Jeim 1:9 - Tedim Bible Revision 2017

⁹ Miniamte in liatna a ngah ciangin lungdam uh hen.

Tedim Bible

⁹ Mi kiniamsak sanggamte in a ngah a san’ na uhah kilungdamsak thei ta uh hen.

Jeim 1:9 Referans Kwoze

Paunak 19:1

Zuau genin mihai hihna sangin citakin zawn khiukheuna hoih zaw hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Mangmuhna 2:9

Na lungkhamnate uh le na zawnnate uh ka thei hi. A taktakin note a hau na hi uh hi. Jew mi hi lo napi-in Jew mi ka hi uh hi, ci-in note a hong gensiatnate uh ka thei hi. Tua bang mite pen Satanʼ pawlte ahi uh hi.

Luka 1:52

Kumpi vangliante, a tokhom panun khia suk a, mi neute, mi lianin a bawl hi.

Paunak 17:5

A zawngte a simmawh pa in amah a Piangsak pa a simmawh hi a, midangteʼ tuahsiatna ah a lungdam mipa in gim thuak hamtang ding hi.

Late 62:9

Mihingte ahihleh husan bang bek hi a, a lian a neu kibang lel hi. Tawi a kikhai ciangin amaute in leek lo uh a, amaute a kigawmin husan sangin zang zaw hi.

Thu-hilhkikna 15:11

Bang hang hiam cih leh leitang tungah mizawng bei ngei lo ding hi. Tua ahih ciangin, ‘Gam sungah a om na sanggampa, na a kisam mite le mizawngte tungah na cingh mahmah ding uh hi,’ ci-in thu kong pia hi.

Thu-hilhkikna 15:9

Na lungsim uh ah ngaihsutna hoih lo omin, ‘Kum sagihna, maisakna kum hong nai hi,’ ci-in na sanggampa galmi et-in amah bangmah na piak loh uh ciangin na lang khat ah Topaʼ tungah amah kiko-in, no tungah khialhna a suahkhak ding kingaihsun un.

Thu-hilhkikna 15:7

“Topa na Pasian un note hong piak gam sunga na khuate uh khat peuhpeuh sungah na sanggam khat uh note lakah a zawng a om leh na lungsim uh khauhsak loin, na sanggam zawng pa uh huh loin na om kei ding uh hi.

Filippi 3:14

Khris Jesu nasepna tawh vantung nuntakna ah Pasianʼ hong sapna ahi hamphatna ka ngah theih nadingin, a kung lam zuanin tangtakin ka tai hi.

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

ROM (Romans) 8:17

Eite pen ama ta ihih manin mite adingin a koih thuphate i ngah banah Khris adingin a koihte zong i ngahkhawm lai ding hi. Bang hang hiam cih leh Khris in a thuak mah bangin i thuak nakleh amah a minthan mah bangin ei zong i minthang ding hi.

Luka 10:20

Ahi zongin dawite in na thu uh hong manna hangin lungdam kei unla, vantungah na min uh a kigelh manin lungdam zaw un,” a ci hi.

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neu pen pa a lian pen pa ahi hi,” a ci hi.

1 SAMUEL MASA 2:8

Amah in leivui panin mizawngte phong to a, amah in a cimawhte a lungkhamna panun a phong to hi. Uliante tawh tu khawmsak a, minphatna ngahsak hi. Bang hang hiam cih leh leitung khuampite Topa aʼ hi a, tuate tungah amah in leitung pumpi a koih hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Isaiah 29:19

Miʼ nopnehte in Topa’ sungah lungdamna thak ngah ding uh a, Israel-teʼ Siangtho Paʼ sungah mizawngte lungdam ding uh hi.

Luka 14:11

Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi,” a ci hi.