a lo nona gamte tawh, Alemeth a lo nona gamte tawh le Anathoth a lo nona gamte tawh ahi hi. Amauʼ beh khempeuhʼ khuapite sawm le thum ahi hi.

Amos 7:10

Bethel ah a om siampi nasem Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gam sung siasak ding hi.

Amos 1:1

Tekoa khua-a a teeng tuucingte lakah Amos a kici mi khat om hi. Uzziah pen Judah kumpi hi-in Joashʼ tapa Jeroboam in Israel kumpi a sep laitak, zinlin ma kum nih hun laitakin Pasian in Amos tungah hih thute kilangsak hi.

Isaiah 1:1

Judah gam kumpi ahi Uzziah, Jotham, Ahaz le Hezekiah-teʼ hun lai-in Amozʼ tapa Isaiah in Judah gam le Jerusalem khua tawh kisai a maangmuhnate:

Isaiah 2:1

Judah gam le Jerusalem tawh kisai thu Amozʼ tapa Isaiahʼ muhna hih bang ahi hi:

Mattiu 2:17

Hih bangin thu hong pian ciangin kamsang pa Jeremiah in,

Mattiu 16:14

Amaute in, “Pawl khat in Tuiphumpa Johan hi, hong ci uh hi; pawl khat in Elijah hi, hong ci uh hi; pawl khat in Jeremiah ahih kei leh kamsang khat peuhpeuh hi ding hi, hong ci uh hi,” ci-in a dawng uh hi.

Mattiu 27:9

Tua ahih manin kamsang Jeremiah in, “Israel mite pawl khat in ama man dingin a seh tua ngun peek sawm thum la uh a,

1 KUMPI MASATE 2:26

Tua ciangin siampi Abiatharʼ kiangah kumpipa in, “Nangma mun le nangma gam a omna Anathoth ah ciah in; bang hang hiam cih leh na sih ding a kilawm ahi hi. Ahih hangin nangmah in ka pa Davidʼ mai ah Topa Pasian’ Thuciamna Singkuang na puakna le ka paʼ gimna ah na gim khopna hangin tutungin nang kong that kei ding hi,” a ci hi.

2 KHANG TANGTHU NIHNATE 35:25

Jeremiah in zong Josiahʼ hangin kah la a phuak hi. Numei lasate le pasal lasate khempeuh in tu ni dongin amauʼ kahna ah Josiah tamlawh uh hi. Amaute in Israel sungah hih thu biakna ngeina kipin a bawl uh hi. Kah la sungah tuate kikhum hi.

2 KHANG TANGTHU NIHNATE 36:12

Topa a Pasianʼ muhna ah amah a sia gamta hi. Topaʼ kammal a gen sawn kamsang Jeremiah mai ah amah kiniamkhiat lo hi.

Ezra 1:1

Persia kumpi Sairasʼ uk kum khatna kumin, Jeremiah tungtawnin Topaʼ thugen a tun theih nadingin, ama gam sung khempeuh ah taangkona khat bawlin lai-in zong a gelh nadingin Persia kumpi Sairasʼ lungsimah Topa in a suaksak hi. Amah in hih bangin a hih hi:

Isaiah 10:30

Gallim khua mite aw, nakpi takin kiko un! Laisah khua mite aw ngai un! Anathoth khua mite aw, amah dawng un!

Jeremiah 29:27

Bang hangin note kiangah thu a hong hilh Anathoth khuami Jeremiah tai lo na hi hiam?

Daniel 9:2

Amah kumpi a suah a kum masa kumin keimah Daniel in, Topa in kamsang Jeremiah tungah Jerusalem kum sawm sagih sung kisia ding hi, ci-in a genna thu ngaihsunin biakna laibute ka sim hi.

Ezra 2:23

Anathoth khuami - za khat sawm nih le giat ahi hi.

Jeremiah 30:1

Topa in hong hopih a,

Jeremiah 37:12

Tua laitakin kei zong Jerusalem khua panin ka behte kiangah ka gamhluah teeng a la dingin Benjamin gamah a pai dingin ka ding khia hi.