Isaiah 9:4 - Tedim Bible Revision 2017

⁴ Bang hang hiam cih leh Midian-te a kizawh ni-a bangin nangmah in amauʼ van gik puakna hakkol le amaute a kisatna ciangkhut na kuaihtansak a, nangma mi a bawlsia minamte na zo gawp hi.

Tedim Bible

⁴ Bang hang hiam cih leh Midian mite a kizawh ni-a bangin nangmah in gik a sak uh a hakkol uh, amau liangko tunga singzawl leh amaute a nengniamte in a satna ciangkhut na kuaihtan sak a, nangma mi a bawlsia minamte na zo gawp hi.

Isaiah 9:4 Referans Kwoze

Isaiah 14:25

Keimah in ka gam sungah Assiria mite ka susia dinga, ka mual tungah ka sikcip ding hi. Ka miteʼ tung panin Assiria-teʼ hakkol amauteʼ liangko panin Assiria-teʼ van gik kia khia ding hi,” a ci hi.

Jeremiah 30:8

“Vanglian Topa in kong cih in ah, tua ni ciangin amauʼ ngawng panin a hakkolte uh ka kuaihtansak dinga, a khaute ka su tat ding hi. Amaute, gamdang miteʼ salin a om nawn kei ding uh hi.

Nahum 1:13

Noteʼ tungah Assiria miteʼ aana neihna ka beisak dinga, note hong khihna sikkhaute ka su tat ding hi,” ci hi.

Isaiah 54:14

Thuman le thutang in nang hong thahatsak ding hi. Nenniamna tawh na kigamla dinga, nang na lau kei ding hi. Kihtakna tawh na kigamla dinga, nangma nai ah tuate hong pai lo ding hi.

Isaiah 49:26

Nang hong nengniam mite pen amauʼ satak mah ka nesak dinga, zukham bangin amauʼ si mah a kham ding uh hi. Tua ciangin kei pen Jakobʼ Vanglian Pa, nang hong Tan khia pa, nang hong Hon Topa ka hihna mi khempeuh in hong thei ding uh hi,” a ci hi.

Siampi Laibu 26:13

Note pen amauʼ sila na hih loh nadingun Egypt gam panin note a hong paikhiatpih Topa na Pasian uh ka hi hi. Keimah in noteʼ gimna hakkolte kuaitanin note a ding tangin kong paisak hi.

Piancilna 27:40

Na namsau tawh na nungta dinga, na sanggampaʼ na na sem ding hi. Ahih hangin amah na langpan ciangin ama khutnuai panin na leeng khia ding hi,” a ci hi.

Isaiah 10:5

Assiria-te pen ka hehna mite gimpiak nadingin molhtum le ciangkhutin ka zat ahi hi.

Late 125:3

Thuman mite a khialh khak loh nadingun amau a kipia leitang tungah migilote in amaute uk paisuak lo ding hi.

Isaiah 51:13

Vantungte zalin, lei bulpite a koih, note a hong bawl Topa hong mangngilh khinta na hi uh hiam? Note susia dingin a kithawi, no a hong nengniamteʼ hehna, bang hangin kihta-in lau tawntung na hi uh hiam? Amauteʼ hehna in note hong susia zo het lo ding hi.

Isaiah 47:6

Ka mite tungah ka heh a, ka luah gamh ka ninsak hi. Nangma khut sungah amaute kong pia a, nangmah in amaute na hehpih bawl kei hi. A khangham mite nangawn na ngongbawl mahmah hi.

Late 81:6

“Na liangko uh a om na vangikte uh ka hong lakkhiatsak a, na khut uh a vangikte ka hong khiasak hi.

Isaiah 9:5

Galkap hangteʼ khedap khempeuh le si a baang puan khempeuh mei-in kicih ding hi.

Isaiah 16:4

A kihawl khia ko Moab mite note lakah hong tengsak unla, kote hong susiateʼ kiang panin koteʼ belh hong hi un. A nengniam pa om nawn loin siatna hun bei ta a, a khe tawh a sik mipa gam sung panin a manthan ciangin,

Isaiah 52:2

A kimancip Jerusalem mite aw, leivui panin kising khia unla ding to un. A kiman Zion mite aw, na ngawng panun hong kihenna khaute sut khia un.

Jeremiah 48:17

“A kiim a teengte le a min a thei mite aw, Moab gam kah un. ‘A minthanna bei khinta a, a vangliatna kumpi ciangkhut kitan ta hi,’ ci un.

Isaiah 10:16

Tua ahih ciangin Topa, Vanglian Topa in ama mi thaute lakah natna lianpi tungsak dinga, tua natna pen amaute sungah mei bangin kuang niloh ding hi.