Isaiah 9:9 - Tedim Bible Revision 2017

^9-10 “Leiseekte kicim khin hi; ahih hangin suangseek tawh i lam ding hi. Theithek singte kisia khin hi; ahih hangin taamtak sing tawh i khek ding hi,” ci-a kiphasakin lungsim kihisak Efraim mite le Samaria gam sunga teeng mi khempeuh in thei ding uh hi.

Tedim Bible

^9-10 “Leisekte kicim khin hi; ahih hangin suangseek tawh i lam ding hi; theithek singte kisia khin hi, ahih hangin taamtaak sing tawh i khek ding hi,” ci-a kiphasakin lungsim kihisak Efraim mite leh Samaria gam sunga teeng, mi khempeuh in thei ding uh hi.

Isaiah 9:9 Referans Kwoze

Isaiah 46:12

“Suahtak nading haksa mahmah ding hi, a ci lungsim khauh mite aw, ka thu ngai un:

1 PETER MASA 5:5

Tua mah bangin no khangno zaw deuhte in zong a khanghamteʼ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Malakhi 3:13

Topa in hih bangin ci hi: “Kei tawh kisai-in na kampaunate uh khauh mahmah hi. Note in, ‘Bang kampau ka hi uh hiam?’ na ci uh hi.

Ezekiel 33:33

Ahi zongin a tung takpi ding ahih mah bangin, na thugente a tun ciangin amaute lakah kamsang khat omngei ahih lam hong thei ding uh hi,” hong ci hi.

Ezekiel 30:19

Tu-a bangin Egypt tungah gim ka piak ciangin, Topa ka hihna thu amaute in hong thei ding uh hi,” hong ci hi.

Ezekiel 7:27

Kumpipa dahin thum dinga, ulian pen pa a cih nading thei loin om cipin, mi khempeuh lau-in liing ding uh hi. Na gamtatna uh tawh kizui-in gim kong pia dinga, midangte tungah thu na khen bangun note tungah thu kong khen ding hi. Hih bangin kong hih ciangin Topa ka hih lamtak na thei ding uh hi,” cihna thu ahi hi.

Ezekiel 7:9

Note kong zah kei dinga, zong kong khasiat kei ding hi. A muhdahhuai na gamtatna sate uh hangin gim a hong pia ding ka hi hi. Tua ciangin Topa ka hihna le note tungah gim a hong pia pa ka hihna na thei ding uh hi.

Jeremiah 32:24

“‘En in, khuapi lak nadingin kan a to khinzo uh hi. Namsau tawh kithahna hang, kialpi hang le pulnatna hangin amaute a sim Khaldea miteʼ khut sungah khuapi a kipia ding hi. Nong gen sa bangin hong tun loh phamawh ahih manin en in, nangʼ na mu ta hi.

Isaiah 48:4

Note pen paupeeng in na ngawng uh sik thagui bang hi a, na thatang uh sumngo bangin a sakna thei khin ka hih manin,

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute adingin na geel sa gimnate amaute thuaksak in. Na mite na itna thu na galte tungah kilangsak in.

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

1 KUMPI MASATE 22:25

Tua ciangin Mikaiah in, “En in, nangmah a bu dingin inn dei nungah na pai ni ciangin na thei ding hi,” a ci hi.

Isaiah 7:2

“Syria-te pen Efraim mite tawh kikop,” ci-in Davidʼ innkuante tungah a kigen ciangin, huih in gamlak a singte a mut bangin amah le a mihingteʼ lungsim kiliing hi.

Isaiah 9:8

Topa in Jakob tungah thu khat khah a, Israel tungah thu hong tung ding hi.

Isaiah 28:1

Israel Kumpi gam in siatna a thuak ding hi ta hi. Zu a kham, a gam makaiteʼ lu tungah a om pak tawh a kibawl Kumpi lukhu bangin a minthanna maimang ta hi. A lutang uh paknamtui kinuh napi-in zukhamin tuk mangkhin uh hi.

Isaiah 28:3

Israel zukham makaite in a kiphatsakpih kumpi lukhu pen khe nuai ah kituancil ding hi.

Hosea 8:14

Bang hang hiam cih leh Israel mite in amau a Piangsak pa mangngilh uh a, inn lianpipite a lam uh hi. Judah mite in zong kulh nei khuapi tampi a lam thuah uh hi. Keimah in tua khuapite mei tawh halin a inn lianpite uh ka kaang tumsak ding hi, ci hi.

Malakhi 1:4

Esauʼ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uh leh lam uh hen; ahi zongin ka susiakik veve ding hi. Midangte in, ‘Gam gilo, Topaʼ heh tawntungna minamte,’ ci-in ko ding uh hi,” ci-in a dawng ding hi.