Jeim 1:5 - Tedim Bible Revision 2017

⁵ Pilna kisam na om uh leh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

Tedim Bible

⁵ Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

Jeim 1:5 Referans Kwoze

Johan 15:7

Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi.

2 KHANG TANGTHU NIHNATE 1:10

Hih mite ka uk theih nadingin tu-in pilna le theihna hong pia in; bang hang hiam cih leh hih zahin a tam hih na mite kua in uk zo ding ahi hiam?” a ci hi.

Jeim 3:17

Ahi zongin tung lam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

Johan 14:13

Tapaʼ hangin Pasianʼ pianzia a kilat theih nadingin keima min paulamin na hong nget khempeuh uh kong pia ding hi.

1 JOHAN MASA 3:22

Ama thupiaknate zui-in ama lungkim nadingin gamta ihih manin ama kiang panin i nget peuhpeuh i ngah hi.

Paikhiatna 31:3

Lim hoihte a geel ding; kham, ngun, sumngo tawh na a bawl ding; siamna nam khempeuh ah nasep nading; bulh ding suangte seekna le singzep nasep a sem dingin vangliatna, siamna, pilna, theihna le khutsiam nasep khempeuh tawh amah ka kidimsak hi.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihteʼ thungetna in vang nei a, na lianpi sem zo hi.

Paikhiatna 31:6

En in, amah tawh, Dan minam, Ahisamakʼ tapa Oholiab ka seh khinzo hi. Amaute in nang kong thupiak khempeuh a bawl theih nadingun a hih thei mi khempeuh tungah siamna ka pia khinzo hi.

Johan 4:10

Jesu in, “Pasianʼ hong piak theih dingte le tui dawn ding hong ngen pa thei tel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

1 KHANG TANGTHU MASATE 22:12

Amah in Israel tungah nang hong uksak ciangin Topa na Pasianʼ thukham na zuih theih nadingin Topa in ngaihsut pilna le thutelna nang tungah hong pia tahen.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Mattiu 11:20

Tua ciangin Jesu in nalamdang tampi a bawlna mun khuapi mite kisik nuam lo uh ahih manin taii bawl ding kipan a,

2 KORIN NIHNA 2:16

Tua a nam pen, thu um lo mite adingin mi a sisak thei a nam khauh mahmah hi a, hotkhiatna a ngah mite adingin mi a hingsak thei a namtui mahmah ahi hi. Hih nasep a sem dingin kua kilawm ahi hiam?

Marka 16:14

(Tua khit ciangin a tawpna ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu miteʼ thugen um lo uh ahih manin a lungkhauhna uh le a up lohna hangun amaute a taii hi.

Late 51:6

Nang in nuntakna sungah thumanna na deih hi. Tua ahih ciangin ka lungsim tawng ah ciimna hong hilh in.

Paunak 8:17

Kei hong itte ka it a, kei hong zong peuhmahte in hong mu uh hi.