Jeim 1:1 - Tedim Bible Revision 2017

¹ Pasian le Topa Jesu Khris sila keimah James in Leitung mun khempeuh ah kithehthangin a om minam sawm le nihte tungah hopihna lai ka hong gelh hi.

Tedim Bible

¹ Pasian leh Topa Zeisu Khazih’ sila ahi keimah Jeim in mun khempeuh ah kikhen thangin a om, pawl sawm leh pawl nihte kong hopih hi.

Jeim 1:1 Referans Kwoze

Ezekiel 12:15

Minam dangteʼ lak gam dangah amaute ka thehthang ciangin Topa ka hihna thu amaute in hong phawk ding uh hi.

1 PETER MASA 1:1

Jesu Khris sawltak keimah Peter in Pontas gam, Galatia gam, Kappadosia gam, Asia gam le Bithynia gamah kithehthangin peemta-in a om mite kiangah lai ka hong khak hi.

Johan 7:35

Tua ciangin Jew mi uliante khatlekhat kiho uh a, “I muh zawh loh dingin hih mipa koi lai ah pai sawm hi ding ahi hiam? Jew mite omna Grik khuapi tuamtuamte ah pai-in Grik mite kiangah thu hilhsawm hi ding ahi hiam?

Sawltak 8:1

Hih Stefen thahna thu ah Saul in zong thukimpih hi. Tua ni a kipanin Jerusalem khua-a om pawlpite in nakpi takin bawlsiatna thuak ding kipan uh hi. Sawltakte sim loh, thu um midang khempeuh, Judea gam le Samaria gamah kithehthang gawp uh hi.

Sawltak 15:23

a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam le Silisia gam a om thu upna sungah sanggam ahi Gentail mite tungah hopihna kam kong khak uh hi.

Titu 1:1

Pasianʼ sila le Jesu Khrisʼ sawltak ahi keimah Paul in, Thuzuau a gen ngei lo Pasian in tangtawng pekin thu hong ciamin, a hunhoih a tun ciangin thuhilhna tawh a hong kilatsak nuntak tawntungna thu lametna tawh, Pasianʼ teel miteʼ upna le thuman thutak a theihna uh ah biakna thu tawh kituakin a khan semsem nading thu a hilh dingin eite hong Hon Pasianʼ thupiakna tawh nasep hong kipia ahih manin,

Galati 2:9

Makai a kinei James, Peter le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasem khawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

Sawltak 15:13

A thugen uh a man khit ciangin James in thu hong gen a, “Lawmte aw, ka thugen hong ngai dih un.

Thu-hilhkikna 28:64

“Topa in leimong khat panin mong khat, mi khempeuhte lakah note hong thehthang ding hi. Tua lai ah note le na pu na pate un a theih nai loh sing le suang tawh a kibawl pasian dangteʼ na na sem ding uh hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasianʼ teelna tawh sawltak ahi, Jesu Khrisʼ sila keimah Paul in lai ka hong khak hi.

Sawltak 21:18

A zing ciangin James kiangah Paul tawh ka hawh uh a, tua lai ah pawlpi upa khempeuh a na om uh hi.

Johan 12:26

Ka nasemte keima omna ah a om theih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Mattiu 19:28

Jesu in amaute kiangah, “Keʼn limtak a kong genin ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Juda 1:1

Jesu Khrisʼ sila ka hih banah Jamesʼ nau keimah Jude in: Pasianʼ sapna hangin Jesu Khris kepna sungah Pasian itna tawh a om mite tungah lai ka hong khak hi.

2 PETER NIHNA 1:1

Jesu Khris nasem le sawltak ahi keimah Simon Peter in: Eiteʼ Pasian le Honpa ahi Jesu Khris a thumanna hangin koteʼ upna zah mahin upna manpha a nei mite tungah lai ka hong khak hi.

Filippi 1:1

Jesu Khrisʼ sila keimah Paul le Timoti in Filippi khua-a om Khris tawh a kipawl Pasianʼ mite, siate le upate khempeuh tungah lai ka hong khak uh hi.

Galati 2:12

James in a hong sawl mi pawl khatte, tua khua ah a hong tun ma-in Peter in thu um Gentail mite tawh an nekhawm napi-in, Gentail mite vun at ding hi, a ci mite a kihtakna hangin tua mite hong tun ciangin Gentail mite tawh an nekhawm ngam nawn loin hong kihem khia hi.

Galati 1:19

Tua hun laitakin Topaʼ sanggam James sim loh sawltak kuamah dang ka mu kei hi.

Sawltak 15:21

Bang hang hiam cih leh Sabbath nisimin kikhopna innte ah Moses Thukhamte kisim ngitnget a, khua khempeuh ah Moses thugente mah hilh belin kinei hi,” a ci hi.

Sawltak 1:13

Jerusalem a tun uh ciangin amauteng, Peter, Johan, James le Andru, Filip le Thomas, Bartholomew le Matthai, Alfeasʼ tapa James, Simon (gam khual pa) le Jamesʼ tapa Judas a tunna uh inn dei ah a kah to uh hi.

Mattiu 13:55

Khutsiam paʼ tapa hi lel a, a nu zong Mary a kici nu hi lel hi lo ahi hiam? Ama naute zong James, Josef, Simon le Judas hi lo ahi uh hiam?

1 KUMPI MASATE 18:31

“Israel, nangma min hi ding hi,” ci-in Topaʼ thu a tunna Jakobʼ tapa minam sawm le nihte tawh kizui-in Elijah in suangtum sawm le nih la hi.

Thu-hilhkikna 30:3

Topa na Pasian un note na ngei uh hong bangsakkikin, note tungah hehpihna hong nei dinga, Topa na Pasian un note hong thehthangna mi khempeuhte lak panin note hong kaikhawmkik ding hi.

Siampi Laibu 26:33

Keimah in minam dangte lakah note kong thehthang dinga, keimah in namsau a paai panin dokin note kong delh ding hi. Na leitang uh gamkhing suak dinga, na khuapite uh a sia hi ding hi.

Sawltak 12:17

Amaute a pau nawn loh nadingun Peter in a khut van a, thong sung panin Topa in amah a paikhiat pihna zia teng a gen hi. Tua ciangin, “James le pawlpi midangte kiangah hih thu na gen un,” ci-in a vaikhak khit ciangin mun dangah a paikhia hi.

Ezra 6:17

Amaute in Pasianʼ biakinn apna-in bawngtal za khat, tuutal za nih le tuuno za li go uh a, mawhna hanga biak nadingin Israel-te khempeuh adingin a minam phazah tawh kizui-in keeltal sawm le nih a pia uh hi.

Thu-hilhkikna 4:27

Topa in mite lakah note hong thehthang dinga, Topa in note hong hawlna minamte lakah mi tawmcik bek na om lai ding uh hi.

Paikhiatna 39:14

Israel tapate a phazah tawh kituakin amauteʼ min a kigelhna suang sawm le nih om hi. Tua min gelhnate pen minam sawm le nih a huamin a kigelh ahi hi.

Paikhiatna 24:4

Moses in Topaʼ thugente khempeuh a gelh hi. Zingsangin amah tho baih a, mual bulah biakna tau khat lamin, Israel minam sawm le nihte tawh kituakin khuam sawm le nih a phut hi.

Mangmuhna 7:4

Israel mite sung panin a namnamin Pasianʼ ciaptehna tawh a taltang uh ah a kiciamteh mi a vekpi-in 144,000 pha hi, ci-in hong kigen hi.

Sawltak 2:5

Tua laitakin biakna pawi siim dingin gam tuamtuam panin a hong pai Jew mi biakna hahkat mi tampi tak, Jerusalem khua sungah a om uh hi.

Luka 22:30

Keima Ukna sungah an ne tui dawnin sabuai kiimah na tu ding uh a, Israel minam sawm le nihte tungah thu a khen dingin thukhenna tokhom tungah na tu ding uh hi,” a ci hi.

Mattiu 10:3

Filip le Bartholomew, Thomas le siahdongpa Matthai, Alfeasʼ tapa James, Thaddeas,

Esther 3:8

Tua ciangin Haman in Kumpipa Ahasuerasʼ kiangah, “Na ukna gam tuamtuam sunga om mite lakah a om kawikawi, amau a tuam om mi pawl khat om hi. Amauʼ ngeinate pen midangte aʼ tawh kibang lo a, amaute in nangma thukhamte zui lo uh hi. Tua ahih manin hih mite na hici khah khong ding kilawm lo hi.

Paikhiatna 28:21

Israel tapateʼ min tawh kituakin amauteʼ min a omna suang sawm le nih om ding hi. Tuate pen minam sawm le nihte adingin amauʼ min ciat kigelhin, min gelhna tawh kibang ding hi.

2 TIMOTI NIHNA 4:21

Phalbi tun ma-in nong pai theih nadingin hong hanciam in. Eubulas, Pudens, Linas, Klaudias le i sanggam dangte khempeuh in zong hong hopih uh hi.

Sawltak 23:26

“A Lian Menzipa aw, Keimah Klaudias Lysias in hopihna lai ka hong gelh hi.

Luka 6:15

Matthai, Thomas, Alfeasʼ tapa James, Simon (gam khual pa),

Marka 3:18

Andru, Filip, Bartholomew, Matthai, Thomas, Alfeasʼ tapa James, Thaddeas, Simon (gam khual pa),

Thu-hilhkikna 32:26

Keimah in, “Amaute gamlapi ah ka thehthang dinga, mite lakah amaute a kiphawkna ka beisak ding hi,” ka ci thei ding hi.