Jeim 5:11 - Tedim Bible Revision 2017

¹¹ Tua bangin a thuak mite a hampha mahmah hi, i ci hi. Job in a thuakna ah a lungduaina na thei uh a, Topa in dikna le hehpihna nei ahih manin a tawpna ah Job tungah a piak thuphate na thei uh hi.

Tedim Bible

¹¹ En un, a thuak zo mite in thupha a ngah mite a hi uh ci-in i gen hi. Job’ thuakna thu na za zo uh hi. Pasian in ama thu a zawh khit ciangin a hehpih theih mahmahna thu zong na thei zo uh hi.

Jeim 5:11 Referans Kwoze

Jeim 1:12

A hoih takpi mah hiam, ci-in sinna a thuak ciangin a nang zote a hampha mahmah ahi hi. Tua bangin a nang zote in, amah a itte tungah Pasian in a piak dingin a ciam nuntakna lukhu a ngah ding uh hi.

Paikhiatna 34:6

Ama mai ah Topa pai-in, “Topa, Topa, hehpihna nei-in a dik Pasian; lungduai-in itna kip le thutakna tawh a dim;

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

2 PETER NIHNA 2:9

Tua ahih manin Topa in tua bang mihoihte a gimna uh panin suaktasakin, tua bang migilote Thukhen Ni hun dongin gimna pia-in a koihcip theih nading siamna a nei hi.

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmah in, itna kip le thumanna tawh a kidim na hi hi.

JOB (Job) 2:10

Ahih hangin amah in a zi kiangah, “Numei haiteʼ kampau bangin na pau hi. Pasianʼ tung panin a hoih sang ihih ciangin siatna zongsang lo ding ihi hiam?” a ci hi. Hih thu khempeuh ah a kampau nangawnin Job khial lo hi.

1 PETER MASA 1:13

Tua ahih manin na lungsim uh ki-ukin a kiging sa-in om unla, Jesu Khris hong kilat ni ciangin na ngah ding uh hehpihna thupha ngaihsutin nei un.

Luka 6:36

Tua ahih manin na Pa un hehpihna a neih bangin note in zong hehpihna lungsim nei ta un.

Kah la 3:22

A bei thei lo Topaʼ hong itna le a hehpihna a kizom paisuak hi a,

Late 103:8

Topa dikin hehpihna tawh kidim a, heh hakin, a lian mahmah itna kip tawh a kidim hi.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Hebru 3:14

A kipat tungin i neih lungmuanna kip takin i let ciat nakleh i vekpi-in Khris tawh pawl khat ihi hi.

Efesa 2:4

Tua bang hi napi-in Pasianʼ hong hehpihna le eite hong itna lian mahmah ahih manin,

Micah 7:18

Topa aw, nang tawh a kibang Pasian dang om lo a, a om lai na miteʼ mawhna nangmah in na maisak hi. Nang na heh paisuak kei a, na itna kip nong lak hi.

1 KHANG TANGTHU MASATE 21:13

Tua ciangin David in Gad kiangah, “Keimah in lungkhamna lianpi khat ka tuak hi. Ama hehpihna lian mahmah ahih manin Topaʼ khut sungah hong puksak inla, mihingʼ khut sungah hong puksak kei in,” a ci hi.

Hebru 3:6

Ahi zongin Khris pen Pasianʼ inn sung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasianʼ inn ihi hi.

Efesa 1:6

Ama it Tapa hangin hih bangin letsong hong pia ahih manin a vanglian ama hong hehpihna hangin Pasian phat ni.

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawk kha loin, a migitna, a lungduaina, a hong thuaknate neu ngaihsut kha na hi uh hiam?

Luka 1:50

amah a zahtak mite tungah a khangkhangin hehpihna a lak hi.

Jonah 4:2

Topaʼ kiangah thu ngen a, “Kong thum hi, Topa aw; ka gam sungah ka om lai pekin hici mah in teh, ci hi lo ka hi hiam? Hanciamin Tarshish khua ah ka tai simna zong tua hang mah ahi hi; bang hang hiam cih leh nang pen a hehpih thei Pasian, a heh hak, a migi mahmah, siatna tunsak ding a kisik nuam Pasian na hihna kong thei hi.

Joel 2:13

Na dah taktakna uh lungkhamna tawh langsak unla, na puante uh a bal kek bek hi kei un,” hong ci hi. Topa, noteʼ Pasian kiangah ciahkik un. Amah migi mahmah in hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

Isaiah 63:9

Vantung miteʼ hotkhiat hi loin, Topa mahmah in amaute hon khia hi. A itna le a hehpihna tawh amaute hon khia a, amah in a beisa hun khempeuh ah amaute hoihtakin a kem hi.

Isaiah 63:7

Topa’ itna kip, Topa phatnate, Topa in eite tungah a hong piak khempeuh tawh a kizui leh, ama hehpihna le a lianpi ama itna kip tawh a kizui-in amaute tunga a piak, Israel innkuan tungah ama hoihna lianpite ka gengen ding hi.

Thuhilh-sia 7:8

Thu khatpeuh a kipatna sangin a tawpna hoih zaw a, kiphatsakna sangin lungduaina hoih zaw hi.

Late 119:132

Nangmah hong itte tungah na hih ngei bangin kei lamah hong kihei-in kei hong hehpih in.

Late 116:5

Topa dikin thuman a, i Pasian in hehpihna nei hi.

Late 103:13

Pa in tate a hehpih bangin Topa in amah a zahtakte hong hehpih hi.

Late 94:12

Topa aw, migilote adingin gum khat a kitawh hun mateng, haksat hun sungteng a tawlngak theih nadingin na thukham na hilh mi, na thuhilh mi, mi nuamsa ahi hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Late 78:38

Ahi zongin amah in hehpihna lungsim nei ahih manin amauʼ khialhnate maisakin, amaute susia lo hi. Amah in a hehna ip zelzel a, a hehna khempeuh phong khia lo hi.

Late 37:37

Paubaang lo mi ciamteh inla, thutang mi en in; bang hang hiam cih leh gal a phuang lo mi adingin nopna a om hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et leh ka sianthona a mu ding hi.

JOB (Job) 1:2

Amah in tapa sagih le tanu thum nei hi.

Nehemiah 9:17

Amaute in thu mang nuam lo uh a, amaute lakah na bawl nalamdangte ngaihsun kha lo uh hi. Amaute lungkhauh niloh uh a, a salsuahna uh Egypt ah a paipihkik dingin makai khat seh uh hi. Ahi zongin nang pen mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

2 KHANG TANGTHU NIHNATE 30:9

Bang hang hiam na cih uh leh Topaʼ lamah note na kilehkik uh leh, na sanggamte uh le na tate un amau a manteʼ tung panin hehpihna ngahin hih gamah hong ciahkik ding uh hi. Bang hang hiam cih leh Topa na Pasian uh dikna le hehpihna a nei hi a, ama lamah na kiheikik nak uh leh note kiang panin a maitang hei khia lo ding hi,” ci-in a gen uh hi.

Daniel 9:9

Nang pen hehpihna tawh kidimin mawhna na maisak a, ahih hangin kote in nang ka hong langpan uh hi.

Late 145:8

Topa dikin hehpihna nei a, heh hak mahmah in itna kip lianpi a nei hi.

Late 51:1

Pasian aw, nangma itna kip om bangin kei hong hehpih inla, na hehpihna lian om bangin ka thu palsatnate hong phiatkhiatsak in.

Nehemiah 9:31

Ahi ta zongin na hehpihna lian hangin amaute beisak loin, zong na nusia kei hi; bang hang hiam cih leh dikna le hehpihna a nei na hi hi.

JOB (Job) 1:1

Uz gamah Job kici min nei mi khat a om hi. Tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah peel hi.

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

1 PETER MASA 3:14

A hoihin na gamtat manun gimna na thuak uh leh zong Pasian in thupha hong pia ding hi. Mite kihta kei unla, lunghihmawh ngaihsut kei un.

Luka 11:10

Bang hang hiam cih leh a ngente khempeuh in ngah dinga, a zongte khempeuh in mu dinga, a kiute khempeuh adingin kong kihon ding hi.