Jeim 1:10 - Tedim Bible Revision 2017

¹⁰ Mihaute zong a niam uh ciangin lungdam veve uh hen. Lopa pak bangin a mangthang veve ding ahi uh hi.

Tedim Bible

¹⁰ Sumhau sanggam in kiniamsakna a thuakna ah kilungdamsak thei ta hen. Bang hang hiam na cih uh leh, amah in lopa paak bangin mangthang hi.

Jeim 1:10 Referans Kwoze

1 PETER MASA 1:24

Tua ahih manin Lai Siangtho sungah, “Mihingte, lopa tawh kibang a, a minthannate uh lopa pak tawh kibang hi. Lopate vulin paakte pulh a,

1 JOHAN MASA 2:17

Leitung nate le leitung deihnate a beibei ding hi ta a, ahi zongin Pasianʼ deihna bangin a gamta mite pen kip tawntung ding hi.

JOB (Job) 14:2

Amaute paak bangin khangin keu pak uh a, niliim bangin pai hanhanin, mangthang uh hi.

1 TIMOTI MASA 6:17

Tu hun a a hau mite kisathei kha loin, a kip lo hauhnate muan le suanin nei kha loin, eite in nuam takin i zat theih dingin citna tawh a hong pia Pasian a muan a suan nadingun na hilh in.

Mattiu 5:3

“Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.

1 KORIN MASA 7:31

leitung na nuam takin a zangte pen a zang lo mah bangin kingaihsun ta uh hen. Bang hang hiam cih leh hih leitung pen sau veipi kip nawn lo ding hi.

Late 103:15

Eite ihih leh i nuntakna pen lopa tawh kibang a, lo lai ah a po paakte bangin a palh hi.

Jeim 4:14

Zing ciangin na nuntakna uh bangci ding cih nangawn na thei kei uh hi. Meiilum tawl khat sung kaii-in a mangthang pak tawh a kibang lel na hi uh hi.

Mattiu 6:30

Tua ahih ciangin tu ni-in hingin, a zing ciang mahin meikhuk ah a kikhultum lel hih gamlak lopate Pasian in puansilh guan ahihleh note hong lim guat zaw ding ahih manin na upna uh a neu mahmah ahi hi.

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

Isaiah 40:6

Awging khat in, “Kiko in!” hong ci hi. Tua ciangin keimah in, “Bang thu kiko ding ka hi hiam?” ka ci hi. “Mi khempeuh, lopa bang hi a, ama hoihnate khempeuh gamlak ah a om pak tawh kibang lel hi.

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

Late 102:11

Keima nuntakna pen nitak lam a a om niliim tawh kibang lel a, lopa bangin ka vul gawp hi.

Late 37:2

Bang hang hiam cih leh lopa bangin amaute vul pak ding uh a, lokung hingte bangin keutum ding uh hi.

Late 39:6

Niliim bangin mihing pai kawikawi takpi hi. A mawkna-in amau lungkham takpi uh a, kuaʼ ngah ding cih thei lopi-in mite in na a khol uh hi.

Isaiah 40:7

Topa’ hu in a mut ciangin lopa vulin, pak a pulh hi. Mihingte lopa bang lel hi taktak hi.