Jeim 1:4 - Tedim Bible Revision 2017

⁴ A kisam bangmah om loin a cingtaak na suah theih nadingun na thuakna uh hangin a tawntungin na kip paisuak nadingun na ngaihsun un.

Tedim Bible

⁴ Note in a neu kha beek kisam loin na kicin’ nadingun, thuakzawhna lungsim in kicing takin hong bawlpha ta hen.

Jeim 1:4 Referans Kwoze

1 PETER MASA 5:10

Tawl khat na thuak khit uh ciangin, Khris tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl dinga, kipna, thahatna, bulkip kician hong pia ding hi.

Luka 21:19

Hih bangin thuak zo le-uhcin nuntakna taktak ngah ding na hih manun kip takin om un.

Mattiu 5:48

Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

Habakkuk 2:3

Hih thu a tun nading hun hi pah nai lo ahih manin lai-in ciamteh in. Ahi zongin hong tung baih ta dinga, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin ciangin hong tung takpi dinga, zekai lua nawn lo ding hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

Late 40:1

Topa lamenin ka ngak ngiungeu a, amah kei lam hong nga-in ka kikona aw hong za hi.

Late 37:7

Topaʼ mai ah khawl dide inla, lungduai takin ngak in. Ahihna a daupai pa tung le siatna a bawlpa tungah kilung so tawmsak keʼn!

Jeim 3:2

Eite khempeuh a khial thei zelzelte vive ihi hi. Kampauna ah a khial ngei lo mi a om leh a cingtaak mahmah hi a, a pumpi zong a uk zo mi ahi hi.

Jeim 1:5

Pilna kisam na om uh leh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

1 KORIN MASA 2:6

Ahi zongin kha thu lamah a khangham mite tungah pilna thu ka gen hi. Tua ka gen pilna pen tu-in a maimang kuankuan ta ding hih leitung miteʼ pilna le vangliatna thu hi lo hi.

Kolose 4:12

Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

Luka 8:15

Leihoih a tukna munte pen Pasianʼ thu a zak ciangin lungsim tak tawh a thu mangin kip tawntung uh ahih manin amau adingin man a neite a cihnopna ahi hi,” a ci hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

JOB (Job) 17:9

Miteʼ zahtak a a kinei mite in amauʼ ngaihsutna uh man mahmah sa semsem uh hi.

Paunak 4:8

Pilna deih in; mi lianin hong bawl ding hi. Limtakin pom in; pahtawina hong ngahsak ding hi.

2 PETER NIHNA 1:9

Ahi zongin hih bang hoihna a nei lo mite pen mittaw-in a gamla a mu thei lo mite hi a, a mawhna lui uh panin a siang khin ahih lam uh zong a mangngilh ta ahi uh hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pum khat a suah taktak theih nadingun amaute lakah kei ka om a, kei tawh nang na hong om khawm hi.

Luka 18:22

Jesu in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Marka 10:21

Tua ciangin Jesu in itna tawh tua mipa enin, “Na khat bek na kisam lai hi. Pai inla, na neih khempeuh na zuak khit ciangin mizawngte tungah na sum khotte va pia in. Tua hileh vantungah sum na hau ding hi. Tua khit ciangin ka nung hong zui in,” a ci hi.

Mattiu 19:20

Tua ciangin tangvalpa in, “Hihte khempeuh ka zuih sa ahi hi; bang kisam lai ding ka hi hiam?” a cih ciangin

1 THESALONIKA MASA 5:23

Nopsakna a hong pia Pasian in na khempeuh ah sianthona le kicinna hong pia henla, na kha uh, na nuntakna uh le na pumpi uh hoihtakin hong kem henla, i Topa Jesu Khris hong pai ciangin mawhna khat zong a nei het lo dingin hong bawl tahen.