Jeim 5:16 - Tedim Bible Revision 2017

¹⁶ Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihteʼ thungetna in vang nei a, na lianpi sem zo hi.

Tedim Bible

¹⁶ Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

Jeim 5:16 Referans Kwoze

Paunak 15:29

Topa in midikteʼ thungetna ngai a, migiloteʼ thungetna thudon lo hi.

Mattiu 21:22

Upna na neih nak uh leh na nget peuhpeuh uh na ngah ding uh hi,” a ci hi.

Johan 9:31

Pasian in thukham a palsat miteʼ thu ngai lo a, amah bia-in, ama deih bangin a gamta miteʼ thu ngai hi, ci-in ko ka thei uh hi.

Late 34:15

Topaʼ mit in thuman miteʼ lam en a, amauʼ kikona lamah a bil a ngat hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khris mahmah in eiteʼ mawhna ama pumpi mahmah tawh singlamteh tungah a pua hi. B

Jeremiah 33:3

Kei nong sap leh kong dawngkik dinga, na theih ngei nai loh a ki-imcip thu lianpite kong gen ding hi.

1 JOHAN MASA 3:22

Ama thupiaknate zui-in ama lungkim nadingin gamta ihih manin ama kiang panin i nget peuhpeuh i ngah hi.

Paunak 15:8

Topa in migiloteʼ biakpiakna kihhuai sa a, thuman miteʼ thungetna ah lungdam hi.

Sawltak 19:18

Thu a um midang tampi tak zong hong pai uh a, mipiʼ zakin a gamtatna sate khempeuh uh hong pulak uh hi.

1 THESALONIKA MASA 5:17

thu ngen niloh unla,

JOB (Job) 42:8

Tu-in bawngtal sagih le tuutal sagih la-in Job kiangah paipih unla, note adingin biakpiakna-in nei un. Job in note adingin thu hong ngetsak dinga, keimah in ama thungetna ka pia ding hi. Noteʼ haina zahin kong minsiasak kei ding hi. Note in Jobʼ gen bangin keima thu a manin na gen kei uh hi,” a ci hi.

Piancilna 20:17

Tua ciangin Abraham in Pasianʼ tungah thu ngen a, Pasian in Abimelek a damsak hi. Amaute in ta a neih theih nadingin a zi le a sila numeite zong a damsak hi.

Paunak 28:9

Mi khat in thukham a zuih nop kei leh ama thungetna nangawn Pasian in zakthadah huai sa hi.

2 KHANG TANGTHU NIHNATE 30:20

Tua ciangin Topa in Hezekiahʼ thungetna pia-in miteʼ mawhna maisak a, gimna ngahsak lo hi.

Gamlak-vakna 11:2

Tua ciangin Mosesʼ zak dingin mite kiko uh hi. Moses in Topaʼ tungah thu ngen a, mei a mit hi.

Hebru 12:13

Bai luangluangin a paite, na guh na taang uh a kipelh loh nadingin lampi tang zui-in na pai un.

1 THESALONIKA MASA 5:25

Sanggamte aw, kote ading thu hong ngetsak un.

Mattiu 3:6

Amaute in a mawhnate uh hong pulak uh a, Johan in Jordan Gun sungah amaute a tuiphum hi.

Hebru 13:18

Kote adingin thu hong ngetsak niloh un. A tawntungin na a manin sepnopna lungsim nei ka hih manun ka lungsim uh ah kisuanna om loin siang mahmah hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasianʼ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

ROM (Romans) 5:19

Mi khat in thu a man loh manin mi tampi mimawh a suahsak mah bangin mi khat in thu a manna hangin mi tampi in Pasian tawh kipawl theihna a ngah ding uh ahi hi.

ROM (Romans) 3:10

Lai Siangtho sungah zong, “Pasianʼ muhna ah mi man kuamah om lo a,

Joshua 10:12

Tua ciangin, Topa in Israel mite tungah Amor mite a piak ni-in Joshua in Topa tungah thu gen a, amah in Israel miteʼ muhna ah, “Ni aw, Gibeon ah, Kha aw, Aijalon Kuam ah khawlcip in,” a ci hi.

Hebru 11:4

A upna hang mah tawh Abel in Kainʼ piakna sangin a san theih huai zaw biakpiakna Pasianʼ tungah a na pia hi. Pasian in ama biakna na sang ahih manin a upna hangin mihoih hi, ci-in Pasianʼ pahtakna a na ngah hi. Abel a sih zawh a sawtpi hi khin napi-in tu dong mahin upna thu a hong gengen lai a suak hi.

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

Piancilna 19:29

Pasian in kuam sunga khuapite a suksiat lai-in, amah in Abraham phawk a, amah in Lotʼ teenna khuapite a suksiat ciangin tua bang a suksiatna sung panin Lot sawl khia ahih manin a suakta ahi hi.

Jeremiah 15:1

Tua ciangin Topa in kei hong hopih a, “Moses le Samuel nangawn ka mai ah hong dingin hong thum uh zongin hih mite ka hehpih tuan kei ding hi. Ka muhna panin hawl khia unla, pai khiasak un.

1 KUMPI MASATE 13:6

Tua ciangin kumpipa in Pasianʼ mipa kiangah, “Tu-in Topa na Pasianʼ maipha kunh inla, ka khut a ngei a bat nadingin thu hong ngetsak in,” a ci hi. Tua ciangin Pasianʼ mipa in Topaʼ tungah kunh hi. Tua ciangin kumpipaʼ khut a ngei bangkik a, a nidang a mah hong bang hi.

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilaii khinzo a, na zo hi,” a ci hi.

Piancilna 20:7

Tua ahih ciangin tu-in mipaʼ zi piakik in. Bang hang hiam cih leh amah, kamsang khat hi a, amah in nang adingin thu hong ngetsak dinga, nang na nungta ding hi. Ahih hangin nang in tua numei na piakkik kei leh nang le na mi khempeuh na sih taktak ding uh thei in,” a ci hi.

1 SAMUEL MASA 12:18

Tua ahih ciangin Samuel in Topaʼ tungah thu ngen a, Topa in tua ni-in van gingsakin guah zusak hi. Tua ciangin mi khempeuh in Topa le Samuel nakpi takin a zahtak uh hi.

Paikhiatna 17:11

Moses in a khut a sansak lai teng Israel mite in zo a, a khut a niamsak ciangin Amalek mite in zo hi.

Paikhiatna 9:33

Tua ahih ciangin Faroʼ kiang pan khuapi pua lamah Moses paikhia a, Topaʼ lamah a khut zanin thu a ngen hi. Van ging le gialpi tawp pah a, leitungah guah bua nawn lo hi.

1 THESALONIKA MASA 5:23

Nopsakna a hong pia Pasian in na khempeuh ah sianthona le kicinna hong pia henla, na kha uh, na nuntakna uh le na pumpi uh hoihtakin hong kem henla, i Topa Jesu Khris hong pai ciangin mawhna khat zong a nei het lo dingin hong bawl tahen.

Kolose 1:9

Tua bangin noteʼ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasianʼ deihna na theihtheih nadingun ka hong ngetsak uh hi.

Luka 9:6

Nungzuite zong kuan khia uh a, khua khempeuh ah pai-in Lungdamna Thu hilh uh a, a paina khempeuh uh ah cinate a damsak uh hi.

2 SAMUEL NIHNA 19:19

kumpipa kiangah, “Ka to kumpipa in Jerusalem na nusiat ni-in na nasem paʼ gamtat khialhna ka topa in hong mawhsak kei inla, hong ciamteh kei in; kumpipa in ngaihsutin nei kei in.

1 SAMUEL MASA 12:17

Tu hun pen mangbuh lak laitak hi lo ahi hiam? Amah in vanging le guah hong puak theih nadingin Topaʼ tungah thu ka ngen ding hi. Note adingin kumpi khat na ngetna uh hangin Topaʼ muhna ah na gamtatna sa na gitlohna uh a liatna thu thei-in na mu ding uh hi,” a ci hi.

Jeremiah 42:2

kei kiangah, “Kong thumna uh hong ngai inla, a hong kinusia ko teng adingin Topa na Pasian kiangah thu hong ngetsak in. Bang hang hiam cih leh khatvei lai-in mi tampi ka hih uh hangin tu-in nong muh bangin mi tawmno khat bek ka hi ta uh hi.

Marka 1:5

Johanʼ thuhilhna a ngai dingin Jerusalem khua a kipan Judea gam sunga om mi khempeuhte a hong pai uh hi. Amaute in a mawhnate uh va pulak uh a, Jordan Gun sungah Johan in amaute a tuiphum hi.

Sawltak 8:24

Tua ciangin Simon in Peter le Johan kiangah, “Tu-a na thugente uh kei tungah khat beek hong tun loh nadingin thu hong ngetsak un,” a ci hi.

1 SAMUEL MASA 1:12

Topaʼ mai ah thungenin a om laitakin Eli in tua nuʼ kam na en hi.