Jeim 1:26 - Tedim Bible Revision 2017

²⁶ Mi khatpeuh in Khristian ka hi hi, ci napi-in kampau a kidop zawh kei leh a mahmah a kikhem tawm hi lel a, ama biakna neih a mawkna ahi hi.

Tedim Bible

²⁶ Mi khat in, “Pasian ka bia hi,” ci-in amah a ki-up hangin ama kam a kham kei leh, tua mi in a kikheem suak a, ama biakna in a mawkna ahi hi.

Jeim 1:26 Referans Kwoze

Efesa 4:29

Na kiho uh ciangin kamguh zang kei unla, na pauna uh a za mite in phattuamna a ngah theih nadingin na-in a kimang kam hoihte bek na pau un.

Late 141:3

Topa aw, keima kam a cing ding khat koih inla, ka mukteʼ kongkhak a vil ding khat koih in.

1 PETER MASA 3:10

Bang hang hiam cih leh Lai Siangtho in, “Nuntak nuam deihin, hunhoih a zang nuamte in kamsia pau kei uh henla, zuau thu gen kei ta uh hen.

Efesa 5:4

A kilawm lo-a kampauna le ciamnuih hoih lo cihte zong na zang kei unla, Pasian tungah lungdamkohna kam na pau zaw un.

Paunak 19:1

Zuau genin mihai hihna sangin citakin zawn khiukheuna hoih zaw hi.

Late 34:13

Siat nading panin na leii kem inla, zuaugenna panin na muk kem in.

Paunak 10:31

Midikte in pilna thu gen uh a, thu hoih lo a genteʼ leii ki-attan ding hi.

Paunak 10:19

Kam tam paute tampi khial a, pau ip theite mipil hi.

Kolose 4:6

Kam na pau uh ciangin miʼ zaknop, miʼ ngaih nop dingin na pau un. Tua hileh na kihopih uh mite khempeuh adingin phattuamna a nei kam a pau na hi ding uh hi.

Jeim 1:22

Nomau kikhem tawmin thu zak bek tawh maisak kei unla, na zak bangun zui-in sem zaw un.

Jeim 1:19

Sanggamte aw, note in na theih ding uh ka deih thu in: Thu kigen khempeuh hoihtakin ngai pahpah un. Ahi zongin pau pahpah kei unla, heh pakpak kei un.

Paunak 16:25

Hoih hi, ci-in i ngaihsut thu khat pen sih theih nading thu na hi zawsop thei hi.

Luka 8:18

Tua ahih ciangin thu na ngaih uh ciangin limtakin kingaihsun un. Bang hang hiam cih leh a nei sa mipa tungah Pasian in pia thuah dinga, a nei lo mipa tung panin them khat nei-a a kingaihsut nangawn lakkhiatsak ding hi,” a ci hi.

Galati 6:3

Mi khatpeuh, bangmah hi lo napi-in amah a kithupi ngaihsut mawkmawk leh amah le amah a kikhem ahi hi.

Paunak 14:12

Mihingte in thuman lampi hi, ci-in a ngaihsutte pen sihna lampi hi kha thei hi.

Thu-hilhkikna 11:16

Midangteʼ hong khemna hangin note kihei-in pasian dangteʼ na semin tuate na biakkhak loh nadingun kingaihsun un.

Galati 2:6

Jerusalem khua-a om makai lian a kinei mite in keiʼ nasepna tawh kisai thu ah bangmah gen thuah ding nei lo uh hi. (Pasian in maitang zahtak tuam nei tuan lo ahih manin hih bangin thu a gen ngam ka hi hi.)

Marka 7:7

Mihingteʼ bawl tawm thukhamte, Pasianʼ thukham zahin mite tungah hilh uh ahih manin, kei hong biak hangun a kimanna om lo hi,’ ci hi.

Isaiah 44:20

Amah pen vut a nete tawh kibang lel hi. A lungsim haina in amah lam pialpih khin a, amah le amah kihon khia thei loin, “Ka khut sungah ka tawi milim pen a zumhuai hi lo ahi hiam?” cih zong phawk thei lo hi.

Paunak 21:26

Mihoih lote in lungkim hun nei loin deih thuah tawntung uh a, mihoihte cingh-in pia khia tawntung uh hi.

1 KORIN MASA 15:2

Keiʼ hong hilh thu pen lungdamna thu ahi hi. Note in kip takin tua lungdamna thu na let nak uh leh hotkhiatna a ngah na hi uh hi. Tua hikeileh na upna uh a mawkna ahi hi.

Mattiu 15:9

Mihingteʼ bawl tawm thukhamte, Pasianʼ thukham zahin mite tungah hilh uh ahih manin kei hong biak hangun a kimanna om lo hi,’ ci hi,” ci-in a dawng hi.

Malakhi 3:14

Note in, ‘Pasianʼ na i sep a mawkna hi. Ama hong sawl bangin i sep hangin bang a kimanna om a, i gamtatna sate hangin i dahna lim, Vanglian Topaʼ mai ah i lah hangin bang phattuamna om ahi hiam?

Isaiah 1:13

Bangmahin a kimang lo piaknate hong paipih nawn kei un. Paknamtui halna ka kih hi. Khadet ni, Sabbath ni le thupi takin na kikhopnate uh mawhna tawh kidim ahih manin keʼn ka thuak zo kei hi.

1 KORIN MASA 15:15

Tua bek zong hi lo lai-in, misite a kihingkiksak lo ding hileh Pasian in Khris hingkiksak hi, ci-in teci pang ka hih manun, mite kiangah Pasianʼ thu a man lopi-in a gen ka suak ding uh hi.

Paunak 16:10

Kumpipa in thuman genin thu a khen ciangin khial ngei lo hi.

Paunak 15:2

Mipilte in pilna thu gen a, mihaite in haina thu gen hi.

Late 32:9

A kamkaih tawh uk lohin a phamawh, thutheihna a nei lo, sakol le la bang kei in.

Jeim 2:20

Lawmte aw, gamtatna in a zui lo upna pen a hawmpi ahihna thu kong lak ding hi.

Galati 3:4

A beisa huna na tuah sa uh thute khempeuh a mawkna suak khin zen ding ahi hiam? Tawm khat beek phattuamna hong pia thei tei dingin ka um hi.

Galati 2:9

Makai a kinei James, Peter le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasem khawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

1 KORIN MASA 3:18

Note khatpeuh hih leitung ngeina ah a pilin na kingaihsut uh leh a pil taktak na hih theih nadingun a hai na suak phot un.

JOB (Job) 15:13

Pasianʼ tungah a heh na hi a, amah a simmawh na hi hi.

JOB (Job) 30:11

Pasian in hong zawngkhalsak, hong cimawhsak ahih manin amaute in a ututun kei hong bawlsia uh hi.